Наша газета - "Перамога"!



Валейбольны турнір у СВК "Граніт-Агра"

Перамогамі мужчынскай каманды будаўнікоў і жаночай каманды адміністрацыі завяршыўся валейбольны турнір СВК "Граніт-Агра".

Удзельнікамі спаборніцтваў сталі 13 каманд вытворчых, кіраўнічых падраздзяленняў сельгаспрадпрыемства і ўстановаў, якія месцяцца на тэрыторыі СВК.

У турніры мужчынскіх каманд за перамогу змагаліся валейбольныя калектывы механізатараў круцілавіцкага і таркачоўскага аддзяленняў, вадзіцеляў, будаўнікоў, заатэхнічнай, інжынернай і агранамічнай службаў, свінагадоўчага комплексу.

Перамаглі будаўнікі. Другое месца занялі вадзіцелі, трэцяе — механізатары круцілавіцкага аддзялення.



16 лютага. Хроніка тыдня.

3 31 студзеня па 6 лютага ў аператыўна-дзяжурную службу паступіла 73 паведамленні і заявы аб правапарушэннях і здарэннях, з іх аб злачынствах - 10, сямейных скандалах - 12, фактах смерці - 6. Зафіксавана 2 дарожна-транспартныя здарэнні.

Да адміністрацыйнай адказнасці прыцягнуты 113 правапарушальнікаў, з іх за з'яўленне ў п'яным выглядзе або распіццё спіртных напояў у грамадскіх месцах, з'яўленне на працы ў стане алкагольнага ап'янення — 19 чалавек.



Мая школа - мой лёс

У Вензавецкім дзіцячым садзе-сярэдняй школе адбыўся традыцыйны вечар-сустрэча з выпускнікамі. Меркаваннем аб гадах вучобы яны, а таксама цяперашнія вучні школы падзяліліся з юнымі карэспандэнтамі школьнай газеты.

Рэспандэнтам было прапанавана адказаць на пытанне: якую ролю адыграла школа ў вашым жыцці?

Ганна Іванаўна Франюк, дырэктар Вензавецкай школы:
— Прыгадваю выпускны баль 1980 года. Выпускнікі вясёлыя, шчаслівыя, і ў той жа час, крыху разгубленыя. Скончылася. дзяцінства, наперадзе чакае дарослае жыццё. Хвалюе пытанне: якім шляхам пайсці, якой справе сябе прысвяціць. Паколькі нездарма народная мудрасць гаворыць: "Да-рог у свеце многа, а ты між іх знайдзі сваю". Я яе знайшла. Мой лёс — гэта не толькі мае блізкія і родныя людзі, але і мае вучні, увогуле — школа. Яна як вялікая сям'я, у якой пануюць насычанае і радаснае жыццё, атмасфера цяпла, дзе паважаюць адзін ад-наго. Упэўнена, што вучні нашай установы будуць вартымі высокага звання — чалавек.



Выпускнікі сустрэліся ў школе

Дні, як гады, гады, як эпоха, — такая па дзеяннях і задумах сутнасць нашага часу. Імклівага. Напружанага. Велічнага і да болю супярэчлівага.

Люты... За вокнамі завея... А ў сярэдняй школе № 1 г. Дзятлава пануе цеплыня: ідзе традыцыйны вечар-сустрэча з выпускнікамі.



Аб памерах страхавых узносаў для сельгаспрадпрыемстваў

Згодна з Указам Прэзідэнта Рэспублікі Беларусь ад 24 студзеня 2011 года №34 "Аб некаторых пытаннях сельскагаспадарчых арганізацый" з 1 студзеня 2011 года па 31 снежня 2014 года для работадаўцаў, занятых вытворчасцю сельскагаспадарчай прадукцыі, аб'ём якой складае больш за 50% агульнага аб'ёму атрыманай прадукцыі, абавязковыя страхавыя ўзносы на пенсійнае страхаванне ўстаноўлены ў памеры 22% (на 2% менш, чым было раней).

Тарыф страхавых узносаў на сацыяльнае страхаванне застаўся на ранейшым узроўні і складае 6%.

Агульны тарыф узносаў для названых работадаўцаў складае 28% замест 30, прымяняемых раней.



Шлях да святыняў

У Дзятлаўскім гісторыка-краязнаўчым музеі адкрылася экспазіцыя "Шлях да святыняў". Гэта — творчая выстава мастачкі з Маладзечна Ядзвігі Сянько. Экспазіцыя налічвае 51 работу — спісы з вядомых ікон і біблейскія сюжэты.

Гадоў 15 таму мастачку, якая закончыла Маскоўскі ўніверсітэт мастацтва, прывабіла хрысціянская тэма. Ядзвіга Сянько з благаславення Філарэта, Патрыяршага Экзарха ўсёй Беларусі, пачала выконваць спісы з сусветна вядомых ікон. Яе работы — гэта больш за 1200 копій ікон і карцін на хрысціянскія тэмы.



Рэканструкцыя дзяцячага аддзялення завершана

Доўгачаканай падзеяй для Дзятлаўскай раённай бальніцы, для яе маленькіх пацыентаў і іх матуляў стала завяршэнне рэканструкцыі дзіцячага аддзялення. Яго ўрачыстае адкрыццё адбылося 10 Лютага.

Мерапрыемства сабрала шмат гасцей, у ліку якіх — старшыня Дзятлаўскага райвыканкама I. Крахмальчык, начальнік упраўлення аховы здароўя Гродзенскага аблвыканкама А. Стрыжак, намеснік старшыні райвыканкама П. Чырко, начальнік ААТ "Дзятлаварамбуд" С. Чарнікевіч, старшыня раённай арганізацыі грамадскага аб'яднання "Белая Русь" А. Кудзінаў.

На адрас адміністрацыі, персанала бальніцы і работнікаў абноўленага аддзялення гучалі пажаданні плённай працы на ніве здароўя. Божае благаславенне выказалі Благачынны цэркваў Дзятлаўскай акругі, пратаіерэй М. Пінчук, ксёндз прыходу касцёла Божага цела ў вёсцы Дварэц В. Біскевіч.



15 лютага - Грамніцы або Стрэчанне

Першая назва свята, як мяркуюць, пайшла ад язычніцкага бога Грамаўніка, якому прыпісвалася ўтварэнне веснавых навальніц і дажджоў. Пасля гэтага дня павінна была ўпасці ўлада змрочных божастваў зімы: "На Грамніцы — паўзіміцы" або "Як прыйдуць грамніцы — скідай рукавіцы". Стрэчанне (ад царкоўнага "Сретенье") — народ тлумачьіў як сустрэчу зімы з вясною. Таму не дзіўна, што гэта свята звязана з шэрагам метэаралагічных прымет. "Калі на Грамніцы певень з-пад страхі нап'ецца вадзіцы, то на Юр'я вол пад'есць травіцы".



Раготнаўская каманда - чэмпіён абласной спартакіяды

Раготнаўскія лыжнікі, якія прадстаўлялі Дзятлаўскі раён на зімовай абласной спартакіядзе для сельскіх жыхароў (спаборніцтвы адбыліся 3-4 лютага ў Лідзе), атрымалі камандную перамогу ў агульным заліку і занялі шэраг прызавых месцаў у індывідуальных гонках і эстафетах.

Медальны пачын для нашай каманды зрабіла Алена Апанасік. Яна фінішавала з трэцім вынікам ва ўзроставай катэгорыі дзяўчат 1994-1996 гадоў нараджэння. Дыстанцыю 1260 метраў (1 круг) Алена прабегла за 3 хвіліны 48 секунд. У гэтай жа катэгорыі вызначылася і самая юная з удзельніц — Дзіяна Татарынава. Яна паказала 6-ы вынік (4.18) сярод 62 стартаваўшых. У дваццатку лепшых забеглі Таццяна Лазоўская (14-е месца, 4.55) і Вікторыя Фабішэўская (16-е месца, 5.12).



Якую дапамогу аказваць пры апёку?

Апёкі рознай ступені і балявы шок, які пры іх узнікае, — наступствы пажару. Галоўнае — навучыцца дзейнічаць граматна ў такой сітуацыі.

Па-першае, па магчымасці трэба ўвесці чалавеку, які папакутаваў, абязбольваючы сродак; абавязкова накласці асептычную павязку на апечаную паверхню або прыкрыць яе стэрыльнай прасціной; у час транспарціроўкі чалавека ў стацыянар забяспечыць нерухомасць пашкоджаных органаў. Такая мабілізацыя дапаможа папярэдзіць дадатковае пашкоджанне тканак і развіццё балявога шоку.



"Таму не дзівіся, што п'яныя пабіліся"

Кожнае трэцяе забойства і кожнае чацвёртае наўмыснае нанясенне цяжкіх цялесных пашкоджанняў маюць бытавую аснову. Іншымі словамі, яны здараюцца паміж людзьмі, якія жывуць у адной кватэры ці доме.

Часцей за ўсё прычынай гэтых скандалаў з'яўляецца моцнае "сяброўства" з алкаголем аднаго ці двух членаў сям'і. Як вынік, кожны пяты з ліку памерлых па знешніх прычынах памірае ад выпадковага атручэння алкаголем.

Міліцыя не можа ў такой сітуацыі заставацца ўбаку: так, у 2010 годзе па так званых прэвентыўных артыкулах Крымінальнага кодэкса Рэспублікі Беларусь узбуджана 10 крымінальных спраў у адносінах да асобаў, якія пагражалі нанесці траўмы ці ўвогуле забіць другога члена сям'і. Да прыкладу, жыхар пасёлка Гезгалы сярэдняга ўзросту, які быў у нецвярозым стане, схапіўшыся за нож, пагражаў жонцы забойствам, штосьці падобнае адбылося і ў адной з маладых сямей Дзятлава.



З пасяджэння камісіі па справах непаўналетніх

АПОШНІ ШАНЦ ЗАСТАЦЦА МАМАЙ

Гэтая жанчына ўжо пазбаўлена бацькоўскіх правоў у адносінах да двух старэйшых дзяцей. Цяпер у яе застаўся апошні шанц застацца мамай — у адносінах да свайго малодшага дзіцяці. Быў час, калі яно ўжо выхоўвалася ў сацыяльным прытулку. Тады жанчына ўзялася за розум, закадзіралавася, ўладкавала сваё жыццё, дзіця ёй вярнулі. Толькі, на жаль, грамадзянка С. ізноў узялася за старое: злоўжывае алкаголем, здараецца, дзіця на працягу некалькіх дзён не наведвае дзіцячы сад. Бывае і так, што яго забірае да сябе сястра грамадзянкі С, якая таксама любіць заглянуць у чарку. Ды і ў хаце пануе беспарадак, парушаюцца правілы пажарнай бяспекі.



Вынікі абласных алімпіяд

У абласной алімпіядзе па працоўным навучанні дыплом трэцяй ступені атрымаў прадстаўнік Дзятлаўшчыны Вадзім Кедук (10 клас, Казлоўшчынская сярэдняя школа). Вучань 9 класа гімназіі № 1 г. Дзятлава Аляксей Шундрык адзначаны дыпломам трэцяй ступені па алімпіядзе па геаграфіі. Яшчэ адна вучаніца гімназіі Марыя Старыкава атрымала дыплом другой ступені па алімпіядзе па англійскай мове.

Вучань сярэдняй школы № 1 г. Дзятлава Раман Францішчык на абласной алімпіядзе па гісторыі атрымаў дыплом першай ступені. Таксама юнак адзначаны дыпломам другой ступені па выніках абласной алімпіяды па грамадствазнаўству.



Воін суровага Афгана

На Дзятлаўшчыне жыве шмат мужных людзей. I адзін з такіх — Вячаслаў Вячаслававіч Касянюк. Ён — ветэран вайны ў Афганістане. Узнагароджаны медалём "Ад удзячнага афганскага народа", двума юбілейнымі медалямі, нагрудным знакам "Выдатнік Савецкай Арміі".

Нарадзіўся ў 1969-ым годзе на Дзятлаўшыне, у вёсцы Погіры. Бацька Вячаслаў Іванавіч працаваў трактарыстам у калгасе. Маці Яніна Іванаўна — на ферме. Яшчэ ў Вячаслава ёсць сястра Наталля і брат Аляксей. Вучыўся Вячаслаў у Жукоўшчынскай школе. У 1984-ым годзе, скончыўшы школу, ён паступіў у Казлоўшчынскае СПТВ, дзе атрымаў спецыяльнасць "трактарыст-шафёр". У 1987-ым годзе, пасля заканчэння вучылішча, уладкаваўся слесарам у калгас "1-га Мая", Адпрацаваў там паўгода, у лістападзе 1987-га года Вячаслава прызвалі ў армію. Спачатку ён трапіў служыць у пагранічныя войскі ў Сярэднюю Азію, у горад Пяндж на мяжу з Афганістанам. Тры месяцы праходзіў службу ў вучэбным цэнтры.
Потым было размеркаванне, хто далей жадае ісці служыць: вадзіцелем БТР або БМП.



З цягам часу боль праходзіць

У Булата Акуджавы ёсць такія радкі: "Ах, война, что ж ты сделала, подлая: стали тихими наши дворы, наши мальчнки головы подняли, повзрослели они до поры..." Легендарны бард прысвяціў іх Вялікай Айчыннай вайне. Аднак, на мой погляд, яны адлюстроўваюць не толькі характар канкрэтнай вайны, а, увогуле, вайны — як найбольшага зла на свеце. Яно забірае ўсё лепшае: маладосць, каханне, шчасце, жыццё. Так было спрадвеку: ці ў час антычных сутыкненняў, ці ў Першую сусветную вайну, ці ў Вялікую Айчынную. Так было і ў час вайны ў Афганістане. Цяпер меркаваць аб ёй мы можам па стужках "Грозовые ворота", "9 рота", іншых баевікоў на гэтую тэматыку. Калі глядзіш, становіцца страшна: смерць, кроў, гібель маладых салдат — яшчэ зусім юнакоў. Дахаты, да сваіх родных і блізкіх, да каханых дзяўчат многія з іх вярнуліся "цынкавымі хлопчыкамі", так і не паспеўшы паспрабаваць асалоду жыцця. На жаль, гэтыя наступствы выклікаюць і цяперашнія падзеі ў Чачні.

Источник: Дятловская районная газета "Перамога" и интернет-портал http://diatlovonews.by/