Наша газета - "Перамога"!



Ствараецца летапіс школ

У школьным музеі Дварэцкай сярэдняй школы ствараецца новая экспазіцыя "Летапіс адукацыі на Дварэччыне". Сёмы клас атрымаў заданне сабраць звесткі аб Цяцейскай васьмігадовай школе. Гэта стала нагодай наведаць вёску.

Яна сустрэла цішынёй. Мы ішлі па старадаўняй брукаванцы, любаваліся наваколлем. Сапраўды, прыродны асяродак тут цудоўны: высокія дрэвы, што спляліся ўверсе голлем, балоцінкі і палянкі. Напэўна, увесну тут квітнее шмат першацветаў.



Наша агульная мэта - забеспячэнне бяспечнага функцыянавання вытворчых аб'ектаў

(Заканчэнне. Пачатак у № 2,3 газеты).

Выяўлена, што сярод вытворчага абсталявання найболей траўманебяспечнымі з'яўляюцца аўтатранспартныя сродкі, дрэваапрацоўчае, кавальска-прэсавае і пад'ёмна-транспартнае абсталяванне, сельскагаспадарчыя машыны і тэхніка. Таму важную ролю ў забеспячэнні бяспечных умоваў працы маюць мерапрыемствы, накіраваныя на забеспячэнне бяспекі вытворчага абсталявання, механізмаў і інструментаў, а менавіта:
- скарыстанне і выраб вытворчага абсталявання і інструментаў, якія задавальняюць патрабаванні аховы працы;
- мадэрнізацыя эксплуатуемага вытворчага абсталявання, механізмаў і прыладаў;
- выманне з эксплуатацыі вытворчага абсталявання, механізмаў і прыладаў, якія не адпавядаюць патрабаванням аховы працы;
- правядзенне тэхнічных аглядаў, засведчанняў, выпрабаванняў і дыягностыкі вытворчага абсталявання.



Калядны турнір па валейболу

У Наваельнянскім пассавеце адбыўся Калядны турнір па валейболу.

У ім удзельнічалі каманды ААТ "Наваельнянскі камбінат хлебапрадуктаў", ААТ "Наваельнянская міжрайсельгасхімія", ААТ "Наваельнянскае міжрайагразабеспячэнне", зборная пасялковага савета.

Першае месца занялі валейбалісты Наваельнянскага КХП. Ім дастаўся пераходны кубак.

I. МІХАЙЛОЎСКАЯ.



З павагай да старасці

3 музыкай, кветкамі, цёплымі словамі работнікі ўстановаў культуры Вензавецкага сельсавета частыя госці ў дамах састарэлых грамадзян. Віншуюць іх са святамі, асабістымі юбілеямі.

Вось і нядаўна ў сельвыканкам ад імя жыхароў Міроўшчыны звярнулася Тамара Міхайлаўна Васільчыкава.



Дэмаграфія

  • Пераклад(перевод): RU

Рэгістрацыя шлюбаў, нараджэнняў, смерці грамадзян

На працягу 2010 года аддзелам ЗАГС Дзятлаўскага райвыканкама, а таксама выканкамамі сельскіх і пасялковых Саветаў зарэгістравана 198 шлюбаў — на 19 шлюбаў менш, чым у 2009 годзе.

Менш, чым у папярэднім годзе, нарадзілася дзетак: калі ў 2009-ым — 256, то ў 2010-ым — 252. Найбольш пасведчанняў аб нараджэнні выдадзена Дзятлаўскім ЗАГСам — 117, Казлоўшчынскім пасвыканкамам — 26, Наваельнянскім — 25. Толькі два пасведчанні аб нараджэнні выдадзены ў Рудзе-Яварскай на працягу 2010 года, чатыры — у Белагурне, пяць — у Войневічах.



Новая мінімальная заработная плата

Для ўзмацнення сацыяльнай абароны нізкааплатных катэгорый работнікаў усіх арганізацый галін эканомікі (незалежна ад форм уласнасці) з 1 студзеня 2011 года ў Беларусі ўстаноўлена месячная мінімальная заработная плата ў памеры 460 000 рублёў.

Такое рашэнне змяшчаецца ў пастанове Савета Міністраў Рэспублікі Беларусь ад 20 снежня 2010 года №1844. Названай пастановай таксама ўстаноўлена пагадзінная мінімальная заработная плата ў памеры 2 710 рублёў.



Чалавек і яго справа

  • Пераклад(перевод): RU

Выпускніца Вензавецкай сярэдняй школы Жанна Анатольеўна Свіб і працаваць прыйшла сюды, у сваю альма-матэр. Пачынала жанчына лабарантам, цяпер яна — бібліятэкар.

- Гэта старанны чалавек, які добра ведае сваю справу, — характарызуе Жанну Анатольеўну дырэктар школы Г. I. Франюк. — Працуючы лабарантам, яна зарэкамендавала сябе як творчая асоба: Жанна Анатольеўна адказвала за выпуск часопіса па здаровым ладзе жыцця. Я палічыла, што бібліятэка — гэта яе стыхія, і не памылілася. У Жанны Анатольеўны — шмат ідэй, і прыемна, што яна ўвасабляе іх у жыццё.



Дарожны летуценнік

  • Пераклад(перевод): RU

Па натуры сваёй я — авантурыстка. Дарожны летуценнік. Дарога заўсёды вабіць мяне да сябе. Гэта — пачуццё волі і адчуванне, што ты — сам гаспадар свайго лёсу і абставін у ім. Гэта змена, навізна адчування жыцця. І дасягненне пастаўленай мэты — гэта як пацвярджэнне таго, што можаш у жыцці ўсё, калі вельмі хочаш, і фартуна будзе табе спрыяць у гэтым.

Што цягне чалавека на своеасаблівыя прыгоды? Зразумела, нейкія мэты. I, дай жа Божа, каб яны былі толькі дадатнымі... А каб дарога была ўдалай, я, напрыклад, перад ёю малюся — чытаю малітву да Ісуса Хрыста аб тых, хто вандруе. I верыце вы ці не, але мне, дзякуй Богу, у гэтай справе шанцуе. Быццам бы светлыя сілы суправаджаюць мяне на працягу ўсяго шляху падарожжа. Не, зразумела, без некаторых цяжкасцяў, як і ў любой іншай справе, у падарожжы часам не абысціся. Але ўсё роўна дадатных момантаў і харошых людзей больш, чым дрэнных.



Адрас надзеі: Каб не застацца адзін на адзін з хваробай

16 кастрычніка 2010 года ў Рэспубліцы Беларусь было зарэгістравана Рэспубліканскае грамадскае аб'яднанне "Беларуская арганізацыя хворых на мукаполісахарыдоз і іншыя рэдкія генетычныя захворванні".

Мэтамі і задачамі арганізацыі з'яўляюцца аб'яднанне хворых з рэдкімі генетычнымі захворваннямі, а таксама маральная падтрымка, абарона правоў і інтарэсаў, прыцягненне ўвагі грамадскасці да праблемаў хворых, збор інфармацыі аб перадавых метадах лячэння МПС і іншых рэдкіх генетычных захворванняў.



Праўда пра алкаголь

ЦІ МОЖНА ВЫКАРЫСТОЎВАЦЬ СПІРТНЫЯ НАПОІ ДЛЯ СТЫМУЛЯЦЫІ АПЕТЫТУ?

Лічыцца, што алкаголь стымулюе апетыт. Спачатку чарка гарэлкі ці іншага спіртаўтрымліваючага напою, з'яўляючыся звышмагутным раздражняльнікам для слізістай абалонкі страўніка, на самой справе ўзмацняе апетыт. Але ўжо на пачатковым этапе парушаецца дзейнасць органаў стрававання. А з часам цяга да ежы цалкам знікае. Усім вядома, што алкаголікі п'юць, не закусваючы, і могуць не есці на працягу даволі доўгага часу.



Неінфекцыйная эпідэмія

Менавіта такую назву ў апошні час атрымаў цукровы дыябет. Колькасць хворых на яго ў свеце перавышае 180 мільёнаў чалавек. Па прагнозах на 2025 год гэтая лічба можа скласці 380 мільёнаў чалавек. На пачатак кастрычніка 2010 года ў Беларусі зарэгістраваны 198955 хворых на цукровы дыябет, у Гродзенскай вобласці — 23429.



Пагроза жыццю

Узбуджальнікам шаленства з'яўляецца спецыфічны вірус, які ўтрымліваецца ў сліне хворай жывёлы. Заражэнне адбываецца праз укус, асліненне, абдрапанне шалёнай жывёлай. Заразіцца можна і пры сутыкненні з прадметамі, якія забруджаны яе сліной.

Характэрнымі сімптомамі хваробы з'яўляюцца слінацячэнне, агрэсіўнасць, паралічы. Найбольш небяспечнымі з'яўляюцца пакусы ў вобласці галавы, шыі і рук.



Асцярожна: электрычнасць!

У 2010 годзе ў рэспубліцы адбыліся няшчасныя выпадкі з насельніцтвам, звязаныя з паражэннем людзей электрычным токам. У Мінскай вобласці адбылося 5 такіх няшчасных выпадкаў, у Гомельскай вобласці - 2, у Гродзенскай — 1.



Маладым - у МНС дарога

Для ўсіх выпускнікоў школ надыходзіць цяжкі перыяд — адказны час выбару будучай спецыяльнасці, прафесіі, якой можна ганарыцца. Думаю, кожны пагодзіцца з меркаваннем, што "выратавальнік — гучыць горда". Калі вам ад 17 да 21 года, калі вы не маеце праблем са здароўем, фізічна падрыхтаваны і жадаеце насіць пагоны афіцэра Міністэрства па надзвычайных сітуацыях, выратоўваць людзей, — вы заслугоўваеце быць курсантам вышэйшай навучальнай установы Міністэрства па надзвычайных сітуацыях.



Перапланіроўка дома па закону

Многія людзі, збіраючыся рабіць перапланіроўку (перабудову) не ведаюць, што неабходна рабіць. Вельмі рэдка хто задумваецца аб тым, што ў дадзенай сітуацыі неабходна вырашыць не толькі эканамічныя і арганізацыйныя пытанні, але і прававыя. Каб пазбегнуць магчымых негатыўных вынікаў, неабходна ведаць, якія работы забараняецца выконваць пры правядзенні перапланіроўкі вашай кватэры, аднакватэрнага ці блакіраванага жылога дома, якія патрабуюць спецыяльнага дазволу і ўзгаднення, каб зрабіць усё правільна. Куды ім неабходна звяртацца?

Источник: Дятловская районная газета "Перамога" и интернет-портал http://diatlovonews.by/