Наша газета - "Перамога"!

  • : Function ereg() is deprecated in /var/www/t-av/data/www/dyatlovo.info/includes/file.inc on line 649.
  • : Function ereg() is deprecated in /var/www/t-av/data/www/dyatlovo.info/includes/file.inc on line 649.
  • : Function ereg() is deprecated in /var/www/t-av/data/www/dyatlovo.info/includes/file.inc on line 649.
  • : Function ereg() is deprecated in /var/www/t-av/data/www/dyatlovo.info/includes/file.inc on line 649.
  • : Function ereg() is deprecated in /var/www/t-av/data/www/dyatlovo.info/includes/file.inc on line 649.
  • : Function ereg() is deprecated in /var/www/t-av/data/www/dyatlovo.info/includes/file.inc on line 649.
  • : Function ereg() is deprecated in /var/www/t-av/data/www/dyatlovo.info/includes/file.inc on line 649.
  • : Function ereg() is deprecated in /var/www/t-av/data/www/dyatlovo.info/includes/file.inc on line 649.
  • : Function ereg() is deprecated in /var/www/t-av/data/www/dyatlovo.info/includes/file.inc on line 649.
  • : Function ereg() is deprecated in /var/www/t-av/data/www/dyatlovo.info/includes/file.inc on line 649.


Тэлевізар ад "Звязды" зноў на Дзятлаўшчыне

Анатоль Аляксандравіч Бузук вось ужо дваццаць год выпісвае беларускамоўную рэспубліканскую газету "Звязда". Таксама верыць у поспех, і фартуна ў адказ шчыра ўсміхнулася яму.

— Я вельмі рады, што атрымаў ад маёй любімай газеты такі добры прыз, — кажа пенсіянер.
— Газета "Звязда" мне вельмі падабаецца. Выпісваю яе шмат год, вось і на першае паўгоддзе 2011 года я ўжо зноў аформіў падпіску. У газеце шмат карыснай і цікавай інфармацыі. Тут і навіны, і парады па гаспадарцы, і пра тое, што адбываецца ў свеце. Адным словам, у газеце ёсць усё і для кожнага. А самае галоўнае, што вабіць мяне ў "Звяздзе", гэта выданне на нашай роднай беларускай мове, як і наша раённая газета "Перамога". А цяпер, на жаль, гэта рэдкасць, — падкрэсліў падпісчык "Звязды".



З адзінага дня інфармавання

У студзені і лютым у Дзятлаўскім раёне прайшлі Адзіныя дні інфармавання. У час іх правядзення працоўнымі калектывамі і насельніцтвам па месцы жыхарства быў зададзены шэраг канкрэтных пытанняў, якія патрабуюць вырашэння. На іх адказалі кіраўнікі службаў раёна.

Пытанне работнікаў арганізацый і ўстановаў г.п. Наваельня пра рамонт парыльні ў лазні пасёлка Наваельня.
Адказ дырэктара Дзятлаўскага РУП ЖКГ Юрыя Пятровіча Залеўскага: Дзятлаўскае раённае ўнітарнае прадпрыемства жыллёва-камунальнай гаспадаркі на зварот жыхароў г.п. Наваельня па пытанні заканчэння рамонту лазні паведамляе, што яе поўны капітальны рамонт будзе закончаны да 1.09.2011 года пры ўмове выдзялення фінансавых сродкаў з абласнога бюджэту.



Пажаданні ў вясновы дзень

Да жаночага свята 8 Сакавіка было прымеркавана мерапрыемства, праведзенае ў Цэнтры сацыяльнага абслугоўвання насельніцтва Дзятлаўскага раёна. На яго былі запрошаны начальнік упраўлення па працы, занятасці і сацыяльнай абароне райвыканкама Л. Васюкевіч, дырэктар Цэнтра сацыяльнага абслугоўвання насельніцтва А. Луня, шматдзетныя матулі, жанчыны, які працуюць у сацыяльнай сферы.

Святочную ўрачыстасць для іх арганізавалі работнікі аддзялення пярвічнага прыёму інфармацыі, аналізу і прагназавання на чале з загадчыцай аддзялення Г. Касцюк. Адкрываючы мерапрыемства, яна павіншавала жанчын са святам 8 Сакавіка, пажадала здароўя, дабрабыту, шчасця. Кожная жанчына, якая прысутнічала на ўрачыстасці, атрымала падарунак. Набыць іх работнікі аддзялення змаглі, дзякуючы спонсарскай дапамозе індывідуальных прадпрымальнікаў Л. Маркушэўскай, М. Суравец, Н. Урбановіч, Н. Чэнтук.



Віншаванні прымалі жанчыны

Цёплыя віншаванні і музычныя падарункі атрымалі жанчыны Дзятлаўскага раёна ў час святочнага мерапрыемства, прымеркаванага да 8 Сакавіка. Яно адбылося ў Дзятлаўскім раённым доме культуры.

Гледачы мелі магчымасць атрымаць асалоду не толькі ад песеннага, але і ад вы-яўленчага мастацтва: у фае Дома культуры праходзіла выстава работ навучэнцаў Дзятлаўскай дзіцячай школы мастацтваў.

Урачыстая частка святочнай праграмы пачалася з віншаванняў старшыні Дзятлаўскага раённага Савета дэпутатаў А. С. Бараноўскага. Звяртаючыся да жанчын, ён адзначыў іх важкі ўклад у кожную са сфераў жыцця, пажадаў любові і клопату з боку родных і блізкіх, шчасця, сямейнага дабрабыту.



Змены ў падаткаабкладанні. Якія?

Пра найбольш адметныя змены, якія адбыліся сёлета ў вылічэнні падаходнага падатку з фізічных асобаў, карэспандэнтка гутарыць з начальнікам аддзела падаткаабкладання фізічных асобаў інспекцыі Міністэрства па падатках і зборах Рэспублікі Беларусь па Дзятлаўскім раёне I. Гірыкам.

— Ці будуць абкладвацца падаткам даходы, якія чалавек атрымаў, напрыклад, ад прабабулі?
— Сёлета пашыраны пералік фізічных асобаў, для якіх не будуць прызнавацца аб'ектам падаткаабкладання падаходным падаткам з фізічных асобаў даходы, атрыманыя ад фізічных асобаў, каторыя знаходзяцца з імі ў адносінах блізкай роднасці ці сваяцтва. Да асобаў блізкай роднасці цяпер адносяцца прадзед, прабабуля, праўнукі, а да асобаў, якія з'яўляюцца сваякамі — родныя мужа або жонкі (у тым ліку і памерлыя).



Масленіца!

3 Масленіцай звязвалі надзею на хуткі прыход вясны, якую віталі шумным гуляннем, вясёлымі конкурсамі і гульнямі, атракцыёнамі. Тым самым нашы продкі нібыта абуджалі прыроду ад доўгага зімовага сну.

Традыцыйна Масленіца святкавалася на працягу тыдня, сёлета ён доўжыўся з 26 лютага па 6 сакавіка. Кожны дзень масленічнага тыдня меў сваё значэнне. Так, напрыклад, перадапошні яго дзень называўся Залвіцынымі пасядзелкамі, калі нявестка запрашала родных мужа да сябе ў госці. А завяршала Масленіцу Даравальная нядзеля. У гэты дзень было прынята прасіць адзін у аднаго прабачэння, дараваць усе крыўды, каб з адкрытым сэрцам сустрэць Чысты панядзелак, з якога пачынаўся Вялікі пост.



Фінішны рывок Венславоўскага

Завяршыўся чэмпіянат раёна па шашках. Чэмпіёнам 2011 года стаў Мікалай Венславоўскі.

Чарговы чэмпіянат і чарговае супрацьстаянне двух лідараў дзятлаўскіх шашак — Юрыя Чайкоўскага і Мікалая Венславоўскага. Па закону спартыўнага жанра, калі каляндар турніру складзены правільна, галоўная дзея павінна адбыцца ў заключным акце.

У апошнім туры спаборніцтваў яна і адбылася. На фінішную прамую лідарам выйшаў Чайкоўскі. На палову ачка ад лідара адставаў Венславоўскі. I заключныя дзве партыі ім належала згуляць між сабою.



Раготнаўская каманда - лепшая ў вобласці

Хто б сумняваўся. У лыжнікаў Мікалая Анацкі сёлета амаль кожны старт пераможны. На гэты раз раготнаўцы вызначыліся на абласным зімовым спартыўным свяце "Гродзенская лыжня-2011" у Лідзе.

У праграме "Гродзенскай лыжні" былі індывідуальныя гонкі ў чатырох намінацыях і эстафета. Прэтэнзіі на агульнакаманднае лідарства раготнаўцы заявілі са старту. Алена Апанасік зрабіла залаты пачын у індывідуальнай дзявочай гонцы. Яна фінішавала першая. Сяброўкі па камандзе Таццяна Саўко — чацвёртая, Таццяна Лазоўская — пятая.

У жаночай гонцы Іна Ашмян, саступіўшы першынство слонімскай лыжніцы, заняла другое месца.



З газам не жартуй - згарэць можна!

У студзені бягучага года пры карыстанні газам у быце адбыліся два няшчасныя выпадкі, звязаныя з атручэннем чадным газам пры якіх загінулі 5 чалавек.

10 студзеня 2011 г. у населеным пункце Рэкта Жлобінскага раёна Гомельскай вобласці атрымалі смяротнае атручэнне чадным газам 2 чалавекі. Камісіяй выяўлены наступныя дэфекты абсталявання, якія сталі прычынай выхаду прадуктаў згарання ад катла КСТГ-12.5 у памяшканне кватэры:
- негерметычнае злучэнне дымаадводзячага патрубка катла з далучальным патрубкам дымавога канала (зазор па перыметры складае да 10 мм);
- злучальны патрубак ад катла да дымахода мае навылётныя прагарыны памерам ад 10 да 100 мм у даўжыню і шырынёй да 10 мм;
- адсутнічае прачыстная кішэня ў аснове дымавога канала;
- дымавы канал засмечаны будаўнічым смеццем.



Зноў фальшыўка

Магазіны сістэмы райспажыўтаварыстваў вобласці працягваюць "пакутаваць" ад фальшывых грошай (для даведкі: першыя выпадкі распаўсюджання фальшывак на Гродзеншчыне былі зарэгістраваны 14 снежня 2010 года).

Калі ў снежні мінулага года ўсяго было выяўлена 10 купюр, то на сёння — 35 купюр па 22 фактах збыту, наміналам 20000 беларускіх рублёў (серыі ВА №3898752) і 50000 беларускіх рублёў (серыі БР №2579243), усе 2000 года выпуску.

Фальшыўкі выраблены спосабам кропельна-струменнага друку дастаткова высокай якасці. У чорны спіс дзеянняў злачынцаў трапілі Навагрудак, Іўе, Масты, Гродна, Ліда, Шчучын.



Рыцарскі турнір

Ён адбыўся ў Гезгалаўскай гімназіі. Мерапрыемства для хлопчыкаў 5-7 класаў падрыхтавалі вучаніцы 7 класа.

У турніры ўдзельнічалі тры каманды хлопчыкаў. Ім неабходна было прадэманстраваць майстэрства камплімента, валодання "зброяй", як трэба аказваць першую медыцынскую дапамогу. Конкурсы чаргаваліся з музычнымі нумарамі і розыгрышамі.

Мерапрыемства падарыла нам добры настрой. А ўсе хлопчыкі, якія ўдзельнічалі ў конкурсе, паказалі сябе сапраўднымі рыцарамі.



І ўзмахне самалёт серабрыстым крылом...

Віраж... Яшчэ віраж па зале спартыўнага комлекса "Дынама"... Усё. Потым — чаканне рашэння журы. "— Другое месца ў сярэдняй катэгорыі па пілатажы прысуджаецца Аляксандру Антонавічу Нарэйчыку..." Зноў чарговая перамога: сарэбраны кубак і дыплом.

У мінулым годзе Аляксандр заняў трэцяе месца ў спаборніцтве па пілатажы і кіраванні мадэлямі самалётаў, зробленымі ўласнымі рукамі. Гэта даволі рэдкае спаборніцтва па авіямадэлізму ў закрытых памяшканнях, якое праводзіцца вось ужо чацвёрты год, адзінае на тэрыторыі постсавецкіх краін. Тут спаборнічаюць прадстаўнікі не толькі з Беларусі, але і з Расіі, Украіны, краін Прыбалтыкі.



Семінар для сацыяльных работнікаў

Штомесяц аддзяленнем сацыяльнай дапамогі на даму, якім загадвае Н. В. Чарняк, Цэнтра сацыяльнага абслугоўвання насельніцтва праводзіцца семінар-вучоба для сацыяльных работнікаў. Ён ставіць мэту павысіць узровень майстэрства людзей гэтай прафесіі, абмеркаваць многія пытанні сацыяльнай сферы.

Менавіта таму на семінар запрашаюцца і прадстаўнікі розных службаў, установаў раёна. Нядаўні семінар наведалі супрацоўнікі АУС Дзятлаўскага райвыканкама: начальнік аддзела ўнутраных спраў А. В. Жалнерчык, яго першы намеснік А. М. Зенаў, старшы інспектар прафілактыкі аддзела аховы правапарадку і прафілактыкі АУС райвыканкама А. А. Ламака.



Свята сагрэла душу

Нядаўняе пасяджэнне ўдзельнікаў клуба "Сустрэча" было прымеркавана да Дня абаронцаў Айчыны. 3 гэтай нагоды работнікамі аддзялення сацыяльнай адаптацыі і рэабілітацыі, якім загадвае Ж. В. Ерамейчык, Цэнтра сацыяльнага абслугоўвання насельніцтва Дзятлаўскага раёна было падрыхтавана ўрачыстае мерапрыемства.

Для нас, пажылых людзей, яно стала сапраўдным святам, сагрэла душу ў сцюдзёныя лютаўскія дні. Радавала прыгожае і ўтульнае афармленне залы, у якой праходзіла мерапрыемства, напаўнялі бадзёрасцю песні. Іх выконвалі артысты Дварэцкага сельскага дома культуры Аляксандр і Людміла Баклушыны, Ірына Цяцерына.



Падатак на прыбытак

У 2011 годзе мяняецца парадак прадастаўлення падатковых дэкларацый і ўводзіцца паняцце бягучых плацяжоў па падатку на прыбытак.

3 гэтага года падатак на прыбытак вылічваецца па выніках года, за выключэннем падатку на прыбытак з дывідэндаў, па якіх падатковым перыядам прызнаецца каляндарны месяц.

Падатак на прыбытак будзе плаціцца бягучымі плацяжамі і па выніках прайшоўшага падатковага перыяду (года). Пры гэтым вызначана катэгорыя плацельшчыкаў, якія маюць права не вылічваць і не плаціць сумы гэтага падатку, што належалі ўплаце бягучымі плацяжамі: бюджэтныя арганізацыі, грамадскія і рэлігійныя арганізацыі, іншыя некамерцыйныя арганізацыі пры адсутнасці па выніках прайшоўшага года прыбытку (стратаў).

Источник: Дятловская районная газета "Перамога" и интернет-портал http://diatlovonews.by/