Наша газета - "Перамога"!



Што рабіць з чэкамі "Маемасць"

Пытанне: У многіх грамадзян на сёння маюцца чэкі "Маёмасць". Што можна зрабіць з гэтымі каштоўнымі паперамі?

Чэкавая прыватызацыя ў Беларусі працягнецца да сярэдзіны 2013 года. Новы закон аб прыватызацыі ўступіў у сілу 1 студзеня 2011 года. У ім адсутнічае такі спосаб, як бязвыплатная прыватызацыя. I грамадзянам даецца апошні шанс стаць акцыянерамі тых ці іншых прадпрыемстваў. 3 новага года прыватызацыя будзе ажыццяўляцца толькі за грошы. Аднак, улічваючы значнасць сацыяльнага аспекта льготнай прыватызацыі, закон прадугледжвае пераходны адрэзак часу для яе завяршэння. Льготны продаж акцый акцыянерных таварыстваў, створаных да 1 студзеня 2011 года, будзе спынены толькі 1 студзеня 2014 года. Чэкавая прыватызацыя адкрытых акцыянерных таварыстваў, якія будуць створаны ў Беларусі пасля 1 студзеня 2011 года, праводзіцца не будзе.



Спажывецкія льготныя крэдыты

  • Пераклад(перевод): RU

Згодна з Указам Прэзідэнта Рэспублікі Беларусь ад 27 лістапада 2000 года №631 "Аб дадатковых мерах па павышэнні заработнай платы і прадастаўленні льготных крэдытаў асобным катэгорыям грамадзян" выпускнікам дзяржаўных сярэднеспецыяльных і вышэйшых установаў адукацыі, сярэднеспецыяльных і вышэйшых установаў адукацыі спажывецкай кааперацыі, якія пачалі працаваць па размеркаванні (накіраваны для праходжання службы) не па месцы жыхарства бацькоў, у арганізацыях, фінансуемых з бюджэту, воінскіх часцях, органах унутраных спраў, органах і падраздзяленнях па надзвычайных сітуацыях, арганізацыях спажывецкай кааперацыі і сельскагападарчых арганізацыях, прадастаўляюцца льготныя крэдыты на працягу двух гадоў пасля заканчэння гэтых навучальных установаў на набыццё хатняй маёмасці (мэбля, халадзільнік, тэлевізар, газавая або электрычная пліта, пральная машына, мікрахвалевая печ, камп'ютар, манітор, пыласос, электрачайнік, кухонная машына) і тавараў першай неабходнасці (вопратка, абутак, спальная бялізна, коўдра, падушкі, посуд), якія выраблены ў Рэспубліцы Беларусь.



Вынікі праверак выканання зямельнага заканадаўства

На сумеснай калегіі Камітэта дзяржаўнага кантролю Гродзенскай вобласці і пракуратуры Гродзенскай вобласці разгледжаны вынікі праверак работы мясцовых выканаўчых і заканадаўчых органаў г. Гродна і Гродзенскага раёна па выкананні зямельнага закададаўства.



Калядныя святы "З надзеяй"

  • Пераклад(перевод): RU

У аб'яднанні замяшчаючых сем'яў "З надзеяй" стала добрай традыцыяй супольна ладзіць каляднае свята. Вось і сёлета на ўрачыстасць з нагоды Нараджэння Хрыста сабралася больш за 50 чалавек. Запрашэнне на яе атрымалі таксама дзеці з няпоўных і шматдзетных сем'яў, дзеці-інваліды.

Свята праходзіла ў царкве хрысціян веры евангелісцкай, што ў Дзянісаве. Дзеці падрыхтавалі і паказалі прысутным калядны спектакль, чыталі вершы, спявалі песні. Дзецям падабалася выконваць ролі анёлаў, пастухоў, вешчуноў. У іх гэта атрымлівалася выдатна.



Святло Віфлеемскай зоркі

3 глыбіні стагоддзяў да нас дайшла традыцыя ў светлыя дні Нараджэння Хрыстова тварыць дабро і міласэрнасць, дзяліцца радасцю з бліжнім. Як і запаведаў Хрыстос, прынёсшы людзям святло любові.



Дармовы атракцыен

Вось, ужо каторы дзень у Дзятлаве коўзка. Працуюць работнікі ЖКГ: разбіваюць лёд, пасыпаюць спецыяльнымі сумесямі, але, на жаль, так не ўсюды.

У школу, на работу ці проста ў краму дабрацца апошні тыдзень стала сапраўдным выпрабаваннем на трываласць. Зразумела, у Дзятлаве забаўляльных атракцыёнаў амаль няма. Хіба хто вырашыў, няхай галалёдзіца стане такім дармовым атракцыёнам?



Весткі з сельсаветаў

УТРЫМАННЕ ДАРОГ—НА КАНТРОЛІ ВЫКАНКАМА

Пачатак гэтай зімы быў з вялікім снегам. Частыя снегапады стваралі перашкоды для руху транспарту. Аднак кіраўніцтва СВК "Вензавец", ААТ "Дзятлаўская сельгастэхніка", выканкам Вензавецкага сельсавета не пакідалі вяскоўцаў сам-насам з праблемамі: ачыстка дарог ад снегу праводзілася пастаянна. Жыхары аддаленых вёсак удзячныя кіраўнікам і калектывам названых арганізацый за тое, што дарогі ўтрымліваліся ў належным парадку, да іх маглі даехаць прадстаўнікі любой службы.



Зімовы прызыў: У добры час, салдаты!

На задніку сцэны раённага Дома культуры - эмблема Узброеных Сіл Рэспублікі Беларусь. Гучыць марш... Так у мінулую суботу распачыналіся ўрачыстыя провады ў армію 32 юнакоў з Дзятлаўшчыны.

— Гэта асаблівы дзень у жыцці кожнага прызыўніка, час, калі пачынаецца праверка яго самастойнасці, адказнасці, ужыўнасці ў калектыве. Выконвайце свой доўг з гонарам і сумленнем, — пажадаў прызыўнікам ваенны камісар Дзятлаўскага раённага ваеннага камісарыята Валянцін Абухаў.

Паабяцалі маліцца за здароўе прызыўнікоў і іх блізкіх святары айцец Казімір Мурава і пратаіярэй Мікалай Пінчук. Па даўняй традыцыі на ўрачыстае мерапрыемства яны прынеслі для заўтрашніх салдат іконкі з лікамі святых, каб з божай дапамогай перамаглі юнакі складанасці воінскай службы.



19 студзеня - Дзень выратавальніка!

Паважаныя супрацоўнікі і ветэраны Дзятлаўскага раённага аддзела па надзвычайных сітуацыях!

Мужная і высакародная прафесія выратавальніка заслужана лічыцца адной з самых паважаных у нашай краіне. Вы ў любы час гатовы адправіцца на выкананне самых складаных задач, неаднаразова прыкладамі даказвалі бездакорнае выкананне свайго службовага абавязку.



Чытаюць газеты и часопісы

На першы квартал і першае паўгоддзе 2011 года жыхары Дзятлаўшчыны выпісалі 21968 экзэмпляраў перыядычных выданняў. З гэтай колькасці — 10148 рэспубліканскіх газет, 7038 — часопісаў, 576 экзэмпляраў абласной газеты, 3455 — "раёнкі", а таксама 751 газету і часопіс краін СНД.

Найбольш арганізавана і паспяхова правялі падпісную кампанію на першае паўгоддзе 2011 года ў СВК "Русь-Агра", "Жукоўшчына", "Хвінявічы".

В. РАДЗЮК, інструктар па падпісцы раённага вузла паштовай сувязі.



19 студзеня - Вадохрышча

Апошняе свята каляднага цыкла — "Святое Хрышчэнне — Калядам прашчэнне". У гэты дзень, калі згодна з праваслаўным календаром святкавалася хрышчэнне Ісуса Хрыста, асвячалася вада.

Народ верыў у цудадзейную сілу такой вады і выкарыстоўваў яе пры розных бытавых выпадках і здарэннях: давалі выпіць хвораму, апырсквалі новую хату перад тым, як засяліцца, і вуллі, каб лепш вяліся пчолы. Вадохрышчынскай вадою асвячалі поле перад сяўбой і труну, перш чым пакласці туды нябожчыка.



Як сябе паводзіць, калі ў доме што-небэдзь загарэлася?

  • Пераклад(перевод): RU

Галоўнае правіла — не панікаваць. Аднак, акрамя спакою, вам неабходна выканаць некалькі важных дзеянняў:
- патэлефанаваць у пажарную аварыйна-выратавальную службу па нумары 101 і паведаміць адрас, па якім адбыўся пажар;
- адключыць электраэнергію ў памяшканні і вывесці дзяцей і пажылых людзей за межы кватэры (калі ў вас задыміўся тэлевізар, яго трэба адключыць ад сеткі і накрыць тоўстай тканінай);
- паведаміць суседзям аб надзвычайным здарэнні і прыняць меры па ліквідацыі агню.



Асаблівасці рэгулявання працы жанчын

  • Пераклад(перевод, translate): RU

1. Як трактуецца вызначэнне "адзінокая маці ў працоўных адносінах?

Паводле пункта 22 Пастановы пленума Вярхоўнага суда Рэспублікі Беларусь ад 29 сакавіка 2001 года "Аб некаторых пытаннях прымянення судамі заканадаўства аб працы" (са зменамі і дапаўненнямі) да адзінокіх маці, на якіх распаўсюджваюцца гарантыі, прадугледжаныя артыкулам 268 Працоўнага кодэкса (надалей — ПК) (у частцы прыёму на работу і звальнення з работы) належыць адносіць жанчын, якія не знаходзяцца ў шлюбе і маюць дзяцей, у актавым запісе аб нараджэнні якіх запіс пра бацьку зроблены па ўказанні маці, а таксама ўдоваў, якія не ўступілі ў новы шлюб і выхоўваюць непаўналетніх дзяцей.



Ліцэнзаванне ў сферы рознічнага гандлю і грамадскага харчавання

3 1 студзеня 2011 года дзейнічае новы парадак ліцэнзавання, устаноўлены Указам Прэзідэнта Рэспублікі Беларусь ад 1 верасня 2010 года №450 "Аб ліцэнзавакні асобных відаў дзейнасці".

Згодна з Указам значна скарацілася колькасць ліцэнзуемых работ і паслугаў у складзе іншых відаў дзейнасці. Так, адменена ліцэнзаванне ў сферы рознічнага гандлю і грамадскага харчавання, акрамя ліцэнзавання рознічнага гандлю алкагольнымі напоямі і (або) тытунёвымі вырабамі.



Ствараецца летапіс школ

У школьным музеі Дварэцкай сярэдняй школы ствараецца новая экспазіцыя "Летапіс адукацыі на Дварэччыне". Сёмы клас атрымаў заданне сабраць звесткі аб Цяцейскай васьмігадовай школе. Гэта стала нагодай наведаць вёску.

Яна сустрэла цішынёй. Мы ішлі па старадаўняй брукаванцы, любаваліся наваколлем. Сапраўды, прыродны асяродак тут цудоўны: высокія дрэвы, што спляліся ўверсе голлем, балоцінкі і палянкі. Напэўна, увесну тут квітнее шмат першацветаў.

Источник: Дятловская районная газета "Перамога" и интернет-портал http://diatlovonews.by/