Наша газета - "Перамога"!



Вёску Зарой наведалі артысты

Мабільная брыгада работнікаў раённага Цэнтра культуры i народнай творчасці наведалася на ўскраіну Дзятлаўскага раёна ў вёску Зарой. Артысты прыехалі павіншаваць вяскоўцаў з Днём абаронцаў Айчыны, Масленіцай i надыходзячым жаночым святам.

Святочны канцэрт адбыўся на імправізаванай сцэнічнай пляцоўцы на адной з вясковых вуліц. Свае лепшыя пecні жыхарам Зароя прывезлі Марына Варган, Улад Ракуць, Ірына Бакшук, Ганна Харлінская.

Перад пpыcyтнымі выступіла старшыня Данілавіцкага сельвыканкама Ганна Жых. Яна павіншавала ycix са святамі i папрасіла найперш не забывацца пра дабрыню i спагаду да cвaix суседзяў i аднавяскоўцаў. Яна ўзгадала, што у вёсцы Зарой шмат людзей, цяперашніх пенсіянераў, якія ўсё свае жыццё аддана працавалі ў сельскай гаспадарцы, сваей працай заслужылі гонар i павагу.



Рэспубліканская алімпіяда

Команда Гродзенскай вобласці - бронзавы прызёр спартакіяды

У спартакіядзе удзельнічалі работнікі апарата Беларускага прафсаюза работнікаў аграпрамысловага комплексу, Міністэрства сельскай гаспадаркі i харчавання, канцэрна Белдзяржхарчпрам. Спаборніцтвы прайшлі з 16 па 18 лютага на базе санаторыя "Нарачанка" ў Мядзельскім раёне Мінскай вобласці.

Спартыўная праграма была насычаная i ўключала дзевяць відаў спорту: лыжныя гонкі, валейбол, плаванне, дартс, настольны тэніс, стральбу, баскетбол, більярд. Гродзенцы за яўнаю перавагаю выйгралі лыжную эстафету 3 па 1000 метраў. Перамаглі ў дартсе i баскетболе. Занялі другое месца ў плаванні, трэцяе — у валейболе, чацвёртае — у настольным тэнісе, стральбе з пнеўматычнай вінтоўкі.



Мы вельмі любім матулю

На свеце вельмі шмат матуляў, i ўсе яны розныя. Аднак ёсць i тое, што ix аб'ядноўвае, робіць падобнымі — гэта любоў, якую яны дораць нам, cвaiм дзецям. Калі прадаўжаць размову пра любоў, то i любоў да маці — адно з найбольш моцных пачуццяў, бо яно нараджаецца разам з намі i, яшчэ знаходзячыся у матулі пад сэрцам, не пабачыўшы свету, мы ўжо любім яе. Здаецца, што нашы сэрцы звязаны нябачнай нітачкай.

Кажуць, што на небе дзеці сам'і выбіраюць сабе бацькоў. Калі гэта так, то мы з братам Аляксандрам у сваім выбары не памыліліся. Імя нашай матулі — Лідзія Паўлаўна Сідорчык. Яна — цудоўная жанчына. Мы столькім ей абавязаны. Яе сэрца не застаецца раўнадушным. Клапоцячыся пра мяне i брата, яна i нас навучыла любіць людзей, умець працаваць. Cвaiм прыкладам даказала, што ёсць у жыцці сапраўдныя дружба i вернасць, ёсць заслужанае шчасце, i ўсё гэта нараджаецца з любові да людзей.



Юныя ахоўнікі правапарадку

У лютым раённы моладзевы атрад аховы правапарадку адзначыў свой чарговы "дзень нараджэння". 3 гэтай нагоды адбыўся ўрачысты прыём ва ўдзельнікі атрада навучэнцаў старэйшых класаў установаў адукацыі Дзятлаўшчыны. Мерапрыемства праходзіла ў зале пасяджэнняў аддзела ўнутраных спраў Дзятлаўскага райвыканкама.



Творчыя калектывы пацвердзілі свае званні

У раённым Цэнтры культуры і народнай творчасці прайшоў адкрыты паказ выступленняў народных аматарскіх калектываў Дзятлаўскага раёна на пацвярджэнне звання "народны" і "ўзорны".

Свой рэпертуар гледачам і экспертной камісіі прадставілі ўзорны ансамбль скрыпачоў "Зорачкі" філіяла №1 пасёлка Гезгалы Дзятлаўскай школы мастацтваў (мастацкі кіраўнік Алена Кашко), народны ансамбль песні "Зараначка" Казлоўшчынскага Дома культуры (мастацкі кіраўнік Зоя Калодзіч), народны фальклорны гурт вёскі Погіры (мастацкі кіраўнік Тамара Ступак), народны фальклорны гурт вёскі Ахонава (мастацкі кіраўнік Святлана Гранкоўская), народны тэатр-студыя гульні "Прымакі" (мастацкі кіраўнік Таццяна Янушкевіч), народны ансамбль музыкі і песні "Ятранка" (мастацкі кіраўнік Ганна Харлінская). Таксама ў межах прагляду прайшло выступление ўзорнай тэатральнай студыі "Мелодыя душы" пад кіраўніцтвам Івана Каско з пастаноўкай "Без месца жыхарства".



Белтэрміз" (Дзятлава) - Слонім - 3:0

У трэцім туры чэмпіянату вобласці па валейболе (жаночыя каманды, група "А") дзятлаўскі "Белтэрміз" 18 лютага правёў дамашні матч супраць каманды Слонімскага раёна. Гульня завяршылася ўпэўненай перамогай "Белтэрміза" — 3:0 (25:10, 25:6, 25:11).

Трэнер каманды Васіль Русін адкаментаваў матч:
— Згулялі ўпэўнена ад першай хвіліны да апошняй, хоць наш склад і не быў аптымальны. Прыхварэлі дзяўчаты з асновы Ганна Салкевіч і Алена Дарашкевіч. Таму месца сувязной на пляцоўцы прапанаваў Алене Пяцэвіч, і яна справілася. 3 рэзерву на пазіцыю дыяганальнай нападаючай паднялі Таню Сцяцко (яна з Хвінявічаў). Потым давялося замяніць і Таню, яна адчула недамаганне.



Аліна Цярэшка - лаўрэат конкурсу патрыятычнай песні

У раённым Цэнтры культуры і народнай творчасці адбыўся раённы этап конкурсу "Сэрца зямлі маёй", арганізатарам якога выступіў раённы камітэт грамадскага аб'яднання "Беларускі рэспубліканскі саюз моладзі".

Адкрыў праграму ансамбль барабаншчы-каў з гімназіі № 1 горада Дзятлава.

3а званне лепшых вакалістаў, дуэтаў і песенных калектываў паспрачаліся канкурсанты са школ горада Дзятлава і раёна. Заяўкі на ўдзел падалі сольныя выканаўцы з сярэдняй школы №3 горада Дзятлава, Гезгалаўскай сярэдняй школы, Казлоўшчынскай сярэдняй школы, Хвінявіцкага дзіцячага сада-сярэдняй школы, дуэты з Наваельнянскай сярэдняй школы, Гезгалаўскай сярэдняй школы, Круцілавіцкага дзіцячага сада-сярэдняй школы. У іх выкананні прагучалі песні на беларускай і рускай мовах, большасць з якіх была прысвечана Беларусі.



КЛACIKA - ДЛЯ БУДУЧЫХ МУЗЫКАНТАЎ

3 ініцыятывы Галоўнага ўпраўлення ідэалагічнай работы, культуры і па справах моладзі Гродзенскага аблвыканкама ва ўсіх раённых цэнтрах Гродзеншчыны прайшлі канцэрты, якія падрыхтавалі навучэнцы Гродзенскага і Лідскага музычных каледжаў, Гродзенскага каледжа мастацтваў.

— Канцэрт "Напоўнім музыкай сэрцы" на Дзятлаўшчыне праводзіцца найперш з мзтай прафесійнай арыентацыі будучых музыкантаў, сённяшніх навучэнцаў школы мастацтваў. Такія мерапрыемствы закліканы папулярызаваць класічную музыку, знаёміць гледачоў з маладымі таленавітымі музыкантамі Гродзеншчыны. Магчыма, сённяшнія маленькія гледачы натхняцца мастацтвам і пажадаюць звязаць сваю будучыню з музыкай або танцамі, — заўважыў намеснік начальніка аддзела ідэалагічнай работы, культуры і па справах моладзі Дзятлаўскага райвыканкама Васіль Шыцько.



Гасцінна сустракаў Ваўкавыск

Хіба гэта не цікавы занятак — вандроўкі, асабліва калі выправляется ў дарогу з цікавымі табе людзьмі і аднадумцамі. Так атрымалася і 8 лютага.



Сельскі сход у Раклевічах

У аграгарадку Раклевічы адбыўся чарговы сельскі сход мясцовых жыхароў і работнікаў гаспадаркі. Да вяскоўцаў прыязджалі начальнік аддзела аховы правапарадку і прафілактыкі АУС Дзятлаўскага райвыканкама С. А. Шундрык і ўчастковы інспектар міліцыі, які абслугоўвае гэты адміністрацыйны ўчастак, Д. А. Дзьякаў.

Прадстаўнікі органаў аховы правапарадку нагадалі аб тым, як зрабіць жыццё мясцовага насельніцтва больш бяспечным. Вядома ж, як патлумачыў участковы інспектар міліцыі, у першую чаргу варта задумвацца аб уласных дзеяннях, ці не вядуць яны да бяды. Па-другое, варта быць уважлівымі да тых, хто знаходзіцца побач. Дзеці, састарэлыя бацькі, адзінокія суседзі не павінны заставацца без клопату і ўвагі, Абыякавасць і раўнадушша часта становяцца асноўнымі прычынамі бяды.



АлімпіяТайм Люты-2017

Валейбол

У другім туры чэмпіянату вобласці па валейболе (мужчынскія каманды, група "А") Дзятлава прымала Астравец і выйграла 3:0 (25:21, 25:12, 25:10). Сапернікі дзятлаўчан у групе каманды Ашмянскага і Лідскага раёна сустрэліся ў Ашмянах.

Гаспадары пляцоўкі атрымалі валявую перамогу — 3:2 (23:25, 16:25, 25:22, 25:21, 15:10).

Дзятлаўская каманда лідзіруе ў турніры з абсалютным вынікам — 6 ачкоў у двух матчах.



ВОЛЬГА БАРОДЗІЧ: ЗАХОЎВАЙЦЕ СЯМЕЙНАЕ ЦЯПЛО

Колькі шлюбаў было зарэгістравана ў 2016 годзе? Колькі нарадзілася дзетак? Якія імёны найчасцей ім давалі? На гэтыя і іншыя лытанні адказала начальнік аддзела ЗАГС Дзятлаўскага райвыканкама Вольга Бародзіч.

— Ці шмат пар у Дзятлаўскім раёне ў 2016 годзе захацелі афіцыйна аформіць свае адносіны?
— Усяго летась пабраліся шлюбам 133 пары, з іх большасць, 102, — у аддзеле ЗАГС Дзятлаўскага райвыканкама. У сельскай мясцовасці найбольш зарэгістраваных актавых запісаў па шлюбах у Жукоўшчынскім, 12, і Казлоўшчынскім, 8, сельвыканкамах.



ПА ЗДАРОЎЕ У КАЗКУ

Нягледзячы на пераменлівае надвор'е і сезон прастуды, выхаванцы дашкольнага цэнтра развіцця дзіцяці №2 горада Дзятлава не здаюцца, не сумуюць, а загартоўваюцца. Нядаўна тут прайшоў чарговы зімовы Дзень здароўя. У госці да дзяцей прыйшлі Карлсан, доктар Айбаліт і Снегавік, якога выхаванцы садка напярэдадні вылепілі на сваім участку. Малеча і дашкольнікі сустракаліся з казачнымі героямі, разам з якімі замацоўвалі правілы здаровага ладу жыцця, адпрацоўвалі іх на практыцы, займаліся фізкультурай і загартоўкай.

На працягу цэлага дня дзяцей чакалі цікавыя тэматычныя заняткі, рухомыя гульні і, вядома, карысныя для здароўя пачастункі — свежая садавіна.



Адкрыты дыялог "Сувязь пакаленняў"

У актавай зале Цэнтра творчасці дзяцей і моладзі горада Дзятлава прайшоў адкрыты дыялог моладзі "Сувязь пакаленняў". Мерапрыемства падрыхтавалі Дзятлаўская раённая арганізацыя ГА "БРСМ" сумесна з раённым саветам ГА "БРПА".

Прыняць удзел у адкрытым дыялогу былі запрошаны навучэнцы гарадскіх школ, старшыня раённага савета ветэранаў Л. Ю. Кашко, відавочца Вялікай Айчыннай вайны А. Ю. Лях, ветэраны камсамольскага і піянерскага руху Г. М. Чура, Л. I. Халопік, а таксама моладзевыя лідары нашага часу — першы сакратар раённага камітэта ГА "БРСМ" Кацярына Хілмончык і старшыня раённага савета ГА "БРПА" Ірына Мішчанка.



ВЁСКА ЖЫВЕ, ПАКУЛЬ ЖЫВЕ ПЕСНЯ

Веска Студзераўшчына — маляўнічы край, багаты на паданні і легенды. Некалі мнагалюдная, з вірлівым жыццём, з добрымі, працавітымі, улюбёнымі ў песню людзьмі. У гэтай вёсцы людзі многа працавалі і шмат спявалі. Ішлі на працу — спявалі, ішлі з працы — спявалі, адпачывалі — таксама спявалі. Спявалі і на жніве, і на вячорках, і на святах.

Але гады ішлі, час няўмольна ўносіў у жыццё вёскі свае карэктывы. Цяпер тут жыве сорак дзевяць чалавек, і ў асноўным гэта людзі пажылога ўзросту. Але і цяпер гонарам вёскі з'яўляецца народны фальклорны гурт, які існуе ўжо больш за сорак гадоў. Сёння яго кіраўніком з'яўляецца Аліна Міхайлаўна Мішчук. Гурт быў створаны ў 1975 годзе тагачасным загадчыкам клуба Антонам Фёдаравічам Гузарыкам і налічваў больш за два дзясяткі чалавек. Ужо сорак гадоў спяваюць жанчыны песні, якія чулі ад сваіх матуляў і бабуляў, песні сваёй роднай вёскі.

Источник: Дятловская районная газета "Перамога" и интернет-портал http://diatlovonews.by/