Наша газета - "Перамога"!



СЯМ'Я - КРЫНІЦА ЖЫЦЦЯ

Чарговае пасяджэнне савета Дзятлаўскай раённай арганізацыі грамадскага аб яднання "Беларускі саюз жанчын" адбылося на базе пярвічнай жаночай арганізацыі Вензавецкага дзіцячага сада-сярэдняй школы. Тэмай пасяджэння стала сям'я, выхаванне сямейных каштоўнасцяў.

Якую работу ў гэтым накірунку вядзе пярвічная жаночая арганізацыя Вензавецкага дзіцячага сада-сярэдняй школы расказала яе старшыня Наталля Тамашова. Яна засяродзіла ўвагу на школьным інавацыйным праекце "Укараненне мадэлі фарміравання дэмаграфічных паводзін навучэнцаў", якое накіравана на ўмаца-ванне інстытута сям'і, дзейнасці бацькоўска-настаўніцкай арганізацыі "Супрацоўніцтва плюс". Мэтай яе дзейнасці з'яўляецца аказанне кансультацыйнай і сацыяльнай падтрымкі сем'ям.



БРЫЛЬЯНТАВЫ ЮБІЛЕЙ СЯМЕЙНАГА ШЧАСЦЯ

У вёсцы Ведравічы Данілавіцкага сельскага Савета ўжо не адно дзесяцігоддзе жыве сям'я Сямёна Іванавіча і Ванды Антонаўны Бакей. Жывуць яны ва ўтульным драўляным доме, спраўна вядуць хатнюю гаспадарку. Жывуць — не сумуюць, бо вельмі часта іх хата напаўняецца дзіцячымі галасамі.

Сямён Іванавіч і Ванда Антонаўна выгадавалі чацвёра дзяцей, дачакаліся сем унукаў, дванаццаць праўнукаў і дваіх прапраўнукаў. Яны — мудрыя бацькі, пяшчотныя і клапатлівыя бабуля і дзядуля.

Усё сваё жыццё сямейная пара шмат працавала. Ванда Антонаўна была ў мясцовым калгасе паляводам. Сямён Івнавіч працаваў у Наваельнянскай сельгасхіміі, а ў сезон вясновых работ таксама дапамагаў гаспадарцы, працуючы на сеялцы. I дзеці бралі прыклад з бацькоў, таму выраслі годнымі людзьмі. Яны даўно пакінулі бацькоўскую хату, раз'ехаліся па розных гарадах. Дачка Людміла жыве ў пасёлку Мікашэвічы Брэстскай вобласці, Галіна — у Карэліцкім раёне, сын Анатоль — у Наваельні, Антон — у Мінску. Нягледзячы на адлегласці, якія раздзяляюць родных людзей, яны не губляюць пачуцця адзінства, і вельмі рады, калі атрымліваецца сабрацца разам за вялікім святочным сталом.



БІБЛІЯТЭКАР І ШМАТДЗЕТНАЯ МАМА

У дзяцінстве яна наведвала бібліятэчны гурток, якім кіравала Таіса Андрэеўна Чарнецкая. Удзельнікі гуртка клеілі кнігі, запаўняіі фармуляры. A на дзень нараджэння кожнага з дзяцей арганізоўваўся салодкі стол, лраводзіліся гульні і конкурсы.

— Наведваючы гэты гурток, які працаваў у СШ № 1 горада Дзятлава, - кажа Вольга Васільеўна Бойка, — нават і не меркавала, што сама стану бібліятэкарам. У гэтай прафесіі я ўжо 12 гадоў.

Прафесію бібліятэкара Вольга асвойвала, ў Беларускім дзяржаўным універсітэце культуры і мастацтваў, які закончыла з чырвоным дыпломам. Разам з гэтай атрымала яшчэ і спецыяльнасць настаўніка беларускай мовы і літаратуры. Практыку праходзіла ў гімназіі ў Мінску, а пасля і ў сярэдняй школе №3 горада Дзятлава.

Вольга Васільеўна яшчэ і шматдзетная мама, якая выхоўвае траіх дзяцей — Ілью, Міхаіла і Кірылла. Кожны з іх — актыўны і ініцыятыўны хлопчык.
У традыцыях гэтай сям'і — праводзіць сумесныя сямейныя чытанні,



НЯХАЙ ТРАДЫЦЫЯ ЖЫВЕ

На чарговую, ужо адзіннаццатую, сустрэчу з землякамі — былымі жыхарамі вёска Кулікоўшчына, ехаў са змешанымі пачуццямі. 3 гадамі адыходзіць навізна падзеі, яна становіцца чымсьці звычайным, знаёмым, выклікае менш эмоцый. Аднак, тым не менш, малая радзіма заўжды кліча да сябе, узнікае жаданне пабачыць знаемых людзей.

Сустрэча ўдалася. Быў прыгожы дзень сярэдзіны лета. Наша кампания папоўнілася яшчэ трыма чалавекамі. Гэта прынесла шмат новых успамінаў, эмоцый. Сустрэча за сумесна накрытом сталом, гасціннасць гаспадара Фелікса Гайдука, песні, жарты, паездка да векавога дуба, які расце на месцы былой вёскі Кулікоўшчына, агляд ваколіцаў, успаміны пра мінулае вёскі — усё гэта адразу адагнала думкі пра тое, ці патрэбна збірацца разам на наступны год, працягваць традыцыю.



КАЛІ МАРЫ ЗБЫВАЮЦЦА

Зусім нядаўна газета расказала, як спонсары з Люксембурга Рэнэ і Жоэль Фіш, прадстаўнікі дабрачыннай арганізацыі "Сябры ахвяраў
Чарнобыля", ці проста "Сябры" , ажыццявілі мары дзяцей, якія знаходзяцца ў сацыяльным прытулку. Праз некалькі дзён пасля гэтага, дзякуючы матэрыяльнай падтрымцы "Сяброў", ужо ў Цэнтры сацыяльнага абслугоўвання насельніцтва Дзятлаўскага раёна пачаў ажыццяўляцца яшчэ адзін значны сацыяльны праект.

ПРАЕКТ "ШКОЛА АРГАНІЗАЦЫІ ХАРЧАВАННЯ"

Згодна з пастановай Міністэрства аховы здароўя Рэспублікі Беларусь ад 26 чэрвеня 2015 года №84 "Аб унясенні дапаўненняў і змяненняў у пастанову Міністэрства аховы здароўя Рэспублікі Беларусь ад 31 снежня 2013 года №136" у аддзяленнях дзённага знаходжання для інвалідаў павінна быць ізаляванае памяшканне для ўжывання ежы, абсталяванае мэбляй, бытавой тэхнікай, падключанае да цэнтральнай сістэмы водазабеспячэння.



ПЕРАМАГЛА "УСМЕШКА"

У Дзятлаве, на футбольнай пляцоўцы са штучным пакрыццём стадыёна "Колас", прайшоў раённы моладзевы турнір па міні-футболе. Спаборніцтвы ладзіліся пад эгідай раёмнай арганізацыі грамадскага аб'яднання "Беларускі рэспубліканскі саюз моладзі", інспекцыі па справах непаўналетніх АУС Дзятлаўскага райвыканкама, аддзела адукацыі, спорту і турызму райвыканкама. Асноўнай мэтай сустрэчы была арганізацыя занятасці падлеткаў, у тым ліку схільных да супрацьпраўных дзеянняў, у вольны ад вучобы час.

У сяброўскім матчы сустрэліся зборная моладзевая каманда Вензаўца-Міроўшчыны "Сняжынка" і каманда падлеткаў, якія знаходзяцца на ўліку ў інспекцыі па справах непаўналетніх АУС Дзятлаўскага райвыканкама, "Усмешка". Галоўным суддзёй турніру быў настаўнік фізічнай культуры сярэднай школы №1 горада Дзятлава Уладзімір Якаўчык.



"СТАРЫХ МУРОЎ АДРАДЖЭННЕ"

Над такой назвай у Лідзе прайшоў чацвёрты абласны пленэр дзіцячай творчасці Імя Фердинанда Рушчыца — беларускага і польскага жывапісца, графіка, тзатральнага дэкаратара.

Арганізатарам мерапрыемства выступіла Лідская дзіцячая школа мастацтваў. Дзятлаўскую дзіцячую школу мастацтваў на пленэры прадставілі Мікіта Жынко, Роберт Асіпук, Анастасія Дарашкевіч, Валерыя Стасюк, Ангеліна Грэцкая.

Пленэр праходзіў на працягу двух дзён. Першы дзень дзеці малявалі ў ваколіцах вёскі Дворышча. Тут знаходзіцца конная школа. Удзельнікі пленэра наведалі яе, мелі магчымасць пакатацца на конях. Адметнасцю Дворышча з'яўляецца і стары млын, які цяпер рэстаўрыруюць. Што маляваць — юныя мастакі выбіралі самі. 3 работай ім неабходна было справіцца за чатыры гадзіны.



УЗНАГАРОДЫ "АЛГОНЯ"

У ліпені двума залатымі медалямі і дыпломам за лепшы дызайн пры афармленні прадукцыі для рэалізацыі папоўнілася скарбонка ўзнагародаў ААТ "Дзятлаўскі лікёра-гарэлачны завод "Алгонь".

Гэта вынікі удзелу прадпрыемства ў 36-ым Міжнародным конкурсе вінаградных, спакойных, ігрыстых, газіраваных, пладова-ягадных вінаў, каньякоў, брэндзі, гарэлак і моцных напояў "Ялта. Залаты грыфон — 2016". Конкурс ладзілі Саюз вінаробаў Крыма сумесна з Усерасійскім нацыянальным навукова-даследчым інстытутам вінаградарства і вінаробства "Магарач" Расійскай акадэміі навук.



АКТЫЎНАЕ ЛЕТА - ГЭТА НАШ ВЫБАР

Напярэдадні сезона нарыхтовак сельгассыравіны ўраджаю-2016, калі пра адлачынак на некаторы час давядзецца забыцца, мы, работнікі ААТ "Дзятлаўскі лікёра-гарэлачны завод "Алгонь", вырашылі актыўна бавіць выхадныя. I гэта ў нас выдатна атрымалася. За першы месяц лета арганізавалі тры цікавыя мерапрыемствы. Чэрвень выдаўся актыўным, займальным, багатым на падзеі прафсаюзнага жыцця.

ЛАВІСЯ, РЫБКА, ЛАВІСЯ

Наш калектыў даўно прыняў рашэнне жыць пад дэвізам: "За здаровы лад жыцця!" і мы стараемся апраўдваць такі выбар. 11 чэрвеня арганізавалі міжзаводскія спаборніцтвы па рыбнай лоўлі — "Летні кубак "Рыбалка-2016". Варта зазначыць, што падобныя мерапрыемствы ў нас праходзяць рэгулярна — летам і зімой. Аднак на гэты раз "Алгонь" упершыню запрасіла паўдзельнічаць суседзяў-вінаробаў: ААТ "Навагрудскі вінзавод" і ААТ "Слонімскі вінна-гарэлачны завод".



АКЦЭНТ - НА ПРАДУКЦЫЮ ЎЛАСНАГА ВЫРАБУ

На базе Дзятлаўскага філіяла Гродзенскага аблспажыўтаварыства адбыўся рэспубліканскі семінар-нарада па гандлі ў сістэме спажывецкай кааперацыі. Аб праграме семінара, абмеркаваных тэмах карэспандэнтка гутарыла з намеснікам па гандлі і грамадскім харчаванні дырэктара Дзятлаўскага філіяла Гродзенскага аблспажыўтаварыства Валянцінай Баравік.

— Валянціна Уладзіміраўна, хто браў удзел у рэспубліканскім гандлёвым семінары на Дзятлаўшчыне?
— У семінары-нарадзе, які праходзіў у Дзятлаве, удзельнічалі намеснікі кіраўнікоў спажыўтаварыстваў рэспублікі па гандлі і грамадскім харчаванні і намеснікі дырэктараў філіялаў Гродзенскага аблспажыўтаварыства. На семінары былі падрахункаваны вынікі работы за мінулае паўгоддзе і вызначаны планы на наступнае.



АД ПРЫЗВАННЯ ДА МАЙСТЭРСТВА

Ірына — гэта мір. Так перакладаецца з грэчаскай мовы яе імя. I не выпадкова, бо нарадзілася яна ў 1946 годзе, калі наш народ святкаваў першую гадавіну Перамогі, калі ўсе марылі пра мірнае жыццё, стваралі сем'і, гадавалі дзяцей. Так пачынаўся жыццёвы шлях былой настаўніцы Наваельнянскай сярэдняй школы Ірыны Уладзіміраўны Маліка, якая нядаўна адзначыла сваё 70-годдзе.

Жыццё Ірыны Уладзіміраўны складвалася па-рознаму. Але ёй, як усяму старэйшаму пакаленню, уласцівы жыццяздольнасць, уменне бачыць навокал шмат пазітыву, вырашаць праблемы і знаходзіць выйсце са складаных сітуацый.



ДЗМІТРЫЙ КУЗЬМА: "ГІСТОРЫЯ - ГЭТА ЯК КАРАНІ Ў ДРЭВА"

Сёлета Дзятлаўскаму гісторыка-краязнаўчаму музею спаўняецца пяцьдзясят гадоў. Яго пачатковы шлях звязаны з імем заснавальніка і першага дырэктара музея Міхася Петрыкевіча. Цяперашні калектыў мурея ўзначальвае Дзінара Харошка. Працуе ў калектыве шэраг маладых супрацоўнікаў. Адзін з іх — Дзмітрый Кузьма, старшы навуковы супрацоўнік. У інтэрв'ю ён расказаў аб асаблівасцях сваёй работы і захапленнях.

— Дзмітрый, на пачатку раснажыце пра сябе? Адкуль вы родам?
— Я нарадзіўся на дзятлаўскай зямлі, у Раклевічах. Вышэйшую адукацыю атрымаў у Мінску, на гістарычным факультэце БДУ. Затым паступіў у аспірантуру, Ужо амаль завершана кандыдацкая дысертацыя па тэме "Грамадска-палітычная думка ў Беларусі ў 19-ым стагоддзі".



3 ДНЁМ ВЫЗВАЛЕННЯ, РОДНАЯ ВЕСКА!

Менавіта пад такой назвай прайшло мерапрыемства ў вёсцы Зарой. I невыпадкова, што адбылося яно 9 ліпеня: менавіта ў гэты дзень у 1944 годзе 334 стралковы полк 120 гвардзейскай дывізіі вызваліў вёскі Зарой, Кузьмічы, Барышына, Касцюкі, Данілавічы, Дварэц.

Свята пачалося з мітынга-рэквіема ля помніка закатаваным мірным жыхарам. У жалобе прысутныя слухалі аб жудасных падзеях, якія адбываліся тут у часы вайны. Пасля хвіліны маўчання да падножжа помніка былі ўскладзены жывыя кветкі і гірлянда, як даніна вялікай пашаны да загінулых.



СВЯТА РЫБАКА Ў ГЕЗГАЛАХ

23 ліпеня ў пасёлку Гезгалы, каля возера, праходзіла Свята рыбака. Афіцыйнае адкрыццё было прызначана на 11 гадзін, аднак для некаторых удзельнікаў яно пачалося значна раней - у 6 гадзін раніцы.

Каля возера сабраліся аматары рыбнай лоўлі. Праўда, няшмат, 8 чалавек. Жараб'ёўкай вызначыліся з месцамі рыбалкі і пачалі закідваць вуды ды спінінгі. Паводле ўмоваў конкурсу, рыбакам патрэбна было да 10.30 налавіць найбольш рыбы. Карыстацца плаўсродкамі арганізатары забаранілі, лавіць дазволілі толькі з берага.



СЕЛЬСКІ СХОД У РАКЛЕВІЧАХ

У аграгарадку Раклевічы адбыўся сельскі сход па пытаннях бяспекі жыццядзейнасці, папярэджання надзвычайных сітуацый і аховы правапарадку. У ім узялі ўдзел намеснік старшыні Дзятлаўскага райвыканкама Ігар Кухарэвіч, першы намеснік начальніка Дзятлаўскага раённага аддзела па надзвычайных сітуацыях Уладзімір Кажала, старшыня Дзятлаўскага сельвыканкама Аляксандр Маркушэўскі, начальнік аддзела адукацыі, спорту і турызму Дзятлаўскага райвыканкама Наталля Белавус. На сходзе прысутнічалі прадстаўнікі Дзятлаўскага раёна электрычных сетак і Дзятлаўскага раёна газазабеспячэння.

Мерапрыемству папярэднічала сустрэча мясцовых дзяцей з пажарнымі. Супрацоўнікі пажарнай аварыйна-ратавальнай часці №1 горада Дзятлава прыбылі ў Раклевічы на спецтэхніцы, прадэманстравалі малечы тэхнічныя магчымасці сучасных ратаўнікоў. Садкоўцы адказалі на пытанні віктарыны, "выклікалі" ратаўнікоў, пабылі ўнутры пажарнай машыны і атрымалі прызы.

Источник: Дятловская районная газета "Перамога" и интернет-портал http://diatlovonews.by/