Сельскі сход у Войневічах



У аграгарадку Войневічы адбыўся сельскі сход, на якім прадстаўнікі суб'ектаў прафілактыкі раёна сумесна з жыхарамі аграгарадка абмеркавалі пытанні бяспекі жыццядзейнасці, папярэджання пажараў і гібелі людзей на іх.

Да пачатку мерапрыемства мясцовыя жыхары маглі набыць аўтаномныя пажарныя апавяшчальнікі, вогнетушыцелі і іншую прадукцыю ад Дзятлаўскага вытворчага участка Гродзенскага камбіната супрацьпажарных работ.

Мерапрыемства пачалося з выступления старшыні Войневіцкі сельсавета Івана Свіба. Ён заклікаў грамадзян выконваць правілы пажарнай бяспекі, каб пазбегнуць надзвычайных сітуацый, і расказаў аб рабоце назіральнай камісіі сельвыканкама.

Начальнік Дзятлаўскага раённага аддзела па надзвычайных сітуацыях Сяргей Казушчык пазнаёміў прысутных са статыстыкай пажараў якія адбыліся ў раёне, расказаў аб асноўных прычынах іх узнікнення, нагадаў пра тое, якія меры неабходна прадпрымаць для таго, каб засцерагчы сябе, сваіх блізкіх ад няшчасных выпадкаў. Падрабязна спыніўся на правілах паводзінаў на вадаёмах у зімовы перыяд. У час выступлення адбылася тэматычная прэзентацыя.

Пра работу з састарэлымі грамадзянамі расказала дырэктар Цэнтра сацыяльнага абслугоўвання насельніцтва Дзятлаўскага раёна Таццяна Нікіпорчык.

Аб сямейным дабрабыце і стварэнні належных умоваў для пражывання непаўналетніх паведаміла галоўны спецыяліст аддзела адукацыі Дзятлаўскага райвыканкама Алена Чайкоўская.

3 правіламі бяспекі карыстання газам у быце прысутных пазнаёміў начальнік Дзятлаўскага раёна газазабеспячэння Юрый Ганчар.

Завяршыўся сход канцэртнай праграмай, якую падрыхтаваў сектар пазастацыянарнага абслугоўвання насельніцтва Дзятлаўскага раённага цэнтра культуры і народнай творчасці.

Марта МІЛАШ, інспектар Дзятлаўскага РАНС

Источник: Дятловская районная газета "Перамога" и интернет-портал http://diatlovonews.by/