Жывём, вучымся, ствараем



У навучэнцаў Казлоўшчынскага прафесійнага сельскагаспадарчага ліцэя за спіной засталося першае паўгоддзе навучання. За гэты час адбылося шмат цікавых, важных падзеяў. Ліцэісты займаліся тэарэтычным навучаннем, наведвалі лабараторныя заняткі, праходзілі вытворчае навучанне па абраных спецыяльнасцях, ездзілі на экскурсіі, сустракаліся з цікавымі людзьмі, удзельнічалі ў валанцёрскім руху.

Пасля падвядзення вынікаў першага паўгоддзя лепшыя ліцэісты былі ўзнагароджаны паездкай у Жыровічы.
Цяпер навучэнцы ўсіх групаў ліцэя актыўна рыхтуюцца да абласной выставы дэкаратыўна-прыкладной і тэхнічнай творчасці сярод ліцэяў вобласці. У сувязі з гэтым для творчых навучэнцаў кіраўніцтва навучальнай установы арганізавала паездку ў Дом-музей да народных умельцаў — сям'і Салейка. Надзея Пятроўна правяла для гасцей майстар-клас, азнаёміла з тэхнікай лепкі з гліны, выступіла з невялікім канцэртам.

Педагогі ліцэя заняты прафарыентацыйнай работай. Яны наведваюць школы не толькі Дзятлаўскага раёна, але і Гродзенскай вобласці, знаёмяць вучняў 9 і 11 класаў з тымі спецыяльнасцямі, якія яны могуць агрымаць у нас. Гэта — тэхнічнае забеспячэнне сельскагаспадарчых работ, эксплуатация і рамонт аўтамабіля, тэхналогія зварачных работ, грамадскае харчаванне.

С. БУНТО, бібліятэкар Казлоўшчынскага прафесійнага сельскагаспадарчага ліцэя.

Источник: Дятловская районная газета "Перамога" и интернет-портал http://diatlovonews.by/