Ад Года навукі - да Года малой радзімы

У суботу, 3 сакавіка, адбылася ўрачыстая цырымонія закрыцця Года навукі ў Дзятлаўскім раёне.

Перад пачаткам цырымоніі ў фае Цэнтра культуры і народнай творчасці ладзілася выстава навуковых інавацыйных праектаў, якія прадставілі Цэнтр творчасці дзяцей і моладзі, гімназія №1, сярэднія школы №1 і №3 гора да Дзятлава, Наваельнянская і Вензавецкая сярэднія школы.

Шмат педагогаў, навучэнцаў і іх бацькоў сабралася ў раённым Цэнтры культуры, каб падвесці вынікі Года навукі ў Дзятлаўскім раёне, падзяліцца сваімі поспехамі і дасягненнямі, атрымаць заслужаныя ўзнагароды.

Павітаў усіх удзельнікаў мерапрыемства старшыня Дзятлаўскага раённага Савета дэпутатаў Аляксандр Бараноўскі. ён зазначыў што Год навукі ў нашым раёне прайшоў цікава, а самае галоўнае - вынікова, падзякаваў тым, хто плённа працаваў, пажадаў усім дабрабыту, удачы і новых здзяйсненняў.

Узгадалі ў гэты дзень імёны знакамітых дзятлаўчан - выпускнікоў школ раёна, якія дасягнулі высокіх вынікаў у розных гапінах навук, маюць вучоныя званні.

Пачынаючы з 2008 года 16 навучэнцаў і 2 педагогі нашага раёна атрымалі ўзнагароды спецыяльнага фонду Прэзідэнта Рэспублікі Беларусь па сацыяльнай падтрымцы адораных і таленавітых навучэнцаў і студэнтаў і ўнесены ў рэспубліканскі банк. Стыпендыятка гэтага фонду Марыя Каско расказала аб тым, якой цаной даецца такое званне, чым яно можа дапамагчы ў будучым.

У розныя гады 15 школьнікаў Дзятлаўшчыны атрымлівалі прэмію імя Аляксандра Дубко для адораных навучэнцаў. У свой час яе атрымаў Дзмітрый Кузьма, які расказаў пра свае поспехі і дасягненні.

Галоўная місія мерапрыемства - ушанаванне маладых дараванняў, іх педагогаў і бацькоў, якія дасягнулі высокіх вынікаў у Год навукі. Для ўручэння ўзнагарод на сцэну запрасілі начальніка аддзела адукацыі, спорту і турызму райвыканкама Наталлю Белаус. Яна ўручыла Падзячныя лісты настаўнікам за прафесійную кампетэнтнасць, распрацоўку інавацыйных і варыятыўных методык, творчы падыход да справы, выніковы ўдзел у алімпіядах, выставах, конкурсах сярод педагогаў.

Таксама Падзячныя лісты атрымалі педагогі за важкі уклад у падрыхтоўку навучэнцаў да алімпіядаў, конкурсаў, эфектыўную работу з адоранымі дзецьмі, дзейнасць па павышэнні якасці адукацыйнага працэсу.

Падзячнымі лістамі былі ўзнагароджаны педагогі за далучэнне навучэнцаў да захавання гісторыка-культурнай спадчы
ны малой радзімы, фарміраванне ў падрастаючага пакалення грамадзянскасці і патрыятызму, развіццё матывацыі да актыўнага ўключэння ў пошукава-даследчую дзейнасць.

За дапытлівасць, праяўленне цікавасці да вучэбных прадметаў, працалюбства, настойлівасць у дасягненні мэтаў, высокія вынікі ў вучобе, алімпіядным руху, навукова-даследчай рабоце Падзячныя лісты атрымалі навучэнцы школ раёна, а таксама іх бацькі за стварэнне ўмоваў для інтэлектуальнага і творчага развіцця дзяцей, прывіццё ім працалюбства, дапытлівасці, падтрымку творчых пачынанняў.

Цудоўны настрой у час цырымоніі дарылі ўсім прысутным артысты Дзятлаўшчыны.

Год навукі завяршыўся, і радасна ад таго, што ён упісаў новыя імёны ў гісторыю нашай Дзятлаўшчыны. Старт Году малой радзімы дадзены. Няхай гэты год стане стымулам для кожнага праявіць стваральную ініцыятыву.

Святлана ГРЫШЫНА

Ответить

CAPTCHA
Этот вопрос задается для проверки того, не является ли обратная сторона программой-роботом (для предотвращения попыток автоматической регистрации).

Источник: Дятловская районная газета "Перамога" и интернет-портал http://diatlovonews.by/