шашкі

warning: Creating default object from empty value in /var/www/t-av/data/www/dyatlovo.info/modules/taxonomy/taxonomy.module on line 1390.


Шашачны дэбют

Паўгода назад у дзятлаўскіх дзіцячых садках №1 і №2 былі арганізаваны заняткі для навучання гульні ў шашкі. Дзейі ахвотна наведвалі заняткі і ўжо засвоілі пачатковыя навыкі гульні.

I вось днямі адбылася першая таварыская матчавая сустрэча каманд двух садкоў. За сад №1 гулялі Захар
Шмыгін, Арцём Цітоў, Сяргей Нядбайлік, Кацярына Макуца, Валерыя Лазута. Каманду сада №2 (афіцыйная назва - дашкольны цэнтр развіцця дзіцяці №2 горада Дзятлава) склалі Яўген Кардаш, Данііл Шуляк, Яраслаў Самсон, Арцём Пятраш, Паліна Загдай.

Юныя спартсмены паставіліся да спаборніцтваў вельмі сур'ёзна, усведамляючы сваю адказнасць за вынік каманды. Не ўсе справіліся з хваляваннем, стаўшы ўдзельнікамі, магчыма, першага ў жыцці афіцыйнага турніру, з дзіцячай непасрэднасцю ўспрымалі поспехі і няўдачы.



Шашкі. Чэмпіянат школьных каманд

За першае каманднае месца ў першынстве раёна па шашках еярод вучняў 1997-1998 гадоў нараджэння з праграмы круглагадовай спартакіяды школьнікаў змагаліся каманды Хвінявіцкай і Жукоўшчынскай школ.

Матч завяршыўся ўнічыю. Па дадатковым паказчыку (лепшы вынік сустрэчы на трэцяй дошцы) першае месца ў турніры прысуджана хвінявіцкім шашыстам. Чэмпіёнскі тытул камандзе прынесла Вікторыя Горбач, якая перамагла Кацярыну Кучынскую.

Трэцяю фінішавала каманда Казлоўшчынскай школы.

У асабістым заліку на першай дошцы першае месца заняў Павел Калодка (Жукоўшчынская СШ), другое - Цімафей Турык, трэцяе - Іван Альшэўскі (абодва з Казлоўшчынскай СШ).



Шашкі. Асабісты чэмпіянат школьнікаў

Чэмпіёны раёна па шашках 2012 года - Цімафей Турык і Вікторыя Горбач.

Асабістае першынство раёна па шашках сярод школьнікаў 1997 года нараджэння і малодшых адбылося 5 красавіка. Цімафей Турык, вучань Казлоўшчынскай школы, завяршыў яго на першым месцы, набраўшы 5 ачкоў з 7 магчымых.

На чэмпіёнскі тытул, акрамя Турыка, прэтэндавалі яшчэ трое шашыстаў - Яўген Калодка (Дзятлаўская гімназія), Мікіта Русін (Хвінявіцкая СШ), Ілья Угрын (Дварэцкая СШ) - усе яны набралі па 4,5 ачка, адстаўшы на палову ачка ад чэмпіёна.



Чэмпіён па шашках

Пераможцам першынства раёна па шашках стаў Юрый Чайкоўскі. Чэмпіён на два ачкі апярэдзіў кожнага з яго сапернікаў па фіналу — Аляксандра Масляка, Мікалая Венславоўскага, Андрэя Лявончыка.

Раённае першынство было разыграна ў два этапы. На першай стадыі спаборніцтваў быў вызначаны квартэт прэтэндэнтаў на чэмпіёнскі тытул. У фінальную групу выйшлі Чайкоўскі (12 ачкоў), Венславоўскі (10), Лявончык (8,5), Масляк (8). Восем ачкоў у спаборніцтвах на першым этапе набраў і Валянцін Лябецкі, але ў фінал не трапіў, прайграўшы асабістае саперніцтва Масляку.

Каб пазбегнуць прахадных матчаў і магчымай маніпуляцыі турнірным становішчам, ачкі, набраныя ўдзельнікамі фіналу ў гульнях паміж сабою на першым этапе спаборніцтваў, залічваліся ў фінальным турніры (на другім этапе). I, такім чынам, Чайкоўскі прадоўжыў спаборніцтвы з набыткам у 4.5 ачка, Масляк меў — 3, Венславоўскі — 2,5, Лявончык — 2.



Шашкі. Чэмпіён - Казлоўшчына

Перамогаю каманды Казлоўшчынскай школы завяршылася раённае першынство школьнікаў па шашках.
Тытул дастаўся пераможцам у роўнай барацьбе з хвінявіцкімі школьнікамі.

Фінальны матч названых сапернікаў завяршыўся ўнічыю. Не выявіў пераможцу і першы дадатковы паказчык - вынік гульні на першай дошцы, тут таксама зафіксавана нічыя. I толькі другі дадатковы паказчык - перамога Мікалая Францішчыка на другой дошцы - аддаў перавагу казлоўшчынскім шашыстам.

За каманду-пераможцу, акрамя Францішчыка, выступілі Цімафей Турык і Ангеліна Галаўнёва. Другое каманднае месца заняла Хвінявіцкая школа. Трэцяе месца ў барацьбе з камандаю СШ №1 здабылі дварэцкія шашысты.



Пераможнае шэсце Юліі Шах

Другі год запар у шахматна-шашачным клубе Дзятлава праведзены чэмпіянат па шашках сярод членаў раённага грамадскага аб'яднання Беларускага таварыства інвалідаў. У турніры ўдзельнічалі 10 чалавек.

Першынство было праведзена па кругавой сістэме. Лідарства з першых тураў захапіў квартэт у складзе Дзмітрыя Абярухціна, Юліі Шах, Наталлі Трайнель, Яніны Пуйта. У наступных гульнях усе лідары пачалі страчваць ачкі, за выключэннем Юліі Шах. Юлія завяршыла турнір без адзінага паражэння і, набраўшы 9 ачкоў, стала пераможцаю.



Міжраённы турнір з трыумфам Венславоўскага

Турнір па шашках, прысвечаны Дню Незалежнасці Рэспублікі Беларусь, адбыўся ў Дзятлаве 3-га ліпеня. Для ўдзелу ў ім заявіліся дзве каманды Дзятлаўскага раёна і па адной камандзе Івацэвіцкага і Слонімскага раёнаў. Дажджлівае надвор'е ўнесла карэктывы ў арганізацыю і месцам правядзення турніру: замест гарадскога стадыёна стаў шахматна-шашачны клуб.

Формулаю турніру сталі спаборніцтвы ў пяці групах (адпаведна на першай, другой, трэцяй, чацвёртай, пятай дошках). Пераможцаю турніру станавілася каманда з лепшаю сумаю ачкоў сваіх удзельнікаў у кожнай групе.



Дзяўчынкі гуляюць у шашкі. І перамагаюць.

У культурна-спартыўнай праграме нядаўняга Дня абароны дзяцей знайшлося месца і для турніра шашыстаў дзетсадаўскага ўзросту. Як мага лепш згуляць хацелі усе, усе жадалі перамог, а найбольш удала выступіла выхаванка Дзятлаўскага сада № 1 Надзя Балькоўская.

Яна набрала тры з палавінаю ачкі і заняла першае месца ў турніры. На другім месцы з трыма ачкамі фінішавала прадстаўніца Казлоўшчынскага садка Каця Кучынская. Бронзавым прызёрам спаборніцтваў стаў Алёша Сачык з Наваельнянскага сада, на яго рахунку 2 з палавінаю ачкі.



Самы юны чэмпіён раёна - Алёша Сачык

Гасцінна прынялі ўдзельнікаў раённага шашачнага турніру "Шашачная шкатулка-2011 адміністрацыя і работнікі Дзятлаўскага ясляў-саду №1. У госці да іх завіталі 20 юных спартсменаў з 11 дашкольных установаў раёна.

На першым этапе спаборніцтвау юныя шашысты спаборнічалі у чатырох адборачных трупах. Пераможцы груп на другім, фінальным, этапе разыгралі прызы з "Шашачнай шкатулкі".

Самым маладым чэмпіёнам раёна стаў выхаванец Наваельнянскага ясляў-саду Алёша Сачык. Другое месца заняла прадстаўніца Казлоўшчынскага ясляў-саду Каця Кучынская. Трэцім прызёрам стаў выхаванец Дзятлаўскага ясляў-саду № 1 Паша Герус.



Шашкі. Чэмпіянат школьнікаў

Чэмпіёнам раёна па шашках сярод школьнікаў стаў Арцём Паўлоўскі з Хвінявічаў.

Перамога дасталася яму ў валявой барацьбе. Прамежкавым лідарам на сярэдзіне турнірнай дыстанцыі быў не Арцём. Аднаасобнае лідарства захапіла прадстаўніца Казлоўшчыны Ангеліна Галаванёва. Набраўшы 3,5 ачка ў пяці турах, яна на палову ачка апераджала Улада Харлінскага, Арцёма Паўлоўскага і Яўгена Калодку (Дзятлаўская гімназія). Хтосьці з гэтага квартэта і меўся стаць чэмпіёнам. Хоць яшчэ не страцілі шанцы і Павел Гізоўскі (Хвінявіцкая СШ), Андрэй Малахоўскі, Дзмітрый Свяцецкі, Цімафей Турык (усе з Казлоўшчынскай СШ). Састаў удзельнікаў чэмпіянату падабраўся роўны, таму і саперніцтва было напружанае.

Заключныя чатыры туры найбольш актыўна і бескампрамісна правёў Арцём Паўлоўскі. Тры перамогі вывелі яго на першае месца. Дарэчы, Арцём - адзіны з удзельнікаў чэмпіянату, які ні з кім не дзяліў ачкі. Альбо выйграваў (6 разоў), альбо прайграваў (3 паражэнні). I яго актыўнасць была ўзнагароджана ўрэшце чэмпіёнскім тытулам.