ДЯТЛОВЩИНА - информационный портал Дятловского района

На чарговым пасяджэнні кaмicii па справах непаўналетніх райвыканкама былі разгледжаны два адміністрацыйныя пратаколы, па якіх вынесены адпаведныя рашэнні.

Ехаў "зайцам"

Непаўналетні жыхар нашага раёна, які цяпер вучыцца ў Лідзе, вырашыў пад'ехаць адзін прыпынак на гарадскім трансларце без білета. Планы хлопца парушылі кантралёры. Яны склалі на безбілетніка адміністрацыйны пратакол.

Бруд, беспарадак пануе ў хаце гэтай жанчыны. Яна жыве разам з сужыцелем, выхоўвае дачку ад першага шлюбу. Хаця словам "выхаванне" такія ўзаемаадносіны маці з родным дзіцём цяжка назваць. Вельмі часта жанчына не начуе дома, злоўжывае алкаголем. У час адсутнасці маці ў доме збіраюцца сябры сужыцеля, якія таксама выпіваюць.

Захопленыя гэтай страшнай згубай, гэтым падманным задавальненнем, ні родная маці, ні яе сужыцель не бачаць, што адчувае маленькая дзяўчынка. А ў яе душы пануе страх. Калі збіраюцца вось такія п'яныя кампаніі, яна ўцякае з роднага дома, хаваецца. Гэты страх ужо накладвае адбітак на здароўе дзяўчынкі. А што будзе далей, калі сямейная сітуацыя не выправіцца?

Гэтаму падлетку надоўга запомніцца позняя вечаровая прагулка па цэнтральнаи плошчы Дзятлава. Здзейсніў ён яе ў стане алкагольнага ап'янення. "Градус" надаў юнаку смеласці і нахабства: ён моцна выкрыкваў нецензурную лаянку.