Цікава ведаць

warning: Creating default object from empty value in /var/www/t-av/data/www/dyatlovo.info/modules/taxonomy/taxonomy.module on line 1390.


IKОHA, ЯКАЯ АБАРАНЯЕ АД ПАЖАРАЎ

17 верасня Праваслаўная царква адзначала дзень іконы Божай Маці “Неапалімая Купіна" — абаронцы ад пажараў і маланак. Ратаўнікі шануюць яе асабліва, а некаторыя элементы іконы ёсць на геральдычным знаку МНС Беларусі. Ганаровае месца "Неапалімая Купіна", якую напісаў Яўген Коваль, займае ў Гродзенскім музеі пажарнай службы.

Ікона напісана ў выглядзе васьміканечнай зоркі, якая складаецца з вострых чатырохвугольнікаў з увагнутымі канцамі. Адзін з іх — чырвонага колеру. Ён нагадвае агонь, які ахапіў купіну (цярновы куст), што ўбачыў Маісей. Другі — зялёнага колеру, ён указвае на сапраўдны колер купіны, які яна захавала, нягледзячы на тое, што была ў агні. У сярэдзіне васьміканечнай зоркі — выява Прачыстай Дзевы з Предвечным Дзіцём. У руках Багародзіцы — лесвіца, прыхіленая верхнім канцом да яе пляча. Па вуглах чырвонага чатырохвугольніка — выявы чалавека, льва, цяльца і арла, якія сімвалізуюць чатырох евангелістаў.



УСЁ ПАЧЫНАЕЦЦА З КАХАННЯ…

Дзень усіх закаханых, які адзначаецца 14 лютага, існуе ўжо больш за 16 стагоддзяў.

Гэта свята прысвечана перамозе святла Сонца над цёмнымі днямі зімы. Таксама гэта час для вянчанняў і выдатны час для вяселляў. У гэты дзень закаханыя абменьваюцца прызнаннямі ў каханні, дораць адзін аднаму падарункі з сімваламі кахання, сустракаюцца ў рамантычнай абстаноўцы і ўсімі спосабамі праяўляюць свае пачуцці.

Існуе павер'е, што першы мужчына, які спаткаўся дзяўчыне 14 лютага, павінен стаць яе Валянцінам.

Другая прыкмета гаворыць, што калі ў Дзень святога Валянціна дзяўчына бачыць малінаўку, то выйдзе замуж за марака, калі бачыць вераб'я, то выйдзе замуж за бедняка і будзе з ім шчаслівая, калі шчыгла -- за мільянера.

Існуе таксама традыцыя, па якой маленькія сімвалы хаваюць у торце. Калі, напрыклад, у сваім кавалачку торта знайсці манетку, гэта азначае, што той, хто знайшоў, паспяхова жэніцца або выйдзе замуж, зярняткі рысу прадказваюць вяселле.

Трэба адзначыць, што Дзень святога Валянціна папулярны ўсё ж такі не ўсюды. Напрыклад, у Саудаўскай Аравіі гэта свята наогул забаронена. У краіне нават існуе спецыяльная камісія, якая строга сочыць за тым, каб Дзень закаханых ніхто не адзначаў.

У пачатку XIX стагоддзя ў амерыканцаў з'явіўся звычай -- у Дзень святога Валянціна дарыць закаханым фігуркі з марцыпану. А дзеці ў гэты дзень дораць падарункі хворым і адзінокім людзям.



СНЕЖАНЬ – ЗАВЯРШАЛЬНІК ГОДА

Ступаючы на вяршыню гары, чалавек адчувае гонар за пройдзены шлях і адначасова ціхую журботнасць, што ўсё завяршылася, мэта дасягнутая. Завяршаючы год, адчуваеш шчасце ад таго, што здолеў набыць досвед пераадолення цяжкасцяў, адкрыў для сябе нешта новае, сустрэў новых цікавых людзей.

Снежань – апошні, завяршальны адрэзак гадавога цыклу. Разам з тым, ён адчыняе дзверы беласнежнай марознай зіме, засумавалым з мінулай вясны санкам і лыжам. Назва апошняга месяца года – “снежань” – нагадвае аб тым, што зіма ўжо канчаткова ўступае ў свае правы: выпадае першы снег – галоўны атрыбут гэтай пары, ад моцных маразоў перахапляе дыханне, ночы становяцца святлейшымі ад беласнежнага покрыва.



ДЗЕСЯЦЬ ПРАВІЛАЎ ДОБРАЙ ПАМЯЦІ

Кожны дзень на працягу 30 секунд неабходна адначасова пераводзіць зрок з боку ў бок. Гэтае практыкаванне ўзмацняе каардынацыю абодвух паўшар'яў мозга і садзейнічае актывізацыі яго зонаў, адказных за памяць.

Гуляйце ў шахматы, разгадвайце крыжаванкі, рэбусы, дапамагайце дзецям або ўнукам вучыцца.

Вучыце вершы. Напрыклад, можна паставіць сабе задачу: кожны дзень вывучваць па раздзеле з "Новай зямлі" і дэкламаваць іх, паступова павялічваючы памер вывучанага.

Калі вам трэба запомніць доўгі рад літараў або лічбаў, разбіце гэты рад на групы па 3-4 пазіцыі, напрыклад 222 771 88 06. Кароткія групы запомніць лягчэй.



БЫВАЙ, ВЯСНОВЫ МЕСЯЦ КРАСАВІК!

Красавік… Сама назва месяца як быццам указвае, што прайшоў час бязлітасных траскучых марозаў і паўночных вятроў. Надыходзіць новы этап жыццёвага цыкла. Усё ў гэты перыяд года актыўна набірае моц, пачынае квітнець. Дарэчы, ад працэсу цвіцення, якое паўсюль назіраецца ў гэты час у прыродзе, утвораны назвы другога месяца вясны ва ўкраінскай (“квитень”), польскай, старабеларускай (“kwiecien”), а таксама ў сучаснай беларускай (“красавік”) мовах.

Вывучаючы гісторыю паходжання назвы чацвёртага месяца года, можна заўважыць, што яго корань (“краса”) прысутнічае ў многіх славянскіх мовах. Яго значэнне – “красота, цвет жизни, великолепие”, а таксама больш вузкае – “украшение” (у царкоўнаславянскай мове). Славенскі прыметнік “krasovit”, які яшчэ больш нагадвае беларускі назоўнік “красавік”, азначае “пышны, раскошны”.



КУРАГА, РАЗЫНКІ, АРЭХІ, МЁД -- У ЧЫМ ІХ КАРЫСЦЬ?

Устойлівасць нашага арганізма да розных хваробаў народныя дактары раяць умацоўваць пры дапамозе нескладанага, але вельмі смачнага рэцэпта -- курага, разынкі, арэхі, мёд. Вам трэба будзе толькі прыгатаваць такую страву, і зарад здароўя будзе забяспечаны. Карыснай гэта страва будзе і для дарослых людзей, якія маюць сардэчныя хваробы, схільныя да арытміі, паколькі курага -- багатая крыніца калію.

Прыгатаваўшы гэты вітамінны кактэйль: курага, разынкі, арэхі, мёд -- можна павысіць узровень гемаглабіну, прывесці ў норму ціск. Дзеці павінны ацаніць гэта як ласунак і як лекі адначасова. Прымаць яго неабходна раніцай да ежы -- па 1 чайнай лыжцы.

Асцярожнымі трэба быць тым, у каго ёсць алергія на любы з прадуктаў, якія ўваходзяць у склад стравы, і дзецям да трох гадоў.



ЧЫРВОНЫЯ КОЛЕРЫ СТУДЗЕНЯ

Студзеню, акрамя чырвоных гранатаў, характэрны і іншыя самацветы чырвонага колеру -- ружовы кварц, александрыт і раданіт. Чырвоныя камяні -- гэта ўвасабленне асцярожнасці і разважлівасці. Вы ніколі не зробіце важнага крока без глыбокага абдумвання, калі не будзеце цалкам упэўнены ў паспяховым выніку. Для вас важней за ўсё інтэлект, і вы можаце спакойна дараваць сваім блізкім і падначаленым усё, калі яны неардынарныя і таленавітыя. З усіх чырвоных камянёў самымі шчаслівымі лічацца вогненна-чырвоны піроп і альмандзін.

Піроп -- гэта магніева-алюмініевы гранат ярка-чырвонага, вішнёвага, малінавага і чырвона-аранжавага колераў. Назва пайшла ад грэчаскага слова "пиропос" -- падобны агню. Піроп -- пастаянны спадарожнік алмазаў, ювелірны каштоўны камень, які ўпрыгожваў старажытнае адзенне, камень вельмі прыгожых таноў.



АБЕРАГАЙ МЯНЕ, МОЙ ТАЛІСМАН

Ва ўяўленнях людзей старажытных часоў, каштоўныя камяні павінны былі прыносіць іх уладальнікам шчасце і поспех ва ўсіх справах. З цягам часу людзі сталі звязваць гэтыя бліскучыя каменьчыкі з месяцам нараджэння, а ў 1968 годзе ў Лондане на Міжнародным кангрэсе мінеролагаў і астролагаў быу зацверджаны спецыяльны каляндар камянёў-самацветаў. Вось яго галоўная "старонка": студзень -- гранат, люты -- аметыст, сакавік -- аквамарын, красавік -- алмаз, май -- ізумруд, чэрвень -- жэмчуг, ліпень -- рубін, жнівень -- хрызаліт, верасень -- сапфір, кастрычнік -- апал, лістапад -- тапаз, снежань -- біруза.

У спалучэнні каменя-самацвета і месяца нараджэння чалавека назіраецца простая і лагічная тэндэнцыя: сярод камянёў вясенніх і першых летніх месяцаў пераважаюць зялёныя і светлыя адценні; сярэдзіна лета і яго спёка выклікаюць у памяці чырвоныя і жоўтыя колеры; восень прыцягвае да яркіх і сініх, а зіма -- да блакітных і фіялетавых таноў. І выключэнні, якія здаюцца нам на першы погляд, толькі пацвярджаюць агульнае правіла. Так, напрыклад, вогненна-чырвоны студзеньскі гранат быццам бы грэе, як гарачыя вуглі ў каміне, у зімовую сцюжу; зіхатлівыя красавіцкія брыльянты, вытачаныя з алмазаў, асацыіруюцца з ледзяшамі, якія растаюць; жэмчуг -- талісман гарачага чэрвеня -- нагадвае кроплі ранішняй расы на траве гэтага багатага на росы месяца.



САМАЦВЕТЫ ГОДА ЗМЯІ

24 студзеня 2013 года па японскім календары і 10 лютага – па кітайскім, на змену чорнаму вадзяному Дракону прыйдзе чорная вадзяная Змяя, а значыць, і ўпрыгажэнні года Дракона, як бы па спадчыне, пяройдуць да тых, хто так ці інакш звязаны з годам Змяі.

Паколькі Змяя ў надыходзячым годзе не толькі чорная, але і вадзяная, то і камяні-самацветы павінны быць не толькі чорнымі, але ўтварацца ў вадзе або ўтрымліваць яе ў сваім складзе. І сама прырода дала ўсім жанчынам шанц у выглядзе чорнага жэмчугу і апалу.



КАРУНКАВАЯ ГІСТОРЫЯ

Дзіўна, калі і як паспявалі спраўляцца з хатнімі справамі нашы прабабулі, ды яшчэ шылі, вязалі, вышывалі і плялі карункі. Казачныя пляценні-перапляценні складаліся ў чароўны свет кветак, звяроў і птушак, якія пасяляліся на цюлю. Кожны дом упрыгожвалі сурвэткі, занавескі і абрусы хатняга вырабу, дзякуючы жаночай фантазіі, непаўторныя па варыяцыя[ узораў.

Ніткі для карункаў маглі быць папяровымі, льнянымі, ваўнянымі, шаўковымі, сярэбранымі, залатымі. У Італіі выкарыстоўвалі нават ніткі з алоэ.

Плеценыя карункі рабілі на круглай падушцы пры дапамозе каклюшак, а шытыя -- іголкі з ніткай. Узніклі карункі ў старажытныя часы. На жаль, немагчыма вызначыць дакладны час нараджэння гэтага цуду. Хутчэй за ўсё, яго росквіт звязаны з узнікненнем касцюмаў XVI стагоддзя.