Спорт

warning: Creating default object from empty value in /var/www/t-av/data/www/dyatlovo.info/modules/taxonomy/taxonomy.module on line 1390.


Шматбор'е

За яўнаю перавагаю перамагла ў спаборніцтвах шматбор'я комплексу "Абаронца Айчыны" для прызыўнай і дапрызыўнай моладзі ў групе гарадскіх школ каманда Дзятлаўскай СШ №3. За яе выступілі Дзмітрый Жэгала, Дзмітрый Грыгілевіч, Юрый Язубчык, Андрэй Пашукевіч, Сяргей Паўцель.

На рахунку дзятлаўчан 530 ачкоў. У хлопцаў з гэтай каманды і тры асабіста лепшыя вынікі. Дзмітрый Жэгала набраў 146 ачкоў, Дзмітрый Грыгілевіч — 139, Юрый Язубчык — 125. Акрамя таго, Дзмітрый Грыгілевіч паказаў лепшы асабісты вынік у стральбе — 45 ачкоў, Дзмітрый Жэгала — у гімнастыцы (24) і ў кросе (29), Юрый Язубчык пры кіданні гранаты (30).

Другое месца з сумаю 373 ачкі заняла каманда Казлоўшчынскай школы ў складзе Яўгена Верстака, Вадзіма Лупача, Яўгена Чорнага, Вадзіма Кедука. Яўген Вярстак паказаў лепшы вынік у спрынтарскім забегу на 100 метраў — 34 ачкі.



Плаванне. Тэст Купера

Перамогаю каманды ЦРБ завяршыўся турнір па плаванні (тэст Купера) з праграмы раённай спартакіяды калектываў фізічнай культуры (КФК). Медыкі першынствавалі з сумаю 31979 ачкоў. У камандны залік пайшлі два лепшыя вынікі, якія паказалі Анатоль Куцко і Таццяна Ермалаева.



Грэка-рымская барацьба

Бронзавым прызёрам з Міжнароднага турніру па грэка-рымскай барацьбе імя Валерыя Ціленьця, бронзавага прызёра Алімпійскіх гульняў 1996 года ў Атланце, вярнуўся выхаванец Віктара Шалеснага — рудаяварскі хлопец Раман Яскельчык.

Яшчэ двое рудаяварцаў Сяргей Гарнастай і Юрый Орсік дайшлі да высокай стадыі чвэрцьфінала. Абодва занялі пятае месца.

Лідскі турнір быў праведзены шосты раз і сабраў моцныя каманды з усіх абласцей Беларусі, Мінска, а таксама з Украіны, Латвіі, Літвы, Азербайджана. Усяго 240 спартсменаў 1996 — 1998 гадоў нараджэння. Былі сярод іх удзельнікі і нават прызёры чэмпіянатаў свету і Еўропы.



Абаранілі тытул

Перамогаю каманды "Old Friends" (Казлоўшчына) завяршыўся зімовы адкрыты чэмпіянат раёна па міні-футболу. Як і летась, тытул аспрэчвалі два відавочныя фаварыты турніру - дзятлаўская "Ніва" і "Old Friends".

Фінішавалі яны з вялікім адрывам ад іншых удзельнікаў першынства. Па ходу турніру каманды не зведалі паражэнняў. Першы матч паміж сабою завяршылі выніковаю нічыёю - 7:7. I лёс тытула павінна была вырашыць паўторная сустрэча.

Прайшла яна ў драматычнай барацьбе. "Ніву" задавальняла нічыя, таму "Old Friends" ca старта кінуліся ў атаку. I паспяхова, павялі - 2:0. Дзятлаўчане выявілі волю і арганізавалі годны адпор - 2:2. "Friends" яшчэ раз выйшлі наперад - 3:2.1 яшчэ раз адыгралася "Ніва" -3:3. Нічыйны лік гэтага матча, паўтаруся, "Ніву" задавальняў. I ўсё ж гаспадары пляцоўкі (а ўсе матчы адбыліся ў спартыўнай зале Казлоўшчынскай школы) за тры хвіліны да фінальнага свістка вырвалі патрэбную ім перамогу - 4:3.



Спынілі Ваўкавыск

Валейбол. Чэмпіянат вобласці. 1-я ліга. Жаночыя каманды

Нядзельны матч у Дзятлаве быў прынцыповы. Ваўкавыск да нас прыехаў не проста лідарам чэмпіянату, але і з перамогаю над самою Свіслаччу - дзеючым чэмпіёнам і галоўным фаварытам турніру. На фоне леташняй канфрантацыі Ваўкавыска і Дзятлава градус матча яшчэ павышаўся. На кон было выстаўлена болей, чым тры ачкі. Імідж і ўзровень прэтзнзій!

Дзятлаўскі "Белтэрміз" да нядзельнагаматча легка выйграў у Ашмянаў (3:0) і ў драматычным паядынку саступіў у Свіслачы (2:3). Яшчэ адно паражэнне вельмі змяншала б шанцы дзятлаўчанак у чэмпіянаце.



"Белтэлекам" - Слонім

У нядзелю, 18 сакавіка, адбыўся матч чэмпіянату вобласці па валейболу сярод мужчынскіх каманд (1-я ліга).

Дзятлаўскі "Белтэлекам" прымаў каманду са Слоніма і перамог з лікам 3:0.

Б. ВАРНА



Эстафетнае плаванне

Першы турнір раённай спартакіяды калектываў фізічнай культуры (КФК) 2012 года — эстафетнае плаванне — завяршыўся перамогаю каманды СВК "Хвінявічы" (час на дыстанцыі — 3.37,42). За пераможную каманду выступілі Анатоль Грынцэвіч, Марына Турок, Дзяніс Грынцэвіч.

Другое месца заняла каманда аддзела адукацыі райвыканкама (3.43,14) у складзе: Юрый Скрабец, Анастасія Скрабец, Яўген Баканаў.

На трэцім прызавым месцы — каманда аддзела ўнутраных спраў райвыканкама (3.47,42). За яе плылі Віталь Панасевіч, Дзіна Кургун, Андрэй Ражко.



Тэнісная бронза

Ігар Мацюк стаў бронзавым прызёрам ветэранскага турніру па настольнаму тэнісу, які адбыўся ў Паставах (Віцебская вобласць).

У сваей узроставай групе (30 — 40 гадоў) дзятлаўчанін заняў першае месца.

У фінальным змешаным (для ўсіх узростаў) бліц-турніры фінішаваў трэці.



Футбол пад дахам

Перамогаю каманды "Ніва" (Дзятлава) завяршыўся першы круг раённага зімовага чэмпіянату па міні-футболу.

На рахунку лідара —13 ачкоў. На другім месцы — наваельнянскі Спартак (10 ачкоў), на трэцім — казлоўшчынскія "Old Friends" (8 ачкоў).

Цяпер ідзе другі круг першынства, якое мае завяршыцца ў канцы сакавіка.

Сёлета разыгрываецца другі зімовы чэмпіянат раёна па міні-футболу. Летась у напружаным саперніцтве "Old Friends" перамаглі "Ніву" і сталі чэмпіёнамі.



Хакейны "Каласок"

У абласных спаборніцтвах па хакеі з праграмы спартакіяды длязяцей і падлеткаў "Каласок" удзельнічалі 9 каманд.

Юныя хакеісты Дзятлаўскага раёна выйгралі ў равеснікаў з Бераставіцкага раёна (4:0), згулялі ўнічыю з прадстаўнікамі Карэліцкага раёна (1:1) і прайгралі ашмянцам (0:4).

Занялі ў групе "А" трэцяе месца і на фінальным этапе спаборнічалі за пятае месца з камандаю Гродзенскага раёна. Нашы перамаглі (2:1) і фінішавалі ў турніры пятыя сярод дзевяці каманд-удзельніц.