Спорт

warning: Creating default object from empty value in /var/www/t-av/data/www/dyatlovo.info/modules/taxonomy/taxonomy.module on line 1390.


"БЕЛТЭРМІЗ" - ЧЭМПІЁН

5 чэрвеня на пляцоўцы Лядовага палаца ў Гродне ў фінальным матчы жаночага чэмпіянату вобласці па валейболе дзятлаўскі "Белтэрміз" перамог СДЮШОР-ФСК (Ваўкавыскі раён) - 3:0 (25:12, 25:12, 25:11) і стаў чэмпіёнам вобласці.

— Каманда настроілася на барацьбу з першага розыгрышу мяча, — адкаменціраваў матч трэнер "Белтэрмиза" Васіль Русін. — Мы ведалі, што наш сапернік робіць усё магчымае, каб узмацніць свой склад. У прыватнасці, па той бок сеткі была заўважана валейбалістка, якая выступала нават у чэмпіянаце Беларусі і была тэрмінова дазаяўлена. Таму ад стартавага свістка імкнуліся завалодаць ініцыятывай у матчы, дыктаваць свае ўмовы. I нам гэта ўдалося. Лічбы сэтаў красамоўна гавораць пра нашу гульнёвую перавагу, якая, лічу, стала вынікам правільнай тактычнай пабудовы матча. Нашы дзяўчаты ўважліва адгулялі ў абароне, арганізавана пераходзілі ў контратакі і вынікова атакавалі. Прызнаюся, не чакаў, што фінальны матч выйграем з такою перавагаю, можна сказаць, камфортна.



Спартыўны май - 2016

У час майскага свята на стадыёне, плошчы і вуліцах Дзятлава спаборнічалі аматары лёгкай атлетыкі, ролікавых канькоў, лыжаролераў, гіры, каната, міні-футбола, на гарадскім стадыёне адбыўся футбольны матч 3-й рэспубліканскай лігі паміж камандамі Дзятлава і Скідзеля.

Лёгкаатлетычная эстафета

У традыцыйнай лёгкаатлетычнай эстафеце па вуліцах горада ўдзельнічалі 12 школьных каманд. Пераможцай у першай групе школаў стала эстафета дзятлаўскай СШ №3. Другое месца занялі спартсмены Казлоўшчынскай СШ, трэцяе — Наваельнянскай СШ.
У другой групе школаў пераможцамі сталі бегуны Гезгалаўскай СШ. Другое месца занялі лёгкаатлеты Круцілавіцкай СШ, трэцяе — Вензавецкай СШ.
У трэцяй групе школаў перамогу святкавалі юныя спартсмены Лявонавіцкай БШ. Другое месца заняла каманда Раклевіцкай БШ, трэцяе — Жукоўшчынскай БШ.



ВАЛЕЙБОЛ

18 лютага адбыўся раённы турнір па валейболе з удзелам хлопцаў і дзяўчынак 2000-2002 гадоў нараджэння.

У спаборніцтвах удзельнічалі каманды Круцілавіцкай, Казлоўшчынскай, Таркачоўскай, Хвінявіцкай, Дварэцкай, Гезгалаўскай, Наваельнянскай, Вензавецкай школ, Дзятлаўскай СШ №1, гімназіі. Саперніцтва дзявочых каманд завяршылася перамогай гезгалаўскіх валейбалістак. На другім месцы — каманда Хвінявіцкай школы, на трэцім — гімназіі. Чацвёртае месца занялі валейбалісткі Дварэцкай школы, 5-6 месцы падзялілі спартсменкі Круцілавіцкай і Вензавецкай школ, сёмае месца занялі валейбалісткі з Казлоўшчыны.



ШАХМАТЫ, ШАШКІ

3 23 студзеня па 21 лютага ў Дзятлаве прайшлі чэмпіёнскія турніры па шашках і шахматах. Тытулы аспрэчвалі 20 прэтэндэнтаў.

У турніры па рускіх шашках ва ўпартай барацьбе з вынікам 19,5 ачка перамог першаразраднік Аляксандр Смаляк. Усяго на палову ачка адстаў ад яго кандыдат у майстры спорту Юрый Чайкоўскі. Трэцяе месца з вынікам 17,5 ачка заняў таксама кандыдат у майстры спорту Мікалай Венславоўскі. Дабротную гульню паказалі першаразраднік Мірон Шмыгіра, Міхаіл Вяроўка, Аляксандр Юргель.



КАЛЯДНЫ TУPHIP: ЖАНЧЫНЫ ГУЛЯЛІ Ў ВАЛЕЙБОЛ

У сельгасвытворчым кааператыве "Граніт-Агра" стартаваў штогадовы калядны турнір па волейболе.

У суботу, 16 студзеня, у cnapтыўнай зале Круцілавіцкага дзіцячага сада-сярэдняй школы за званне лепшай пазмагаліся чатыры валейбольныя дружыны — каманда бухгалтэрыі СВК "Граніт-Агра", каманда заатэхнікаў гаспадаркі, зборная каманда настаўнікаў Круцілавіцкай і Таркачоўскай школ, а таксама каманда свінагадоўчага комплекса "Варакомшчына".

На працягу больш як трох гадзін зацятай барацьбы накал жарсцяў і авацыі заўзятараў напаўнялі спартыўную залу ў Круцілавічах. I, як вынік, перамога дасталася самай моцнай камандзе — зборнай гранітаўскіх бухгалтараў.



ГРАНІТАЎСКАЯ СПАРТЛАНДЫЯ

Дзень абаронцаў Айчыны ў СВК “Граніт-Агра” вырашылі адзначыць нетрадыцыйна і зладавалі - “Cпартландыю” для мужчын.

Пяць мужчынскіх каманд, якія склалі вадзіцелі, спецыялісты, будаўнікі, механізатары вытворчага аддзялення №1, работнікі свінакомплекса “Варакомшчына” меліся паспаборнічаць у разнастайных конкурсах. Эмацыянальны градус спаборніцтвам ад самага пачатку задалі натхняючыя вітанні-пажаданні жанчын, з якімі да спарландцаў звярнуліся старшыня Данілавіцкага сельвыканкама Г. Жых, дырэктар Таркачоўскай школы-саду А. Гаўрош, старшыня прафсаюзнага камітэта СВК А. Манцэвіч, дыспетчар сельгаспрадпрыемства Л. Адамчык.

Спартландыя пачалася парадным выхадам каманд, якія перад гледачамі-балельшчыкамі прайшліся “строем і з песняю”. Найлепшым чынам вызначылася пры гэтым каманда вадзіцеляў пад “кодаваю” назваю “Пяхота”.



ПЕРАМОГА І ПАРАЖЭННЕ

З выдатнай перамогі над дзеючым чэмпіёнам пачала чэмпіянат вобласці 2014 года ў вышэйшай лізе дзятлаўская жаночая валейбольная каманда “Белтэрміз”. 2 лютага ў Гродне на пляцоўцы спартыўнай залы “Белтэлекама” была атрымана валявая перамога над камандаю ГрДУ імя Янкі Купалы – 3:2. Пра матч і змены ў складзе на новы сезон расказаў трэнер і кіраўнік каманды Васіль Русін:

-- Як гуляе наш сапернік мы ведалі з мінулага года. Каманда ГрДУ вызначаецца надзейнай абаронай. Справаздачны матч мы пачалі другім нумарам, праз усю першую партыю адставалі ў ліку. Урэшце, дагналі саперніц. Але доўгая пагоня негатыўна паўплывала на розыгрыш вырашальнага ачка: памылка і мы прайгралі 25:27. Другая партыя прайшла з нашай перавагай, выйгралі 25:19. У трэцяй барацьба была роўная, завяршыўся сэт з лікам 26:24 у нашу карысць. Чацвёртую партыю ГрДУ выйграў за яўнаю перавагаю, быў момант, мы адставалі на 12 ачкоў. 25:21 на карысць ГрДУ. Прайгравалі мы і ў пятай на пераходзе – 7:8. А выйгралі яе 15:10. Здабылі 2 залатыя ачкі ў матчы з чэмпіёнам на яго пляцоўцы.



ВАЛЕЙБОЛ-2014. ЖАНОЧЫ ТУРНІР

Пасля каляднага мужчынскага ў СВК “Граніт-Агра” праз тыдзень зладзілі і жаночы валейбольны турнір.

Спаборнічалі ў ім пяць поўнакамплектных каманд: зааветэрынарнай службы, адміністрацыі, Круцілавіцкай школы, свінагадоўчага комплексу, зборная каманда Данілавіцкага сельсавета і Таркачоўскай школы.

Арганізатары турніру былі і ўзрадаваны і, прызнацца, крыху нават здзіўлены ўзроўнем саперніцтва жаночых каманд. Нават тыя каманды, якія пачыналі турнір слабавата, разыграліся і на фінішы выглядалі па-спартыўнаму прыстойна.



СПАБОРНІЦТВЫ ДАПРЫЗЫЎНІКОЎ

Адбыліся раённыя спаборніцтвы па шматбор’і з комплексу “Абаронца Айчыны” хлопцаў дапрызыўнага ўзросту.

У спартыўнай зале дзятлаўскай СШ №3 і на гарадскім стадыёне ў трох відах спартыўных дысцыплін – стральбе, гімнастыцы, кросе на 3000 метраў – спаборнічалі чатыры дзясяткі хлопцаў з 14 школ раёна.

Найбольш паспяхова выступілі каманды дзятлаўскай СШ №3, Вензавецкай і Таркачоўскай школаў, якія занялі першыя месцы ў сваіх групах.
Другія месцы ў сваіх групах на рахунку Казлоўшчынскай, Хвінявіцкай і Жукоўшчынскай школаў. Трэцімі ў камандным заліку сталі Дзятлаўская і Гезгалаўская гімназіі, Лявонавіцкая школа.

У асабістым заліку абсалютна лепшы вынік паказаў вучань дзятлаўскай СШ №3 Дзмітрый Грыгілевіч (старэйшы ўзрост). Дзмітрый набраў суму ў 74 ачкі, вынікова выступіўшы ва ўсіх трох дысцыплінах (44 ачкі за стральбу, 21 – за гімнастыку, 9 – за крос).



КАЛЯДНЫ ВАЛЕЙБОЛ - 2014

Нядзельны дзень 12 студзеня ў СВК “Граніт-Агра” стаўся спартыўны. Прафкам гаспадаркі пры падтрымцы адміністрацыі сельгаспрадпрыемства зладзілі традыцыйны валейбольны турнір. Спаборнічалі пяць мужчынскіх каманд, якія склалі работнікі адміністрацыі, свінагадоўчага комплексу, вытворчага аддзялення №1, вадзіцелі, будаўнікі.

Фаварытам да пачатку спаборніцтваў быў леташні пераможца – каманда адміністрацыі на чале з капітанам Антонам Тарасевічам. Але абараніць чэмпіёнскі тытул фаварыту не ўдалося. У фінал выйшлі будаўнікі і вадзіцелі. Змагаліся напружана, мяч у мяч. На ўсе спартыўныя хітрасці пускаўся самы актыўны спартсмен гаспадаркі і капітан валейбольнай каманды будаўнікоў Дзмітрый Аблажэй, але…