Слонімская МРІ інфармуе

warning: Creating default object from empty value in /var/www/t-av/data/www/dyatlovo.info/modules/taxonomy/taxonomy.module on line 1390.


АДКРЫВАЕЦЦА СЕЗОН ВЯСНОВАГА ПАЛЯВАННЯ НА ПЕРАЛЁТНЫХ ПТУШАК

Згодна з "Правіламі вядзення паляўнічай гаспадаркі і палявання", зацверджанымі Указам Прэзідэнта Рэспублікі Беларусь ад 08.12.2005 №580, паляванне на пералётнага гуся пачалося з 8 сакавіка і працягнецца па 11 мая 2014 года ў светлы час сутак, акрамя перыяду з 11 да 18 гадзін. Дазваляецца ружэйнае паляванне з засады (скрадка) з падманьваннем на пералётных гусей (гусь белалобы, гусь гуменнік, гусь шэры, канадская казарка). Пры правядзенні палявання дазволена выкарыстоўваць гладкаствольную паляўнічую зброю з выкарыстаннем патронаў, зараджаных шротам; для вышуку і падачы здабытай дзічыны дапускаецца выкарыстанне паляўнічых сабак: тэр'ераў, таксаў, лягавых, спаніэляў, рэтрывераў, водных сабак.

З 20 сакавіка па 30 красавіка 2013 года з 3 да 9 гадзін дазволена ружэйнае паляванне на таках з падыходу, з засады на самцоў глушца, а таксама ружэйнае паляванне на таках з засады на самцоў цецерука. Гэтыя птушкі адносяцца да паляўнічых жывёлін нарміраваных відаў, таму паляванне на іх праводзіцца па разавых дазволах на здабычу паляўнічай жывёлы і паляўнічых пуцёўках да іх.



ВЯСНОВАЯ ЗАБАРОНА НА ЛОЎЛЮ РЫБЫ - 2014

Паважаныя рыбаловы! Слонімская міжраённая інспекцыя аховы жывёльнага і расліннага свету пры Прэзідэнце Рэспублікі Беларусь у сувязі з хуткім пачаткам сезона рыбалкі па адкрытай вадзе звяртае ваша ўвагу на наступленне вясновай забароны на лоўлю рыбы.

Згодна з "Правіламі вядзення рыбалоўнай гаспадаркі і рыбалоўства", зацверджанымі Указам Прэзідэнта Рэспублікі Беларусь ад 08.12.2005 года №580 (у рэдакцыі Указа Прэзідэнта Рэспублікі Беларусь №386 ад 23.07.2010 года): 28 лютага ўключна скончыцца забарона на лоўлю наліма звычайнага; з 1 па 31 сакавіка пачнецца забарона на лоўлю шчупака звычайнага; вылаў усіх відаў рыбы забараняецца з 1 красавіка па 30 мая ўключна, за выключэннем аматарскага рыбалоўства, якое ажыццяўляецца рыбаловам адной вудай з адным кручком або адным спінінгам, аснашчаным штучнай прыманкай, з адным адзінарным, двайным або трайным кручком памерам не больш за №10 па міжнароднай класіфікацыі №1, у светлы час сутак, з берага.



ПРЫГАВОРАНЫ ДА ПАКАРАННЯ

Як паведамлялася раней у сродках масавай інфармацыі, у жніўні 2013 года супрацоўнікамі Слонімскай міжраённай інспекцыі аховы жывёльнага і расліннага свету на тэрыторыі Слонімскага раёна былі затрыманы трое грамадзян, якія з выкарыстаннем забароненай прылады лоўлі рыбы (прынцып работы якога заснаваны на выкарыстанні электрамагнітнага поля) на рацэ Шчара незаконна здабылі 101 асобіну розных відаў рыбы агульнай вагой больш за 30 кг, чым нанеслі шкоду навакольнаму асяроддзю ў памеры 389 базавых велічыняў (у асабліва буйным памеры) -- 38900000 рублёў, які быў кампенсаваны парушальнікамі ў добраахвотным парадку.



ПРАЦЯГВАЕЦЦА ЗІМОВЫ СЕЗОН ПАЛЯВАННЯ

Па разавых дазволах на здабычу паляўнічых жывёлаў і паляўнічых пуцёўках да іх з 1 студзеня па 30 красавіка адкрыты зімовы сезон палявання на дзіка (дарослыя самцы, маладняк да 2 гадоў любога полу) зброевым спосабам з засады з вышак, на працягу сутак. Пры паляванні дазволена выкарыстоўваць для дарослых жывёлін наразную паляўнічую зброю з дульнай энергіяй кулі больш за 3000 джоўляў і гладкаствольную паляўнічую зброю з выкарыстаннем толькі кулявых патронаў; для маладняку да 2 гадоў -- наразную паляўнічую зброю з дульнай энергіяй кулі больш за 1500 джоўляў і гладкаствольную паляўнічую зброю з выкарыстаннем кулявых патронаў і патронаў, зараджаных карцеччу дыяметрам 6,5 мм і больш.

Працягваецца паляванне на бабра рачнога і выдру рачную да 31 студзеня ў светлы час сутак па разавых дазволах. Спосаб палявання -- ружэйны, у тым ліку з паляўнічымі сабакамі, з падыходу, з засады, безружэйны, у тым ліку з паляўнічымі сабакамі.



ПРЫЦЯГНУТЫ ДА АДКАЗНАСЦІ

У жніўні 2013 года супрацоўнікамі Слонімскай міжраённай інспекцыі аховы жывёльнага і расліннага свету з прадстаўнікамі Слонімскай гаррайінспекцыі прыродных рэсурсаў прыродных рэсурсаў і аховы навакольнага асяроддзя на вадасховішчы "Навасёлкі" Дзятлаўскага раёна былі затрыманы двое жыхароў г. п. Наваельня, якія з выкарыстаннем дзюралевай лодкі і трох забароненых прыладаў лоўлі рыбы (стаўных сетак) незаконна здабылі 28 асобін розных відаў рыбы агульнай вагой 24,25 кг, тым самым нанеслі шкоду навакольнаму асяроддзю ў памеры 50,4 базавай велічыні (у буйным памеры).

Па дадзеным факце Следчым аддзелам Следчага камітэта Рэспублікі Беларусь у дачыненні вінаватых асобаў была ўзбуджана крымінальная справа па ч. 2 арт. 281 КК Рэспублікі Беларусь (незаконная здабыча рыбы альбо іншых водных жывёлаў).



ПРАЦЯГВАЕЦЦА АСЕННЕ ЗІМОВЫ СЕЗОН ПАЛЯВАННЯ

Па паляўнічых пуцёўках на андатру, норку амерыканскую -- з 1 кастрычніка па 31 студзеня ў светлы час сутак. Спосаб палявання – ружэйны, у тым ліку з паляўнічымі сабакамі, з падыходу, з засады, безружэйны, у тым ліку з паляўнічымі сабакамі. Дазволена выкарыстоўваць гладкаствольную паляўнічую зброю з выкарыстаннем патронаў, зараджаных шротам, пасткі №0-3, пасткі (акрамя петляў), паляўнічых сабак: тэр’еры, таксы, лайкі, шпіцы і прымітыўныя пароды, выжлы, спаніэлі, рэтрыверы, водныя сабакі.

На паляўнічых жывёлін нарміраваных відаў па разавых дазволах на здабычу паляўнічай жывёлы і паляўнічых пуцёўках да іх: на лася, аленя высакароднага, казулю еўрапейскую, аленя плямістага з 1 кастрычніка па 30 снежня, з загонам і з сабакамі – у светлы час сутак, з засады і з падыходу – на працягу сутак. Да здабычы дазволены жывёлы любога полу і ўзросту. Спосаб палявання – ружэйны з засады, з падыходу.



АСЕННІ СЕЗОН ПАЛЯВАННЯ - 2013

У адпаведнасці з правіламі вядзення паляўнічай гаспадаркі і палявання з 1 кастрычніка па 30 снежня адкрыта паляванне на лася, аленя высокароднага, дзіка, казулю любога полу і ўзросту загонам і з сабакамі – у светлы час сутак, з засады і з падыходу – на працягу сутак. Пры паляванні дазволена выкарыстоўваць для лася, аленя, дарослага дзіка старэйшага за 2 гады – наразную паляўнічую зброю з дульнай энергіяй кулі звыш 3000 джоўляў і гладкаствольную паляўнічую зброю з выкарыстаннем толькі кулявых патронаў; для казулі і маладняка дзіка да двух гадоў – наразную паляўнічую зброю з дульнай энергіяй кулі звыш 1500 джоўляў і гладкаствольную паляўнічую зброю з выкарыстаннем кулявых патронаў і патронаў, зараджаных карцеччу дыяметрам 6,5 мм і больш; паляўнічых сабак – пароды па дазволе карыстальніка паляўнічых угоддзяў.



АБ ПРАВІЛАХ ПАДРЫХТОЎКІ І ЗБОРУ ДЗІКАРОСЛЫХ ЯГАДАЎ І ГРЫБОЎ

У сувязі з надыходам перыяду масавага збору грыбоў, дзікарослых пладоў, арэхаў, ягадаў звяртаем увагу нарыхтоўшчыкаў на выкананне заканадаўчых нормаў пры правядзенні такой дзейнасці.

У адпаведнасці з пастановай Міністэрства лясной гаспадаркі Рэспублікі Беларусь ад 20 сакавіка 2001 года №4 “Аб зацвярджэнні Пераліку відаў пабочнага лесакарыстання і Правілаў нарыхтоўкі другарадных лясных рэсурсаў і ажыццяўлення пабочнага лесакарыстання" збор у прамысловых мэтах дзікарослых ягадаў, грыбоў забараняецца ў лясах запаведнікаў і помнікаў прыроды, у гарадскіх лясах і лясах лесапаркавых частак зялёных зонаў, у курортных лясах, на вызначаемых юрыдычнымі асобамі, якія вядуць лясную гаспадарку, участках ляснога фонду – глушцовых таках і ў радыусе 300 метраў ад іх.



АБ ВЯСНОВАЙ ЗАБАРОНЕ ЛОЎЛІ РЫБЫ

Шаноўныя рыбаловы! Слонімская міжраённая інспекцыя аховы жывёльнага і расліннага свету пры Прэзідэнце Рэспублікі Беларусь, у сувязі з пачаткам сезона рыбалкі на адкрытай вадзе, звяртае вашу ўвагу на надыход вясновай забароны лоўлі рыбы.

Згодна з “Правіламі вядзення рыбалоўнай гаспадаркі і рыбалоўства”, з 1 красавіка да 30 мая забараняецца лоўля ўсіх відаў рыбы, за выключэннем аматарскага рыбалоўства, ажыццяўляемага рыбаловам адной вудачкай ці адным спінінгам, аснашчаным штучнай прынадай, з адным адзінарным ці двайным або трайным кручком памерам не больш за №10 (ці №1 па міжнароднай класіфікацыі), у светлы час сутак з берага. Акрамя гэтага, забараняецца выкарыстанне грамадзянамі ў рыбалоўных угоддзях маламерных суднаў і суднаў з рухавікамі ў час вясновай забароны на лоўлю рыбы. Карыстацца сваімі плавальнымі сродкамі можна будзе з 31 мая ўключна.

Таксама забаронена правядзенне спаборніцтваў па спартыўным рыбалоўстве ў тэрміны забароны на вылаў рыбы.



АБ АМАТАРСКІМ РЫБАЛОЎСТВЕ

Слонімская міжраённая інспекцыя аховы жывёльнага і расліннага свету пры Прэзідэнце Рэспублікі Беларусь інфармуе рыбаловаў-аматараў аб забароне на лоўлю наліма звычайнага, якая працягваецца да 28 лютага. З 1 па 31 сакавіка наступіць забарона на лоўлю шчупака звычайнага.

Так што весь люты працягваецца лоўля шчупака звычайнага ўсімі снасцямі, дазволенымі правіламі. Інспекцыя нагадвае аб норме вылаву, устаноўленай правіламі ў памеры 5 кілаграмаў.

Напамінаем аб забароне лоўлі рыбы з адначасовым выкарыстаннем аднаго ці некалькіх відаў прыладаў рыбалоўства з агульнай колькасцю кручкоў больш за 10 штук, а таксама забароне прымянення на прыладах рыбалоўства двайных ці трайных кручкоў без блясны, натуральнай ці штучнай нажыўкі.