Сельская гаспадарка

warning: Creating default object from empty value in /var/www/t-av/data/www/dyatlovo.info/modules/taxonomy/taxonomy.module on line 1390.


"Слава працы" - не толькі назва гаспадаркі, але і дэвіз

20 лістапада свае прафесійнае свята адзначаюць людзі, якія не баяцца і не цураюцца цяжкай працы. Яны прачынаюцца да ўзыходу сонца, у час сяўбы і жніва працуюць да "сёмага поту", каб на нашых сталах штодзень былі свежы духмяны хлеб, малочныя і мясныя прадукты, сакаўныя садавіна і агародніна. Гэта — работнікі сельскай гаспадаркі. Каб расказаць пра іх працоўныя будні, карэспандэнты наведаліся ў адзін з сельскагаспадарчых вытворчых кааператываў нашага раёна з жыццясцвярджальнай назвай "Слава працы".

Пра работу гаспадаркі расказвае Віталь Вітольдавіч Дула, старшыня СВК:
— Сёлетні год быў складаным для нашай гаспадаркі — паўплывала эканамічная сітуацыя, якая склалася ў краіне. Гаспадарка вялікая, не хапала абаротных сродкаў. Але ў народзе кажуць: "Вочы баяцца, а рукі робяць". Па такім прынцыпе і працавалі. Дапамагалі нам Дзятлаўскі райвыканкам і сельгасупраўленне. Як бачыце, дасягнулі станоўчых вынікаў.



Інжынер-будаўнік - спецыяліст шырокага профілю

У СВК "Слава працы" шмат гадоў працуе Пётр Адамавіч Бараноўскі. У гаспадарку на пасаду інжынера-будаўніка ён прыйшоў у далёкім 1983 годзе. За плячамі ўраджэнца Нянадавічаў ужо былі Мінскі архітэктурна-будаўнічы тэхнікум, сталічнае будаўнічае вытворчае аб'яднанне і 5 гадоў працы на будаўнічых аб'ектах у Манголіі.

Але, як кажуць, чужына — мачаха, а радзіма — маці. На роднай зямлі Пятра Адамавіча таксама чакалі сур'ёзныя справы. Тут ён вырасту пецярых дзяцей, якія сталі годнымі людзьмі. Дачка Таццяна — фельчар у Парэцкай амбулаторыі, сын Андрэй працуе ў Казлоўшчынскім добраахвотным пажарным таварыстве, двайняты Ігар і Алег выбралі будаўнічыя спецыяльнасці (яны яшчэ вучацца), малодшая дачка Дзіяна ходзіць у сёмы клас, яна старанная вучаніца.



"Гранітаўская" работа

Самая вялікая ўборачная плошча ў раёне традыцыйна ў СВК "Граніт-Агра". Сёлета гранітаўцам трэба абмалаціць 3380 гектараў збажыны. Абмалацілі ўжо трэць — 1093 гектары (32,3 працэнта). Кіраўніцтва і хлебаробы гаспадаркі імкнуцца эфектыўна выкарыстаць кожную пагодлівую гадзіну на жніве.

28 ліпеня, як толькі абветрылася збажына пасля моцнага дажджу, гранітаўскі ўборачны канвеер уключыўся на поўную магутнасць, і за дзень быў абмалочаны 91 гектар.

Штогод на гранітаўскім жніве побач з выпрабаванай многімі ўборачнымі кампаніямі палявой гвардыяй на чале з Уладзімірам Гукішам сустракаю навабранцаў. Да прыкладу, сёлета ў якасці камбайнера КЗС-1218 дэбютуе Аляксандр Кардаш. Механізатар ён увогуле вопытны (за спіною два дзясяткі гадоў механізатарскага стажу), выдатны сейбіт, а вось камбайнерам — першыя дні.



Па-над нівай хмары ходзяць нізка

Над новаю сушылкаю ў Дварцы кучаравіліся сімпатычныя белыя воблакі і дажджом зусім не пагражалі. Аўтамабілі выгружалі на адкрыты ток дастаўлены з палёў намалот. Работа ішла ў штатным рэжыме. Па тэмпах жніва СВК "Дварэц-Агра" лідзіраваў у раёне.

3 Дварца выправіліся ў Раготна. За Васявічамі ніадкуль з'явіліся на ветравым шкле вадзяныя кроплі. А яшчэ праз пару кіламетраў мы ўскочылі ў сцяну дажджу. На ўсё неба была адна не дужа каб сіняя хмара, і яна паласкала таполі, палетак за імі спорным дажджом. "Усё, стала жніво",— падумалася. "Гэта вы за сабою дождж возіце?" — павітаўся з жартоўным дакорам начальнік участка І. Юрэня.



Жніво ідзе. Жніву дарогу

У раёне распачаты абмалот пасеваў рапсу, якіх налічваецца 2105 гектараў. На 15 ліпеня ўжо абмалочаны 350 гектараў (16,6 працэнта), ураджайнасць склала 18,2 цэнтнера.

Да абмалоту рапсу прыступілі ўсе сельгаспрадпрыемствы, за выключэннем СВК "Белагурна". Найбольш актыўна распачалі гэту работу раённыя лідары — СВК "Граніт-Агра" і "Русь-Агра", на іх рахунку адпаведна 42,1 і 43,5 працэнта абмалочаных плошчаў.

Найбольшая ураджайнасць у СВК "Граніт-Агра" — 21 цэнтнер з гектара.



Блізіцца жніво. Засекі гатовы?

Нямала клопатаў цяпер у земляробаў раёна пра сёлетні ўраджай збожжа, пра надзейную кармавую базу для жывёлы на зіму. Спецыялістам агранамічнай службы належыць актывізаваць і догляд пасеваў яравога, азімага збожжа. Звярнуць увагу на тэхнічныя культуры — цукровыя буракі і лён, а таксама на насенныя ўчасткі зернявых культур.

Пасевы азімай пшаніцы і азімага трыцікале моцна засмечаны азімым жытам. Ніякая ачыстка сабранага зерня не дасць нам лепшага выніку, чым той, які мы атрымаем пасля відавой праполкі. Штогод гаспадаркі раёна завозяць з элітбаз, іншых гаспадарак Гродзеншчыны партыі насення яравой і азімай пшаніцы, трыцікале. Паводле стандарта Беларусі дапускаецца наяўнасць культурных прымесяў ад 5 да 30 штук залежна ад рэпрадукцыі.



Вынікі маладзежнага спаборніцтва

Упраўленне сельскай гаспадаркі і харчавання райвыканкама і раённы камітэт грамадскага аб'яднання "БРСМ" падвялі вынікі раённага спаборніцтва маладых аператараў машыннага даення і раённага спаборніцтва маладых механізатараў на вясновых палявых работах.

У раённым спаборніцтве прымалі ўдзел маладыя аператары машыннага даення, якія дасягнулі найвышэйшых вынікаў у вытворчасці малака ў 2010 годзе, якія надаілі за год ад кожнай каровы групы наибольшую колькасць малака і не зменшылі прадуктыўнасць кароў у параўнанні з 2009 годам.

Пераможцам спаборніцтва прызнана аператар машыннага даення СВК "Хвінявічы" Любоў Юшкевіч. Яна надаіла за год 184743 кілаграмы малака. Сярэдні надой ад адной каровы яе групы (39 кароў) склаў 4705 кілаграмаў, павелічэнне надою да ўзроўню 2009 года — 157,8 працэнта.



Клопат дня - кармы

Хто марудзіў на гэтым тыдні з нарыхтоўкай кармоў — той не гаспадар. Някошаныя травы перастаяць, кармавая спажыўнасць іх зменшыцца. Горача на сежаці, вядома, але надвор'е аграрыям выбіраць не даводзіцца. Трэба завіхацца пры тым, якое ёсць.

Механізатары-нарыхтоўшчыкі СВК "Войневічы" не марудзяць. На палетку за Ёцавічамі — дзелавіты рух. Валкі падымаюць некалькі КЗРаў. Першую сянажную траншэю (801 тона) на мясцовай ферме заклалі, сказаў загадчык фермы М. Ліштван, за два дні. Хутка напаўняецца і другая побач — кармоў спатрэбіцца многа, ферма пашыраецца.



Лета зіму корміць

Временный кризис, которому подверглась Беларусь, не страшен труженикам сельского хозяйства. Земля, если не лениться, прокормит. Трудись, и твое продвижение неизбежно. Приусадебные участки и труд помогут выжить в трудное время.

_____________________________________________________________________________________________________

Горача ва ўсіх сэнсах гэтымі днямі на сенажатных палетках: ідзе нарыхтоўка кармавога запасу на зіму.

Мінулая зімоўка для СВК "Вензавец" была паспяховая: гаспадарка нядаўна прызнана пераможцай раённага спаборніцтва па павелічэнні вытворчасці і рэалізацыі прадукцыі жывёлагадоўлі, эфектыўнасці і якасці ў зімова-стойлавы перыяд 2010-2011 года.



Касавіца

Сельгаспрадпрыемствы раёна распачалі касавіцу траваў. Травамі ў раёне заняты 11328 гектараў. На 1592 гектарах (па стану на 27 мая) травы ўжо скашаны. Гэта склала 14,1 працэнта. Найбольш высокія тэмпы работ на сенажаці ў СВК "Хвінявічы", "Белагурна", "Жукоўшчына", "Вензавец", "Дварэц-Агра".