Сельская гаспадарка



Падзяка ў юбілей

На палетках КСУП "Слава працы" адбылася прыемная сустрэча з нагоды 65-гадо-вага юбілею загадчыцы фермы Зоі Гарошка.



Яны першымі пасадзілі "другі беларускі хлеб"

Веснавыя работы на палях гаспадарак раёна па-ранейшаму кіпяць з ранку да позняга вечару, а традыцыйна адказны і хуткаплынны вясенні перыяд не дазваляе спыніцца аграрыям ні на хвіліну. Амаль толькі скончылася сяўба, а гаспадаркі ўжо садзяць бульбу.

У КСУП "Хвінявічы", кіраўніком якога з'яўляецца Мікалай Бубноўскі, сёлета па праву могуць ганарыцца лідэрствам - у гэтым годзе яны першымі скончылі пасадку бульбы. Ладзіцца работа ў працоўнага звяна Георгія Шэўко і Рыгора Палюна. Яны адны з першых спраўляюцца з пастаўленымі перад гаспадаркай задачамі. На працягу ўсяго складанага аграрнага часу механізатары не спыняюцца: адзін від сельскагаспадарчай дзейнасці хутка змяняецца другім.



Калі рукі не ведаюць стомы

Прыемныя абставіны сабралі нас на палетках КСУП "Дварэц-Агра", дзе ўжо доўгі час працуе спакойны, разважлівы механізатар і разам з тым руплівы працаўнік, якому даверана адказная праца сейбіта, - Анатоль Апанасік. Яго асабістыя дасягненні з году ў год радуюць кіраўніцтва гаспадаркі і калег.



Яе сакрэты агранаміі

На палетках раёна знаёмлюся з дзяўчынай, чыю прафесію не проста назваць дзявоцкай: аграном-аграхімік, але яе стойкасці і мужнасці можна пазайздросціць. Алена Піваварчык нарадзілася і вырасла ў вёсцы Круцілавічы Дзятлаўскага раёна.



Адгружаем буракі

Сельгаспрадпрыемствы раёна капаюць цукровыя буракі. Сёлета у раёне іх вырошчвалі на 1279 гектарах.
3 947 гектараў, што склала на 20 кастрычніка 74 працэнты, салодкія карані выкапаны.

Копку буракоў завяршылі дзве гаспадаркі - КСУП "Вензавец" і "Дварэц-Агра". '"Вензавец" ужо i вывез увесь ураджай — 2651 тону.
Вываз цукровых буракоў на станцыю "Наваельня" адбываецца па графіку. У дзень, калі мы наведалі станцыйную грузавую пляцоўку, буракі адгружалі КСУП "Войневічы" і ААТ "Граніт-Агра".

Дзень пасля шэрагу дажджлівых стаяў цёплы і сонечны, што відавочна радавала прыёмшчыка прадукцыі Анатоля Гардзейчука. Ён працуе аграномам-інспектарам на Жабінкаўскім цукровым заводзе (менавіта туды наш раён адгружае цукровыя буракі), на перыяд адгрузкі ўраджаю сельгаспрадпрыемствамі выязджае на прыёмныя пункты для кантролю за за прыёмкай, адгрузкай і для афармлення суправаджальных дакументаў на прадукцыю.



Свята мёду ў Раклевічах

У cуботу, 13 жніўня, напярэдадні Мядовага спаса, калі ў храмах асвячаецца мёд новага збору, у аграгарадку Раклевічы адбылося Свята мёду.
Мядовае свята было дарэчы: кожны, хто хацеў, мог набыць духмяны тавар, які прапанавалі гаспадары свята СВК "Русь-Агра".

Традыцыйна адкрыццё свята адбылося ў выглядзе тэатралізаванай дзеі, галоўным персанажам якой стала працалюбівая пчолка. У меданосных пчолак давялося пераўвасобіцца і ўдзельнікам вясёлай мядовай эстафеты. Зазвычай удзел у ей прымала моладзь з сельгаскааператываў раёна. На мядовую эстафету прыехалі сем каманд: СВК "Русь-Агра", "Войневічы", "Жукоўшчына", "Белагурна", "Граніт-Агра", "Слава працы", "Дварэц-Агра".

Кожная з іх мела рэальны шанц на перамогу і імкнулася да яе. Але удача спадарожнічала ў Раклевічах суседзям — СВК "Жукоўшчына". За гэту каманду выступалі Яўген Кійко (капітан), Юлія Памбухчан, Яўген Паўлоўскі, Аляксей Вайтушка, Вольга Кашко. Іх упартасць, спрыт, уменне ў патрэбны час аб'яднацца дзеля дасягнення мэты журы ацаніла і адзначыла дыпломам і грашовай прэміяй ад галоўнага спонсара свята - райкама прафсаюза работнікаў АПК. Прызёрамі вясёлай мядовай эстафеты сталі каманды СВК "Войневічы" і "Слава працы". Кожная каманда-ўдзельніца атрымала салодкі прыз ад гаспадароў свята СВК "Русь-Агра".



УЗНАГАРОДЫ 3 ВЫСТАВЫ "БЕЛАГРА-2016"

Сельгасвытворчы кааператыў "Хвінявічы" неўпершыню ламае стэрэатыпы і абвяргае народныя прымхі. Тут молада, але не зелена, а першы блін
не атрымліваецца комам. Сёлета гаспадарка ўпершыню паўдзельнічала ў спецыялізаванай сельскагаспадарчай выставе "Белагра-2016" і прывезла дзве ўзнагароды. Падрабязней пра іх і пра ўражанні ад мерапрыемства карэспандэнтка газеты "Перамога" пацікавілася ў галоўнага заатэхніка СВК "Хвінявічы" Марыі Слушко.

— Марыя Сяргееўна, гэтш першы ваш вопыт удзелу ў спецыялі-заванай выставе "Белагра" ?
— У сельскагаспадарчай выставе "Белагра-2016" наша гаспадарка брала ўдзел упершыню. Больш за тое, на маёй памяці гэта першы вопыт такога ўдзелу і для Дзятлаўскага раёна. На выставе мы прадстаўляяі авечак пароды тэксель, якіх летась атрымалі па дзяржаўнай праграме авечкагадоўлі. Іх гадуем на ферме "Руда Яварская". Удзельнічалі ў выставе мы не самі па сабе, а ў складзе абласнога аб'яднання па племянной справе ў жывёлагадоўлі, якое выстаўляла на конкурс кароваў галшціна-фрызскай пароды, цялушак чырвонай беларускай пароды, і племяннога быка абердзін-акгулскай пароды і нашых авечак (у Гродзенскай вобласці пародзістых авечак гадуюць толькі на Дзятлаўшчыне). Для ўдзелу ў конкурснай выставе мы вазілі дзвюх авечак і аднаго барана галандскай пароды тэксель, а некалькі авечак пароды прэкас, больш адаптаванай да мясцовых умоваў, — проста каб паказаць наведвальнікам выставы.

 

Веды лішнія не бываюць

Анастасія Браніцкая загадвае другім вытворчым участкам СВК "Слава працы". Пад яе наглядам больш за 2000 гектараў ворыва, больш за 4000 гектараў сельгасугоддзяў. Прыехала працаваць дзяўчына ў сельгслрадпрыемства пасля заканчэння Навагрудскага аграрнага каледжа. Хутка зразумела, што дадатковыя веды зусім не будуць для яе лішнія, таму без адрыву ад вытворчасці прадоўжыла навучанне па спецыяльнасці агранамия ў Гродзенскім аграрным універсітэце.

Закончыла вучобу, атрымала дыплом. I... яшчэ раз паступіла ў гэты ж універсітэт — для навучання ўжо па эканамічнай спецыяльнасці. Дзве вышэйшыя адукацыі, на думку Насці, для маладога спецыяліста сучаснай аграрнай вытворчасці не празмерныя, а вучыцца ёй падабаецца. Гэтым часам, пакуль не прыспелі напружаныя дні вясновых палявых работ, Насця здае чарговую сесію.



"Гранітаўскі" размах

Сельгаскааператыў "Граніт-Агра" з'яўляецца калі не лідарам сельгасвытворчасці ў раёне, то першым прэтэндэнтам на лідарства. Гэта валаўтваральная гаспадарка, якая спецыялізавана на вытворчасці свініны, малака, ялавічыны. Земляробчая прадукцыя - зблжжа, рапс, цукровыя буракі, - пераважна выкарыстовываюцца на фураж і тэхнічную перапрацоўку.

Сельгаспрадпрыемства гаспадарыць на 9 821 гектары: яго сельгасугоддзі, якія ацэнены ў 30 балаў, займаюць 8 640 гектараў, ворыва — 7083 (32,2 бала). Разаранасць сельгасугоддзяў вялікая — 82 працэнты.

Гаспадарка мэтанакіравана паляпшае культуру земляробства. Актыўна спрыяе гэтаму парк высокапрадукцыйнай і тэхналагічна новай сельгастэхнікі замежнай і айчыннай вытворчасці. На дабрабыт "Граніт-Агра" верай і праўдай шмат гадоў служаць 2 збожжавыя камбайны "Claas Lexion-580", 2 камбайны "John Deere-9640", энерганасычаныя трактары "John Deere" i "Беларус". За шэраг апошніх гадоў набыты 8 высокапрадукцыйных збожжавых камбайнаў беларускай вытворчасці КЗС-1218, кормаўборачны комплекс "Палессе", 17 трактароў, з названага ліку 10 — энерганасычаныя, 30 адзінак прычапных машын і агрэгатаў. Набыццё тэхнікі абышлося гаспадарцы ў 29,2 мільярда рублёў, праўда, каля 80 працэнтаў названай сумы складае лізінгавая растэрміноўка плацяжоў.