Падатковая інспекцыя інфармуе

warning: Creating default object from empty value in /var/www/t-av/data/www/dyatlovo.info/modules/taxonomy/taxonomy.module on line 1390.


НЕЗАКОННАЯ РЭАЛІЗАЦЫЯ ТАВАРАЎ

Па выніках падатковай праверкі ў гарадскім пасёлку Наваельня ўстаноўлены факт рэалізацыі грамадзянкай Н. тавараў лёгкай прамысловасці (штаны, майкі, шкарпэткі) з мэтай атрымання даходу і з парушэннем дзеючага падатковага заканадаўства.

Раней гэтай грамадзянцы (у 2014 годзе) ужо ўручалася папярэджанне аб адказнасці за ажыццяўленне прадпрымальніцкай дзейнасці без дзяржаўнай рэгістрацыі ў якасці індывідуальнага прадпрымальніка. Па выніках праверкі тавар колькасцю 164 адзінкі на агульную суму 10,6 мільёна рублёў арыштаваны.



БЫТАВАЯ ТЭХНІКА - БЕЗ СУПРАВАДЖАЛЬНЫХ ДАКУМЕНТАЎ

На аўтадарозе паблізу вёскі Хадзяўляны інспекцыяй Міністэрства па падатках і зборах Рэспублікі Беларусь па Дзятлаўскім раёне сумесна з праваахоўнымі органамі ўстаноўлена перамяшчэнне камерцыйнай арганізацыяй, зарэгістраванай у горадзе Мінску, буйной партыі бытавой тэхнікі замежнай вытворчасці без наяўнасці суправаджальных дакументаў і па дакументах, якія не адпавядаюць сапраўднасці.

Дадзеныя абставіны паслужылі падставай для арышту 26 адзінак тэхнікі (планшэтны камп'ютар, мэбля, бытавая тэхніка, фота-, відэа-, аўдыятэхніка) на агульную суму 59,2 мільёна рублёў.



НАКЛАДЗЕНЫ АРЫШТ НА ВОПРАТКУ КОШТАМ 51,9 МІЛЬЁНА РУБЛЁЎ

У час правядзення кантрольных мерапрыемстваў інспекцыяй Міністэрства па падатках і зборах Рэспублікі Беларусь па Дзятлаўскім раёне сумесна з работнікамі аддзела ўнутраных спраў Дзятлаўскага райвыканкама ўстаноўлены факт рэалізацыі індывідуальным прадпрымальнікам на выставе-продажы ў горадзе Дзятлаве мужчынскай і жаночай вопраткі без наяўнасці дакументаў, якія пацвярджаюць набыццё (паступленне) дадзенага тавару.

У выніку праверкі накладзены арышт на таварна-матэрыяльныя каштоўнасці колькасцю 508 адзінак на агульную суму 51,9 мільёна рублёў.



ПРА РАМЕСНІЦКУЮ ДЗЕЙНАСЦЬ

Яшчэ ў мінулыя часы значнае развіццё ў Беларусі атрымалі мастацкія промыслы: кераміка, ткацтва, вышыўка і многае іншае. Аднак у нашы дні народным майстрам неабходна захоўваць шэраг умоваў, каб быць прызнанымі рамеснікамі згодна з дзеючым заканадаўствам.

У адпаведнасці з указам № 225 пад рамесніцкай дзейнасцю трэба разумець дзейнасць фізічных асобаў па вырабе і рэалізацыі тавараў, выкананні работ, аказанні паслугаў з прымяненнем ручной працы і інструмента, якая не з’яўляецца прадпрымальніцкай, ажыццяўляецца самастойна, без прыцягнення іншых фізічных асобаў па працоўных грамадзянска-прававых дагаворах, скіраваная на задавальненне побытавых патрэбаў грамадзян. Віды рамесніцкай дзейнасці, якімі могуць займацца фізічныя асобы па заяўным прынцыпе без дзяржаўнай рэгістрацыі ў якасці індывідуальных прадпрымальнікаў, пералічаны ў падпункце 1.2 пункта 1 указа № 225.



НОВЫ АСАБЛІВЫ РЭЖЫМ ПАДАТКААБКЛАДАННЯ - 2014

З 1 студзеня 2014 года для арганізацый, якія аказваюць паслугі па тэхнічным абслугоўванні і рамонце аўтатранспартных сродкаў, устаноўлены новы асаблівы рэжым падаткаабкладання ў выглядзе адзінага падатку на пастаўлены ў абавязак даход.

На пытанні, якія датычацца ўплаты названага падатку, адказала начальнік аддзела падаткаабкладання юрыдычных і фізічных асобаў падатковай інспекцыі Таццяна Генадзьеўна Касцюкевіч.

Пытанне: хто абавязаны пачаць прымяненне адзінага падатку на пастаўлены ў абавязак (вменённый) даход, ці неабходна падаваць паведамленне аб пераходзе на ўплату адзінага падатку?
Адказ: прымяненне асаблівага рэжыму падаткаабкладання ў выглядзе адзінага падатку на пастаўлены ў абавязак даход пачынаецца з першага чысла месяца, у якім арганізацыяй здзяйснялася дзейнасць па аказанні паслугаў па тэхнічным абслугоўванні і (ці) рамонце аўтатранспартных сродкаў і іх кампанентаў, і спісачная колькасць работнікаў арганізацыі за які склала не больш за 15 чалавек. Прымяненне яго з’яўляецца абавязковым. Такім чынам, ніякага паведамлення падатковых органаў аб яго прымяненні не патрабуецца.



ЯК ЛЕТАСЬ ПАПРАЦАВАЛА ПАДАТКОВАЯ ІНСПЕКЦЫЯ

У кансалідаваны бюджэт раёна падатковая служба сабрала ў 2013 годзе 252,4 мільярда рублёў, што перавысіла 94,5% даходаў кансалідаванага бюджэту. У параўнанні з 2012 годам у дзяржаўную казну прыцягнута сродкаў на 32% або на 63 мільярды рублёў больш (у супастаўных цэнах). Планавыя прызначэнні кансалідаванага бюджэту выкананы падатковай службай на 103,3%. Дадаткова ў бюджэт прыцягнута 8,6 мільярда рублёў. План рэспубліканскага бюджэту выкананы на 102,2%, мясцовых бюджэтаў – на 104,5%.

У структуры кантралюемых падатковымі органамі даходаў лідарам сярод падатковых плацяжоў у чарговы раз стаў акцызны падатак. Яго ўдзельная вага ў агульным аб’ёме паступленняў склала 53,4% (142,7 мільярда рублёў). У 2013 годзе паступленні ад акцызаў у параўнанні з 2012 годам павялічыліся ў супастаўных цэнах на 56,5% (на 51,5 мільярда рублёў).



ЗАПАЎНЕННЕ ДЭКЛАРАЦЫЙ ДЗЯРЖАЎНЫМІ СЛУЖАЧЫМІ

Згодна з ч.12 арт.10 закона №174-3 дэкларацыі пра даходы і маёмасць за 2013 год павінны быць пададзены дзяржаўнымі служачымі і членамі іх сем’яў да 1 сакавіка 2014 года, гэта значыць – не пазней за 28 лютага 2014 года.

У дэкларацыі ўказваюцца звесткі пра даходы фізічных асобаў, атрыманыя на працягу 2013 года, з крыніц у Рэспубліцы Беларусь, а таксама з крыніц за межамі Рэспублікі Беларусь. Даходы вызначаны як любыя грашовыя сродкі, у тым ліку займы, а таксама іншая маёмасць, атрыманая фізічнымі асобамі ад грамадзян Рэспублікі Беларусь, замежных грамадзян, асобаў без грамадзянства, арганізацый. У дэкларацыі пра даходы і маёмасць адлюстроўваюцца звесткі пра даходы фізічнай асобы, атрыманыя ў дэкларуемым перыядзе, як у грашовай, так і ў натуральнай форме. Даходы, належачыя абавязковаму дэклараванню, адлюстроўваюцца ў дэкларацыі незалежна ад таго, з’яўляюцца яны аб’ектам падаткаабкладання або вызваляюцца ад падаткаабкладання згодна з актамі заканадаўства Рэспублікі Беларусь.



ЭЛЕКТРОННЫ ЛІЧБАВЫ ПОДПІС СЭКАНОМІЦЬ ВАШ ЧАС

Інспекцыя Міністэрства па падатках і зборах Рэспублікі Беларусь па Дзятлаўскім раёне дзеля развіцця электроннага ўзаемадзеяння з плацельшчыкамі і рэалізацыі магчымасці падачы падатковых дэкларацый (разлікаў) у выглядзе электроннага дакумента прапануе юрыдычным асобам, індывідуальным прадпрымальнікам, фізічным асобам прайсці рэгістрацыю ў якасці абанента Засведчвальнага цэнтра рэспубліканскага ўнітарнага прадпрыемства “Інфармацыйна-выдавецкі цэнтр па падатках і зборах” для атрымання сродкаў электроннага лічбавага подпісу.

Падача падатковай дэкларацыі (разлікаў) у электронным выглядзе давзволіць сэканоміць ваш час і грашовыя сродкі. Акрамя таго, з дапамогай электроннага лічбавага подпісу вы можаце перадацт у падатковыя органы ў форме электроннага дакумента заяву на выдачу даведкі, заяву пра заліу (вяртанне) залішне ўплачаных сум, заяву аб вяртанні розніцы паміж сумай падатковых вылікаў і агульнай сумай падатку на дабаўленую вартасць, іншыя паведамоенні, абавязацельствы падаваць якія прадугледжана артыкулам 22 Падатковага кодэксу Рэспублікі Беларусь.



ПРА АСНАШЧЭННЕ ГАНДЛЁВЫХ АБ’ЕКТАЎ КАСАВЫМ АБСТАЛЯВАННЕМ І ПЛАЦЁЖНЫМІ ТЭРМІНАЛАМІ

Для павышэння эфектыўнасці кантролю за грашовым абаротам у сферы гандлю і паслугаў 11 снежня 2012 года прынята пастанова Савета Міністраў Рэспублікі Беларусь і Нацыянальнага банка Рэспублікі Беларусь №1139/16 “Аб унясенні змяненняў і дапаўненняў у пастанову Савета Міністраў Рэспублікі Беларусь і Нацыянальнага банка Рэспублікі Беларусь ад 6 ліпеня 2011 года №924/16”. Названая пастанова ўступае ў сілу праз шэсць месяцаў пасля яе афіцыйнага апублікавання, а менавіта, з 16 чэрвеня 2013 года.

Пастановай №1139/16 скарачаецца пералік выпадкаў, калі прыём наяўных грашовых сродкаў можа ажыццяўляцца суб’ектамі прадпрымальніцкай дзейнасці без выкарыстання касавага абсталявання. У прыватнасці, з 16 чэрвеня 2013 года касавае абсталяванне будзе абавязковым пры рознічным гандлі ў аб’ектах сістэмы спажывецкай кааперацыі ў сельскіх населеных пунктах, дзе прадаўцоў больш за аднаго, рознічным гандлі аўтазапчасткамі на гандлёвых месцах на рынках; развозным гандлі; гандлі па ўзорах з дастаўкай тавараў на дом або ў іншае ўзгодненае месца; аказанні бытавых паслугаў у аб’ектах, не размешчаных у сельскіх населеных пунктах.



ПРА ДЭКЛАРАВАННЕ ДАХОДАЎ

У падатковай інспекцыі цяпер гарачы час: грамадзяне падаюць дэкларацыі пра даходы, якія атрымалі ў 2012 годзе. Як і ў мінулыя гады, для зручнасці наведвальнікаў інспекцыя працуе ў вячэрні час і выхадныя дні. Прыём дэкларацыі ажыццяўляецца па агульным графіку з 8.30 да 19 гадзін у рабочыя дні, а таксама па суботах -- 16 і 23 лютага 9 да 13 гадзін.

Дэкларацыя можа быць пададзена плацельшчыкам ці іншай абавязанай асобай у падатковую інспекцыю асабіста або праз прадстаўніка, накіравана паштовым адпраўленнем з вопісам укладання ці перададзена з дапамогай праграмных і тэхнічных сродкаў.

Дэкларацыю пра даходы, атрыманыя ў 2012 годзе, неабходна падаць не пазней за 1 сакавіка 2013 года. Яе прадастаўляюць грамадзяне – падатковыя рэзідэнты Рэспублікі Беларусь. Падатковымі рэзідэнтамі Рэспублікі Беларусь прызнаюцца фізічныя асобы, якія фактычна знаходзіліся на тэрыторыі Рэспублікі Беларусь у каляндарным годзе больш за 183 дні. Фізічныя асобы, якія фактычна знаходзіліся за межамі тэрыторыі Рэспублікі Беларусь 183 дні і больш у каляндарным годзе, не прызнаюцца падатковымі рэзідэнтамі Рэспублікі Беларусь.