Энерганагляд інфармуе

warning: Creating default object from empty value in /var/www/t-av/data/www/dyatlovo.info/modules/taxonomy/taxonomy.module on line 1390.


ЭЛЕКТРАБЯСПЕКА ПРЫ ЛОЎЛІ РЫБЫ

У апошнія гады ў нашай краіне часта адбываюцца выпадкі траўмавання людзей электрычным токам пры лоўлі рыбы на берагах вадаёмаў у ахоўных зонах паветраных ліній электраперадачы.

Часта з берага ловяць рыбу тэлескапічнымі вудамі, даўжыня якіх дасягае шасці метраў, што роўна адлегласці ад правадоў паветраных ліній электраперадачы да зямлі. Пры дакрананні вудзільнам або лескай да правадоў паветранай лініі, а таксама пры набліжэнні іх да правадоў на недапушчальную адлегласць, пад дзеянне электрычнага току трапляе не толькі чалавек, які трымае вудачку, але і людзі, якія знаходзяцца побач з ім. Расследаванне такіх няшчасных выпадкаў паказвае, што іх прычынай з’явілася парушэнне пацярпелымі правілаў аховы электрычных сетак, асабістая неасярожнасць, няведанне або невыкананне правілаў электрабяспекі.



ПРА БЯСПЕЧНУЮ ЭКСПЛУАТАЦЫЮ БЫТАВЫХ КАТЛОЎ

У наш час развіваецца дэцэнтралізаванае цеплазабеспячэнне. У Беларусі больш за 19 тысяч бытавых катлоў, устаноўленых у жылых дамах, катэджах, магазінах, аптэках, дзіцячых садках, школах. Бывае, што катлы эксплуатуюцца з парушэннем правілаў тэхнікі бяспекі. Нягледзячы на прастату эксплуатацыі і магчымасць хуткага засваення правілаў карыстання катлом, здараюцца выпадкі выбуху. Практыка паказвае, што, калі адбываецца выбух бытавога катла, ад будынка практычна нічога не застаецца. Але самае страшнае, што пры гэтым гінуць ці атрымліваюць траўмы людзі.

Найбольш частай прычынай выбухаў бытавых катлоў з'яўляецца перавышэнне ціску цепланосьбіта ў катлах па прычыне замярзання сістэмы ацяплення і спынення цыркуляцыі вады ў ацяпляльным контуры. Замярзанне сістэмы ацяплення, як правіла, адбываецца ў паддашкавых памяшканнях пры не ўцепленых ці недастаткова ўцепленых расшыральных баках, у тых выпадках, калі катлы паляцца на цвёрдым паліве не ўвесь час або пры наяўнасці скразнякоў, якія ўздзейнічаюць на сістэму ацяплення.



ЭЛЕКТРАБЯСПЕКА Ў НАВАГОДНІЯ СВЯТЫ

Хутка з надыходам навагодніх святаў амаль у кожным доме будуць ставіць і ўпрыгожваць ёлкі. Таму варта ведаць элементарныя правілы электрычнай бяспекі пры выкарыстанні электрычных устройстваў для навагодніх ёлак. Ёлку заўсёды неабходна ўстанаўліваць на ўстойлівай падстаўцы і ўпрыгожваць яе толькі заводскай электрагірляндай, якая павінна мець неразборную прасаваную вілку; не дазваляйце дзецям падключаць гірлянды да электрычнай сеткі; не імкніцеся самастойна разбіраць уключаныя гірлянды, рамантаваць або мадыфікаваць іх; не згінайце і не нацягвайце іх. Беражыце пакаёвыя гірлянды ад кантакту з вадой.

Гірлянды для вуліцы павінны мець больш надзейную ізаляцыю, якая абараняе ад вільгаці і пылу. Ёлкі, якія ўстанаўліваюцца па-за памяшканнямі, нельга ўпрыгожваць гірляндамі, прызначанымі для хатняга выкарыстання. Пры пакупцы варта звярнуць увагу на ўпакоўку, дзе абавязкова павінны быць указаны таварны знак, клас аховы і ступень аховы ад пранікнення вільгаці і пылу, прычым лічбы на каробцы павінны супадаць з лічбамі на вырабе, на кожным патроне гірлянды і на сілкуючым провадзе павінна быць маркіроўка, ва ўпакоўцы – інструкцыя па эксплуатацыі і сертыфікат адпаведнасці на выраб.



КАЛІ ПАДКЛЮЧАЕЦЕ ЭЛЕКТРЫЧНАСЦЬ САМІ

У каго ёсць прыватны дом, таму даводзіцца падключаць розныя ўстройствы або пабудовы, якія знаходзяцца побач з домам. Электрыкі называюць гэты працэс стварэннем адгалінаванняў. Напрыклад, гэта можа быць гараж, вулічны ліхтар або проста навес з асвятленнем.

Ёсць розныя спосабы пракладкі дадатковага электракабеля. Электралінія, ад якой будзе будзе рабіцца адгалінаванне, часцей за ўсё бывае паветранай. У некаторых выпадках выкарыстоўваецца падземнае адгалінаванне.

Паветраныя лініі ў большасці выпадкаў больш надзейныя, бо іх пашкоджанні можна выявіць візуальна і яны аднаўляюцца хутчэй, чым падземныя. Каб усе работы былі прыняты без заўвагащ, загадзя запрасіце прадстаўніка ўладальніка сеткі і пазнаёмце яго са сваім праектам.



ЭЛЕКТРАБЯСПЕКА Ў ЗІМОВА-СТОЙЛАВЫ ПЕРЫЯД УТРЫМАННЯ ЖЫВЁЛЫ

Набліжаецца перыяд зімова-стойлавага ўтрымання жывёлы. У сувязі з гэтым перад кіраўнікамі СВК і энергетычнымі службам! гаспадарак стаіць задача забяспечыць электрабяспеку людзей і жывёлаў у жывёлагадоўчых памяшканнях у гэты перыяд.

Спецыфічныя ўмовы сельскагаспадарчай вытворчасці, павышаная вільготнасць, распаўсюджанне небяспечных напружанняў па асноўных і пабочных токаправодзячых частках, даступнасць сельскіх электраўстановак некваліфікаванаму персаналу павялічвае небяспеку ў час зімова-стойлавага перыяду.

Жывёлагадоўчыя памяшканні маюць шэраг асаблівасцяў, якія патрабуюць надзейных тэхнічных электраахоўных мерапрыемстваў. Да гэтых асаблівасцяў адносяцца ўмовы навакольнага асяроддзя (павышаная вільготнасць, запыленасць, агрэсіўнасць пароў і газаў) і наяўнасць сельскагаспадарчых жывёлаў, якія ў параўнанні з чалавекам больш адчувальныя да ўздзеяння электрычнага напружання.



ПРЫЧЫНЫ ЭЛЕКТРАТРАЎМАТЫЗМУ НА ВЫТВОРЧАСЦІ

Улічваючы павышаную небяспеку электрычнага току і больш высокі ўзровень смяротных і цяжкіх электратраўмаў у параўнанні з іншымі відамі траўмаў на вытворчасці, асаблівую ўвагу неабходна надаваць забеспячэнню электрабяспекі і прадухіленню электратраўматызму тых, хто працуе ў электраўстаноўках.

Асноўнымі прычынамі электратраўмаў і гібелі работнікаў па-ранейшаму застаюцца арганізацыйныя прычыны: парушэнне пацярпелымі працоўнай і вытворчай дысцыпліны, інструкцый па ахове працы; невыкананне адказнымі асобамі абавязкаў па ахове працы; нездавальняючае ўтрыманне і недахопы ў арганізацыі рабочых месцаў; эксплуатацыя няспраўнага электраабсталявання; правядзенне работ у электраўстаноўках без зняцця напружання або паблізу токавядучых частак, якія знаходзяцца пад напружаннем, без прымянення індывідуальных сродкаў абароны; выкананне работ у электраўстаноўках некваліфікаваным персаналам.

Парушэнні эксплуатацыі электраўстановак з’яўляюцца адной з прычын няшчасных выпадкаў са смяротным зыходам.



ЭЛЕКТРАБЯСПЕКА Ў ВАШЫМ ДОМЕ

Важнай умовай забеспячэння электрабяспекі ў асабістай гаспадарцы грамадзян з’яўляецца спраўнасць стану ізаляцыі бытавых электрасетак і электрапрыёмнікаў. Энерганагляд рэкамендуе, у першую чаргу, звярнуць увагу на электрабяспеку жылля. Сучасныя бытавыя прыборы – дастаткова складаныя электрычныя апараты з вялікай спажываемай магутнасцю. Часта ахоўныя ўстройствы (аўтаматычныя выключальнікі, засцерагальнікі) не вытрымліваюць далучаную нагрузку і адключаюць падачу электраэнергіі.

Цяпер у быце вельмі папулярныя электраводанагравальнікі і пральныя машыны-аўтаматы, якія ўстанаўліваюцца ў асноўным у ванных пакоях, дзе павышаная вільготнасць, што стварае вялікую верагоднасць паражэння электрычным токам. Для надзейнай і бяспечнай работы электрапрыбораў неабходна зманціраваць асобны трохправадны кабель. Выбар электраабсталявання і распрацоўку новай схемы электразабеспячэння кватэры, дома павінен выконваць спецыяліст, які мае дазвол на выкананне такіх работ.



ЭЛЕКТРАБЯСПЕКА НА БУДАЎНІЧЫХ ПЛЯЦОЎКАХ

З надыходам вяснова-летняга перыяду павялічваюцца аб’ёмы будаўніцтва. Забяспечыць электрабяспеку людзей, якія працуюць на будаўнічых пляцоўках, важнейшая задача кіраўнікоў будаўнічых арганізацый, таму што будаўнічыя пляцоўкі з’яўляюцца патэнцыяльна небяспечнымі аб’ектамі з павышанай небяспекай паражэння электрычным токам.

Асаблівую небяспеку на будаўнічых пляцоўках уяўляюць перасоўныя электраўстаноўкі (бетонамяшалкі, будаўнічыя вагончыкі, пераносныя свяцільнікі і іншае), пераноскі і ручны электрыфікаваны інструмент. Яны павінны адпавядаць патрабаванням тэхнічных нарматыўных прававых актаў у частцы электрабяспекі, выкарыстоўвацца ў рабоце з выкананнем патрабаванняў інструкцыі па ахове працы з ручным электрыфікаваным інструментам.

Каб пазбегнуць няшчасных выпадкаў, звязаных з паражэннем людзей электрычным токам, неабходна:
- строга сачыць за спраўным станам ізаляцыі электраправодак і электрапрыёмнікаў;
- своечасова, адзін раз у шэсць месяцаў, праводзіць вымярэнні супраціўлення ізаляцыі электраправодак і электрапрыёмнікаў перасоўнага электраабсталявання, ручнога электраінструмента, пераносных свяцільнікаў, зварачных апаратаў;



“СТОЙ! НАПРУЖАННЕ!”

Можна шмат і часта гаварыць пра тое, што нельга дакранацца да аголеных правадоў, заходзіць туды, дзе вісяць знакі электрабяспекі (стрэлка ўнутры трохвугольніка) і плакаты бяспекі “Стой! Напружанне!”, “Не ўлазь – заб’е!”. Аднак некаторыя грамадзяне забываюць, што з электрычнасцю неабходна абыходзіцца асцярожна, бо можна паплаціцца сваім здароўем або нават і жыццём. Штогод адбываюцца няшчасныя выпадкі пры спробах трапіць унутр энергетычных аб’ектаў, каб украсці каляровыя металы. На пачатку гэтага года адбылося падобнае здарэнне.

23 лютага 2013 года два жыхары Буда-Кашалёўскага раёна Гомельскай вобласці зламалі замок дзвярэй размеркавальнага ўстройства 10кВ трансфарматарнай падстанцыі. Адзін з іх наблізіўся на недапушчальную адлегласць да токавядучых частак і быў смяротна паражоны электрычным токам.
Такія выпадкі, на жаль, не адзінкавыя. Асноўная іх прычына – слабыя веды пра небяспеку электрычнага току, а часта і грэбаванне небяспекай.



АБ ПРАВЯДЗЕННІ ПАЗАЧАРГОВАЙ ПРАВЕРКІ ВЕДАЎ

У сувязі з уводам у дзеянне з 1 сакавіка 2013 года ТКП 427-2012 “Правілы тэхнікі бяспекі пры эксплуатацыі электраўстановак”, зацверджаных загадам міністра энергетыкі Рэспублікі Беларусь ад 28 лістапада 2012 года №228, ТКП 458-2012 “Правілы тэхнічнай эксплуатацыі цеплаўстановак і цеплавых сетак спажыўцоў”, зацверджаных пастановай Міністэрства энергетыкі Рэспублікі Беларусь ад 26 лістапада 2012 года №66, на падставе патрабаванняў пункта 4.2.36 ТКП 181-2009 “Правілы тэхнічнай эксплуатацыі электраўстановак спажыўцоў” і пункта 40 “Правілаў тэхнічнай эксплуатацыі цеплаўстановак і цеплавых сетак спажыўцоў” кіраўнікам прадпрыемстваў, арганізацый і гаспадарак неабходна:

1. Арганізаваць вывучэнне ТКП 427-2012 “Правілы тэхнікі бяспекі пры эксплуатацыі электраўстановак” электратэхнічным персаналам прадпрыемства (арганізацыі, гаспадаркі).
2. Арганізаваць вывучэнне ТКП 458-2012 і ТКП 459-2012 персаналам прадпрыемства (арганізацыі, гаспадаркі), які абслугоўвае цеплакарыстальныя ўстаноўкі і цеплавыя сеткі.