№95

warning: Creating default object from empty value in /var/www/t-av/data/www/dyatlovo.info/modules/taxonomy/taxonomy.module on line 1390.


АДКАЗНАСЦЬ ЗА ПАРУШЭННІ ТЭРМІНАЎ

Адным з актуальных, але праблемных пытанняў, якім займаецца фінансавая міліцыя, з’яўляецца кантроль за выкананнем суб’ектамі гаспадарання заканадаўства, які рэгламентуе парадак ажыццяўлення экспартных і імпартных аперацый, своечасовасці іх завяршэння і выканання ўстаноўленых для гэтага тэрмінаў.

Кодэксам Рэспублікі Беларусь аб адміністрацыйных парушэннях, а менавіта арт.11.37, прадугледжана адміністрацыйная адказнасць за парушэнне тэрмінаў завяршэння знешнегандлёвых аперацый, а санкцыя дадзенага артыкула прадугледжвае, у тым ліку, штраф у памеры да двух працэнтаў ад сумы незавершанай ва ўстаноўлены тэрмін знешнегандлёвай аперацыі за кожны дзень пратэрміноўкі.



НЕ КІДАЙЦЕ СМЕЦЦЕ АБЫ ДЗЕ!

Рашэннем Дзятлаўскага райвыканкама №152 ад 01.04.2009 была зацверджана схема вывазу камунальных адходаў па Дзятлаўскім раёне, у якой былі абумоўлены перыядычнасць вывазу, месцы збору цвёрдых камунальных адходаў у населеных пунктах, замацаваны службовыя асобы. Так у горадзе Дзятлаве, гарпаселках Наваельня і Казлоўшчына, пасёлку Гезгалы і некаторых сельскіх населеных пунктах збор і вываз адходаў ажыццяўляецца тэхнікай РУП ЖКГ на падставе складзеных дамоваў.

Па вызначаных днях у пэўны час смеццявоз прыязджае да домаўладання, каб забраць назапашанае смецце. Аднак не ўсе жыхары ставяцца да гэтага адказна. Некаторыя забываюцца пра тое, што пакет смецця, калі яго вынеслі, абавязкова трэба кінуць у кантэйнер, а не пакідаць побач, ці кінуць у кантэйнер, прызначаны для збору другасных рэсурсаў (кардон, пластык, тэкстыль, шкло). Усяго ў раёне ўсталяваны 102 кантэйнеры для паасобнага збору смецця.



КРЫНІЦА ЗАРАЖЭННЯ -- ЖЫВЁЛЫ

За 10 месяцаў бягучага года ў Дзятлаўскім раёне зафіксаваны 11 выпадкаў захворвання на мікраспарыю. У асноўным прычынай хваробы становяцца жывёлы.

-- Мікраспарыя -- гэта заразная хвароба скуры чалавека і жывёлаў, якая выклікаецца грыбкамі тыпу мікраспорум, -- тлумачыць доктар-эпідэміёлаг Дзятлаўскага раённага цэнтра гігіены і эпідэміялогіі Мікалай Дзядовіч. -- Крыніцамі распаўсюджання з'яўляюцца хворыя бадзяжныя і хатнія жывёлы, прычым у 85% -- гэта кошкі, у 15% -- сабакі, у меншай ступені -- хворы чалавек.

-- Як адбываецца заражэнне?
-- Заражэнне адбываецца пры непасрэдным кантакце з хворай жывёлай або з інфіцыраванымі ім прадметамі абіходу -- пасцельнай бялізнай, рэчамі асабістага карыстання, цацкамі, кнігамі, мяккай мэбляй. Узбуджальнікі мікраспарыі могуць захоўваць сваю жыццядзейнасць у знешнім асяроддзі да 10 гадоў.
Скрыты перыяд заражэння вагаецца ад 5 дзён да 1,5 месяца. Пры пашкоджанні валасяной часткі галавы ўтвараюцца адзін-два буйныя акруглыя ці авальныя ачагі мікраспарыі. Яны маюць выражаныя межы, пакрыты шэравата-белымі чашуйкамі, нібы пасыпаны мукой.



Крымінальная хроніка - 95

ЗАСТАЛІСЯ БЕЗ КУРТАК

Жыхары расійскага горада Мурманска адпачывалі ў кафэ "Паніква" на тэрыторыі санаторыя "Радон". Мужчыны паклалі свае курткі, у кішэнях якіх знаходзіліся ключы ад аўтамабіля "Субару", кашалёк і мабільнік, на падаконнік. Тым, што рэчы знаходзяцца без нагляду, паспяшаліся скарыстацца жыхаркі горада Навагрудка, 1987 і 1981 гадоў нараджэння. Жанчыны скралі курткі і выйшлі з кафэ. Зламысніц у хуткім часе затрымалі праваахоўнікі. Скрадзенае канфіскавана.

З НАЖОМ -- НА МАЦІ

Беспрацоўны жыхар гарпасёлка Казлоўшчына, 1985 года нараджэння, у стане алкагольнага ап'янення ў час бытавой сваркі кінуўся з нажом на маці, разам з якой ён жыве. Жанчына атрымала 4 нажавыя раненні ў вобласць грудзей і жывата. Агрэсар затрыманы. Узбуджана крымінальная справа.



ЧАМУ НАШЫ ДЗЕЦІ ПАКУТУЮЦЬ ТЭЛЕМАНІЯЙ

Безумоўна, неабмежаваны прагляд тэлеперадач накладвае адбітак на псіхіку дзіцяці. Праблемы пачынаюцца менавіта тады, калі тое, што ён бачыць на экране, выходзіць у дзіцячай свядомасці на першы план. І калі час ля тэлевізара можна абмежаваць адным націскам на кнопку, то свядомасць -- гэта тое, што не паддаецца ніякім забаронам.



СУСТРЭЧА Ў КОЛЕ СЯБРОЎ

Традыцыйны "агеньчык" да Дня інвалідаў Рэспублікі Беларусь, які прайшоў 3 снежня, для членаў Дзятлаўскай раённай арганізацыі інвалідаў адбыўся ў рэстаране "Ліпічанка".

Першай удзельнікаў мерапрыемства павітала старшыня раённай арганізацыі Беларускага таварыства інвалідаў Валянціна Юльянаўна Берднікава. Яна заклікала людзей з абмежаванымі магчымасцямі не адчайвацца, дастойна ісці па шляху, які наканаваны лёсам, пажадала бадзёрасці духу. А таленавітым людзям з абмежаванымі магчымасцямі -- імкнуцца развіваць свае здольнасці, радаваць імі сваіх блізкіх, сяброў. Таксама ў сваёй прамове Валянціна Юльянаўна падзякавала за падтрымку раённай выканаўчай уладзе, спонсарам, якія дапамаглі арганізаваць сустрэчу-"агеньчык" -- Дзятлаўскаму сыраробнаму заводу і непасрэдна яго дырэктару А. М. Дубовіку, аддзелу грамхарча і аддзелу прамысловасці Дзятлаўскага філіяла Гродзенскага аблспажыўтаварыства і непасрэдна начальнікам аддзелаў Т. А. Грыцюк і Л. А. Мяцеліцы.



ВІНШАВАННІ - 95

Дарагіх і любых мамачку і татачку
Аляксандра Іванавіча і Таццяну Уладзіміраўну
АЛЬШЭЎСКІХ
ад усёй душы віншуем з сярэбраным вяселлем!
Счастья, молодости и любви,
Чтобы на рассвете вместо звона
Вас будили только соловьи,
Чтоб вы всегда держались рядом,
Помогли друг другу в трудный час,
Чтобы все семейные преграды
В этой жизни были не для вас.
З найлепшымі пажаданнямі дзеці і ўнукі

Дарагую, шаноўную сяброўку
Ірыну Мікалаеўну
ЛЯЎКЕВІЧ
сардэчна віншуем з 50-годдзем!
Пусть эта замечательная дата
В душе твоей оставит добрый след.
Желаем мы всего, чем жизнь богата:
Здоровья, счастья, долгих лет!
Пусть день рожденья будет самым светлым,
Пусть будет в жизни радость и успех,
И сколько счастья ни желали б люди,
А мы желаем больше всех!
З пашанай сям'я Юркевіч



АБ'ЯВЫ - 95

ПРАДАМ
ніткі з авечай шэрсці. Тэл. 2-11-29, 1363589 (Velcom).

АСП “Дзятлаўскі вінна-гарэлачны завод” УП “Гроднахарчпрам” (у г.п. Казлоўшчына) патрабуюцца на работу:
вадзіцель грузавога аўтамабіля;
слесар-рамонтнік.
Патрабаванні: вопыт работы.
Даведкі па тэл. 8-01563-2-72-05, 3-03-19, 2-71-96.
УНП 500813170.

ПРАДАМ



АДБУДЗЕЦЦА СЕМІНАР-ВУЧОБА

Дзятлаўскі раённы выканаўчы камітэт запрашае гандлёвыя арганізацыі і індывідуальных прадпрымальнікаў 7 снежня 2012 года ў 10 гадзін у залу пасяджэнняў упраўлення сельскай гаспадаркі і харчавання Дзятлаўскага райвыканкама (па адрасе: г. Дзятлава, вул. Чырвонаармейская, д. 3, 2-гі паверх) для ўдзелу ў семінары-вучобе па наступных пытаннях:
-- узгадненні рэжымаў работы гандлёвых аб'ектаў;
-- увядзенне ў дзеянне новых санітарных правілаў;
-- тэрміны здачы справаздачы формы ПУ-3 “Індывідуальныя звесткі” і тэрмінах выплаты абавязковых страхавых узносаў індывідуальнымі прадпрымальнікамі;
-- правiльнасць вылiчэння, своечасовасць і паўната ўплаты ў бюджэт падаткаў (збораў);
-- аб унясенні змяненняў і дапаўненняў у Падатковы кодэкс Рэспублікі Беларусь на 2013 год.



ЯШЧЭ НЕ ВЫБРАЛІ ПАДАРУНАК?

Не ведаеце, які сюрпрыз зрабіць сваім блізкім пад Новы год і Каляды? І так ужо “прыелася” класці пад ёлку шкарпэткі або крэм? Стварыце святочны настрой для ўсёй сям’і – падключыце Інтэрнэт. Сусветнае павуцінне не падвядзе: “падкажа” навагоднія тосты і дзіцячыя вершыкі для Дзеда Мароза, “раскажа”, чым упрыгожыць святочны стол, “павіншуе” ўсіх вашых блізкіх і знаёмых са святамі праз сацыяльныя сеткі.

А тым, хто стане новым абанентам byfly па лінейцы “Дамасед” да 15 студзеня 2013 года, Белтэлекам дорыць цэлы месяц карыстання Інтэрнэтам бясплатна. Дарэчы, “Дамаседы” – самыя папулярныя ў дзятлаўчан тарыфныя планы ад byfly. Яны прапануюць абанентам кругласутачны доступ на хуткасці да 1024 Кбіт/с (“Дамасед”), да 2048 Кбіт/с (“Дамасед Плюс”), да 3072 Кбіт/с (“Дамасед XXL”) і да 6144 Кбіт/с (“Супердамасед”). Вы можаце выбраць любы з іх і месяц з дня падключэння бясплатна “блукаць” па сайтах сусветнага павуціння.