№89

warning: Creating default object from empty value in /var/www/t-av/data/www/dyatlovo.info/modules/taxonomy/taxonomy.module on line 1390.


Небяспечнае паляванне

У мінулым годзе ў Дзятлаўскім раёне была зарэгістравана ўспышка трыхінелёзу — цяжка захварэлі 12 чалавек (паляўнічыя і члены іх сем'яў). Прычынай хваробы стала ўжыванне ў ежу сыравяленай каўбасы, прыгатаванай з мяса дзікай свінні. Ветэрынарная экспертыза мяса не праводзілася.

У маі і верасні гэтага года ў мясе дзікіх свіней, якія былі адстрэлены ў Казлоўшчынскай і Гезгалаўскай лясных зонах, знойдзены ўзбуджальнікі трыхінелёзу. Заражанае мяса было знішчана. Для прафілактыкі трыхінелёзу варта ведаць, што лічынкі трыхінел устойлівыя да варкі, вэнджання, апрацоўкі ў мікра-хвалевай печы і замарожвання. У працэсе прыгатавання ежы не рэкамендуецца спрабаваць сыры мясны фарш.



Азбука падпіскі: выданні для жанчын

Працягваецца падпіска на нацыянальныя выданні. У падпісным каталозе на першае паўгоддзе 2012 года шмат газет і часопісаў, адрасаваных прыгожаму полу — жанчынам. Сёння запрашаю пазнаёміцца з некаторымі з іх. Магчыма, яны стануць вашымі добрымі сяброўкамі.

Алеся — часопіс з 87-гадовай гісторыяй, але такі малады, яркі, цікавы. Раней ён называўся "Работніца і сялянка". Сёння "Алеся" — гэта штомесячны масава-палітычны і літаратурна-мастацкі часопіс для жанчын. Заснавальнікамі яго з'яўляюцца Міністэрства інфармацыі Рэспублікі Беларусь і грамадскае аб'яднанне "Беларускі саюз жанчын".



Віктарына: Гродзенскай губерніі 210 гадоў

Аддзел па справах моладзі Гродзенскага абласнога выканаўчага камітэта сумесна з факультэтам гісторыі і сацыялогіі Установы адукацыі "Гродзенскі дзяржаўны ўніверсітэт імя Янкі Купалы" праводзяць дыстанцыйную віктарыну па тэме "Гродзенскай губерні 210 гадоў".

Віктарына доўжыцца з 25 кастрычніка па 24 снежня 2011 года. Удзельнікамі віктарыны могуць стаць усе жадаючыя ва ўзросце да 18 гадоў. Віктарына праводзіцца ў 3 этапы.

Першы этап праходзіць да 30 лістапада. У названы перыяд неабходна падаць работы ў аддзел па справах моладзі Дзятлаўскага раённага выканаўчага камітэта.



"Улада - бізнэс - грамадства: разам паляпшаем якасць жыцця"

Першы рэспубліканскі сацыяльны форум пад такой назвай прайшоў напрыканцы кастрычніка ў Гомелі. Ён быў прысвечаны Дню Арганізацыі Аб'яднаных Нацый. У рабоце форуму прынялі ўдзел Ф. Караханаў, намеснік кіраўніка Прадстаўніцтва ААН у РБ; А. Зам, дырэктар Міжнароднага адукацыйнага цэнтра імя Й. Раў; К. Вайль, пасол ФРГ у Рэспубліцы Беларусь; прадстаўнікі міжнародных грамадскіх арганізацый, аб'яднанняў і фондаў; беларускія палітыкі, бізнэсмэны, работнікі сацыяльнай сферы, грамадскія дзеячы.

Гродзеншчыну прадстаўлялі дэлегаты з Карэлічаў, Ліды, Мастоў, Воранава і Дзятлава. Прадстаўніцай ад нашага раёна была абрана I. Іванашка, дырэктар Цэнтра сацыяльнага абслугоўвання насельніцтва Дзятлаўскага раёна.



Рыхтуемся да зімы

Пагаршаецца надвор'е, а з ім і ўмовы дарожнага руху. Істотна ўскладняюць эксплуатацыю транспартных сродкаў і павышаюць верагоднасць аварый дажджы, снегапады, галалёд і галаледзіца.

Сярод асноўных прычын аварый у час непагадзі — няправільны выбар бяспечнай хуткасці руху з улікам метэаралагічных і дарожных умоваў, а таксама летнія пакрышкі, якія аўтааматары не заўжды паспяваюць памяняць на зімовыя.

Значную ролю іграе і чалавечы фактар: за кароткі прамежак часу цяжка настроіць сябе псіхалагічна, памяняць манеру кіравання ў новых дарожных умовах і пры кепскім надвор'і. Такая язда патрабуе асаблівай увагі і добрых навыкаў кіравання.



Прызванне - вадзіцель

На досвітку ён збіраецца на работу, ідзе ў гараж, дзе заводзіць матор сваёй "ластачкі" — рабочай машыны і адпраўляецца ў чарговы рэйс па сельскім вытворчым кааператыве "Вензавец", каб усё, што трэба, даставіць своечасова.

Дзяцінства Анатоля Аляксандравіча Шыкуця прайшло ў вёсцы Зачэпічы. Адвучыўшыся ў Вензавецкай школе, паступіў у Казлоўшчынскае СПТВ. У вучылішчы атрымаў прафесію слесара. Потым вывучыўся на вадзіцеля на курсах ад ваенкамата. Менавіта тады ён і вырашыў, што гэта работа яму падыходзіць лепш за ўсё. Пасля — служба ў арміі ў Расіі, у войсках супрацьпаветранай абароны. У 1979 годзе Анатоль Аляксандравіч пайшоў працаваць у "Сельгастэхніку", што ў Міроўшчыне.



"Панямоння жыватворныя крыніцы"

У Дзятлаўскім раённым доме культуры адбыўся абласны занальны фестываль фальклору "Панямоння жыватворныя крыніцы". Адборачны тур сабраў захавальнікаў народнай творчасці з Іўеўскага, Карэліцкага, Навагрудскага і Дзятлаўскага раёнаў.

У час фестывалю гучалі народныя песні, легенды і паданні, былі паказаны абрады, танцы і гульні. Так, напрыклад, гульню "патопкі" (від абутку, які нагадвае лапці) прадэманстравалі артысты Навагрудчыны. У іх выкананні прагучала і прыгожая легенда аб кветках-царах, якія растуць на берегах возера Свіцязь. Згодна з легендай, тут некалі стаяў горад, дзе жылі самыя смелыя мужчыны і самьія прыгожыя жанчыны. Аднойчы на горад напаў моцны вораг, усе мужчыны былі знішчаны. Жанчыны са шчырай малітвай звярнуліся да нябёсаў з просьбай уратаваць іх ад ганьбы. Раптам над горадам з'явіўся туман, з якога выйшаў Архангел Міхаіл. Ён супакоіў жанчын, паабяцаў ім вечнае жыццё. Яны ператварыліся ў кветкі, а горад — у возера, якое цяпер з'яўляецца ўлюбёным месцам адпачынку моладзі. Толькі кажуць, што маладыя галасы, задор прыцягваюць увагу Свіцязянкі, якую раз-пораз можна убачьщь у покрыве туману, што паўстае над возерам, пачуць яе голас. Усё гэта знікае толькі з першымі промнямі сонца. Так апавядае легенда, якую расказалі ўдзельнікі фестывалю з Карэліцкага раёна.