№89

warning: Creating default object from empty value in /var/www/t-av/data/www/dyatlovo.info/modules/taxonomy/taxonomy.module on line 1390.


В. МАЛАХАВА: “Я САМАЯ ШЧАСЛІВАЯ МАЦІ”

Кожны чалавек – гэта эпоха. Безліч падзей, якія прабягаюць за, здавалася б, невялікі век людскі. Гісторыя месцаў, гарадоў і нават краін адмяраецца не сухімі датамі, а лёсамі, якія яе складаюць. Адна жыццёвая гісторыя яднае педагога музыкі Валянціну Мікалаеўну Малахаву і Наваельнянскую музычную школу.

Пачынаецца яна з дзяцінства, калі ў тады яшчэ школьніцы з’явілася магчымасць займацца музыкай. Музычная школа толькі адкрылася, было шмат жадаючых вучыцца. Таму з кожнай сям’і бралі на заняткі толькі па адным дзіцяці. Малодшай Валянціне давялося пачакаць год-другі. Яна ніколі не забудзе, калі бацькі набылі баян, і яна ўпершыню ўзяла інструмент у рукі, гэта чароўнае пачуццё, што ты ўжо можаш ствараць музыку. Тое непаўторнае ўражанне і дапамагло зразумець: музыка – галоўнае, чым хочацца займацца.



ЖЫЦЦЁ, НАСЫЧАНАЕ ПРАЦАЙ

Сёлетні лістапад -- юбілейны для Яніны Эдвардаўны Карповіч -- клапатлівай матулі, бабулі, прабабулі і прапрабабулі. У коле вялікай сям'і жанчына адзначыць сваё 90-годдзе.

Усё жыццё Яніны Эдвардаўны было насычана працай. Як толькі ў вёсцы Васявічы была арганізавана калектыўная гаспадарка, Яніна пайшла працаваць ў ільнаводчае звяно. Работа была не з лёгкіх, усё трэба было выконваць уручную. Галоўкі лёну абівалі пранікамі, мяліцамі яго мялі. Цяпер назвы гэтых прыладаў працы для многіх незразумелыя, ды і самыя прылады можна пабачыць толькі ў музеі. А калісьці без іх не абыходзілася ні адна гаспадыня.



НАШ ПРЫЗЁР РЭСПУБЛІКАНСКАЙ “АРХНАВАЦЫІ”

Багатая на таленты зямля дзятлаўская, і ў гэтым не перастаюць пераконваць нашы школьнікі. Адзін з іх, вучань Вензавецкага дзіцячага сада-сярэдняй школы Ігар Крывулька, стаў прызёрам рэспубліканскага конкурсу “АрхНавацыя-2013”, аб’яўленым Міністэрствам архітэктуры Рэспублікі Беларусь.

Творчае спаборніцтва мела на мэце павысіць у падрастаючага пакалення цікавасць да архітэктуры роднага краю і праходзіла ў намінацыях “Жывапіс”, “Графіка”, “Мастацкая фатаграфія”, “Архітэктурнае макеціраванне”. Дзеці ва ўзросце ад 4 да 16 гадоў працавалі па тэмах “Архітэктурная гармонія Беларусі: ад вытокаў да сучаснасці”, “Вуліца майго дзяцінства” і “Архітэктурныя фантазіі”. Згодна з рэспубліканскай прэсай, у конкурсе ўдзельнічалі больш за 200 работ.



ЭКСПЛУАТАЦЫЯ ЭЛЕКТРАПРЫБОРАЎ

Цяпер зусім немагчыма ўявіць сваё жыццё без электрапрыбораў. Без іх не абыходзіцца ні адна гаспадыня. Простага нажацця кнопкі, дастаткова, каб падагрэць ежу у мікрахвалевай печцы, памыць бялізну ў пральнай машыне.

Выкарыстоўваючы электрапрыборы, вельмі часта люддзі не звяртаюць увагу на інструкцыі па іх эксплуатацыі, лічаць гэта пустой тратай часу. Вось толькі прыклады пажараў, якія адбыліся з-за электраабсталявання, сведчаць зусім аб іншым. Па статыстыцы, прычынай кожнага шостага пажару ў Беларусі з'яўляецца парушэння правілаў эксплуатацыі электраабсталявання.

Таму, каб пазбегнуць гэтага, варта прытрымлівацца правілаў бяспекі.



Крымінальная хроніка - 89

ПРАБЛЕМНЫ ГОСЦЬ

Раённы аддзел Следчага камітэта ўзбудзіў крымінальную справу ў адносінах да беспрацоўнага, раней судзімага жыхара гарпасёлка Наваельня, 1969 года нараджэння. Зламыснік знаходзіўся ў гасцях у мясцовага пенсіянера і, скарыстаўшыся момантам, скраў у гаспадара кашалёк, у якім знаходзіліся 1600000 рублёў.

Пацярпелы хутка выявіў прапажу, звярнуўся па дапамогу ў міліцыю. Праваахоўнікі затрымалі злодзея і канфіскавалі ў яго скрадзены кашалёк і частку грошай.



МЕСЯЧНІК ЗДАРОВАЙ УСМЕШКІ

З 1 па 30 лістапада праходзіць месячнік здаровай усмешкі.

Адна з галоўных прычын хваробаў зубоў – карыес. У многім прафілактыка карыесу залежыць ад прычын яго ўзнікнення, якіх можа быць шмат, але асноўнай лічыцца наяўнасць зубнога налёту, бактэрыі якога здольныя ператвараць цукар у арганічныя кіслоты, што разбураюць структуру зуба. Прафілактыка карыесу, у першую чаргу, гэта знішчэнне бактэрый зубнога налёту і прадухіленне яго ўтварэння (догляд за поласцю рота).



АЗБУКА ПАДПІСКІ

Сёння запрашаю вас пазнаёміцца яшчэ з некалькімі выданнямі з беларускага падпіснога каталога. Магчыма, яны вас зацікавяць, і будзе нагода наведаць паштовае аддзяленне або праз паштальёна аформіць падпіску.

“КІМ БЫЦЬ?” – гэты часопіс сапраўдны компас і праваднік па свеце прафесій для старшакласнікаў, іх бацькоў, педагогаў. Як правільна выбраць сваю дарогу ў жыцці, якія новыя спецыяльнасці адкрываюцца ў вучэбных установах, якія прафесіі будуць найбольш запатрабаваны на рынку працы? Адказы на гэтыя пытанні чытачы знойдуць на старонках выдання. Падпісная цана на адзін месяц 43900 рублёў.

“КАЛЯНДАР ПРАВАСЛАЎНЫХ СВЯТАЎ НА 2014 ГОД” – газета-часопіс, у якой змешчана ўсё пра галоўныя праваслаўныя святы: даты, царкоўныя каноны, абрады, традыцыі, парады, як правільна сустракаць і праводзіць святочныя дні. Каштуе каляндар 9400 рублёў.



ДЗЕНЬ ВЕНЗАВЕЦКАГА СЕЛЬСАВЕТА

Мерапрыемства з парадкам дня “Аб рабоце Вензавецкага сельскага выканаўчага камітэта і сельскага Савета дэпутатаў па забеспячэнні развіцця сацыяльнай сферы, добраўпарадкаванні населеных пунктаў сельсавета” адбылося ў Вензавецкім сельсавеце 6 лістапада.

У ім удзельнічалі кіраўнікі райвыканкама, старшыні і сакратары сельскіх і пасялковых выканкамаў, ідэалагічныя работнікі СВК, кіраўнікі шэрагу раённых службаў.

З сацыяльна-эканамічным становішчам Вензавецкага сельскага савета ўдзельнікаў мерапрыемства пазнаёміў яго старшыня А. Шымко.
Тэрыторыя Вензавецкага сельскага савета складае 172 квадратныя кіламетры, з гэтай колькасці 10,1 квадратнага кіламетра займаюць 18 паселішчаў, якія налічваюць 818 гаспадарак і 1856 жыхароў. 1111 чалавек (59 працэнтаў) – працаздольныя, 514 (28 працэнтаў) – пенсіянеры, 231 (13 працэнтаў) – непаўналетнія. Сярод жыхароў сельсавета 5 удзельнікаў Вялікай Айчыннай вайны, 61 чалавек адзінокі, 320 – жывуць адзінока, 17 шматдзетных сем’яў.



БЫЦЬ ГОДНЫМ СВАІХ ПРОДКАЎ

Восень 2013 года паклікала ў шэрагі Узброеных Сіл Рэспублікі Беларусь 54 жыхары Дзятлава і Дзятлаўскага раёна. З іх на тэрміновую службу патрапяць 48 чалавек, а на службу ў рэзерве – 6. Узроставая катэгорыя грамадзян, якія прызываюцца на службу ў войска, розная – хлопцы як 1992, так і 1995-га года нараджэння. Як тыя, хто ўжо скончыў установы вышэйшай адукацыі, так і спецыялісты з дыпломамі сярэднеспецыяльных установаў. Ваенны камісар Дзятлаўскага райваенкамата Генадзь Тадэвушавіч Суравец з большага задаволены здароўем гэтага прызыву. Калі год таму працэнт годнасці сярод хлопцаў прызыўнога ўзросту складаў 21%, то цяпер гэты паказчык прыкладна роўны 45-50%.

У пятніцу 8 лістапада ў Дзятлаўскім раённым доме культуры ва ўрачыстай абстаноўцы і са святочным настроем ваенны камісар Дзятлаўшчыны Генадзь Тадэвушавіч Суравец раздаў павесткі цяперашнім прызыўнікам, а неўзабаве салдатам Узброеных Сіл Рэспублікі Беларусь. Ім давядзецца прайсці школу выхавання мужнасці і сяброўства, а словы “нарад”, “караул” і “здравия желаю!” на працяглы тэрмін стануць для іх найбольш ужывальнымі.



ЧАЛАВЕК З БЕЛАЙ ПАЛКАЙ РОЎНЫ СЯРОД ІНШЫХ

Штогод восенню на Гродзеншчыне праходзіць абласны месячнік "Белая палка", мэта якога -- звярнуць увагу грамадскасці на людзей з абмежаванымі магчымасцямі, інвалідаў па зроку.

Навакольны свет цудоўны, але, на жаль, побач з намі жывуць людзі, якія не могуць бачыць яго прыгажосць. Яны адчуваюць цеплыню сонечных промняў, подых веснавога ветрыка, водар кветак і траваў, але не могуць бачыць гармонію фарбаў і вобразаў, падтрымліваць дзелавы рытм жыцця.
Членамі Дзятлаўскай раённай арганізацыі грамадскага аб'яднання "Беларускае таварыства інвалідаў па зроку" з'яўляюцца трыццаць два жыхары нашага раёна. Частка з іх працуе ў розных даступных сферах, іншыя, па магчымасці, займаюцца працоўнай дзейнасцю на сваіх прысядзібных участках. Пераважная большасць членаў раённага аб'яднання вядзе актыўнае грамадскае жыццё, удзельнічае ў культурна-масавай і спартыўнай рабоце. Сярод іх можна адзначыць Г. Б. Красоцкую, В. П. Мякіша, В. А. Крэйдзіча, Н. І. Салановіч, С. І. Чурай, А. С. Пачука, У. І. Кончыка, К. У. Дораша, У. П. Калодку, У. В. Мальца.