№36



He маем права забыць

Ёсць падзеі, даты, імёны людзей, якія ўвайшлі ў гісторыю горада, краю, краіны і нават у гісторыю ўсёй планеты. Пра іх пішуць кнігі, складаюць вершы, музыку, здымаюць кіно. Галоўнае ж — пра іх памятаюць. I гэта памяць перадаецца з пакалення ў пакаленне, не дае адысці ў нябыт далёкім дням і падзеям. Адной з такіх падзеяў стала Вялікая Айчынная вайна 1941-1945 гадоў. Памяць пра яе павінен захаваць кожны.

Памяць вайны. Гэта боль, пе-ражыты народам за доўгія 1418 дзён. Гэта страты і ахвяры, гераічная барацьба не на жыццё, а на смерць, цяжкія дарогі выпрабаванняў. Памяць пра мінулае — гэта не проста ўласцівасць чалавечай свядомасці, здольнасць зберагчы след былога. Памяць - гэта злучальнае звяно паміж мінулым і будучым. Яна заклікае, пераконвае, папярэджвае, дае сілы і абуджае веру.



"Зарніца" паклікала на старт

Напярэдадні Дня Перамогі на Дзятлаўскім стадыёне "Колас" прайшла традыцыйная раённая патрыятычная ваенна-спартыўная гульня для школьнікаў "Зарніца". У ёй прынялі ўдзел вучні 13 школ Дзятлаўшчыны.

На ўрачыстым пастраенні гонар падняць сцяг выпаў мінулагоднім пераможцам — камандзе CШ №3 г. Дзятлава. Удзельнікаў павіталі, павіншавалі з надыходзячым Днём Перамогі, якому прысвечана гульня, і пажадалі шчаслівых стартаў начальнік групы тэрытарыяльнай абароны ваенкамата Дзятлаўскага раёна А. А. Бургун і намеснік начальніка аддзела адукацыі, спорту і турызму райвыканкама Д. К. Ёда.



Сям'я года-2017

Напярэд дні Дня сям'і, які адзначаецца 15 мая, Цэнтр сацыяльнага абслугоўвання насельніцтва Дзятлаўскага раёна правёў раённы этап конкурсу "Сям'я года-2017". Мерапрыемства праходзіла ў аграгарадку Гезгалы, у актавай зале Дома культуры. Удзел у ім прынялі тры мясцовыя шматдзетныя сям'і -Жыляніных, Аніскевічаў, Жыгалаў.



НАТАЛЛЯ ЛЯХ: СЭНС ЖЫЦЦЯ Ў ДАБРЫНІ

Наталля Лях на Дзятлаўшчыну прыехала ў 1995 годзе. Пасля заканчэння Слонімскага медыцынскага вучылішча яна была накіравана працаваць фельчарам у Дзятлаўскую раённую паліклініку. Цудоўны калектыў, сябры і калегі, якіх Наталля сустрэла тут, — усё гэта паспрыяла таму, што Дзятлаўскі раён стаў для жанчыны пастаянным месцам жыхарства.

— Мае бацькі марылі, каб я стала медыкам. Я спраўдзіла іх жаданне. Медыцынскай сястрой працую ўжо больш за дваццаць гадоў, — расказвае Наталля.



ЖАДАННЕ РАСКРЫЦЬ ТАЯМНІЦЫ МОВЫ

Міхаіл Іваноў — навучэнец 11 класа Наваельнянскай сярэдняй школы. У навучальнай установе яго характарызуюць як паспяховага вучня,
які цікавіцца гуманітарнымі прадметамі, добра ведае рускую, беларускую, англійскую мовы, сябруе з кнігай, захапляецца філасофіяй.



"ЗАРНІЦА" ПАКЛІКАЛА НА СТАРТ

У Дзятлаве, на стадыёне "Колас", прайшла традыцыйная раённая ваенна-спартыўная гульня для школьнікаў "Зарніца". У спаборніцтвах прынялі ўдзел вучні 13 школ Дзятлаўшчыны. На ўрачыстым пастраенні сцяг Рэспублікі Беларусь паднялі мінулагоднія пераможцы — каманда Казлоўшчынскай сярэдняй школы.



ЧАМУ ДЗЕЦІ БАЦЬКАМ НЕПАТРЭБНЫЯ

СЯМ’Я ЗАСТАНЕЦЦА ПАД КАНТРОЛЕМ

На пасяджэнне камісіі па справах непаўналетніх райвыканкама выклікалі гора-бацькоў. Дваіх непаўналетніх дзяцей гэтай сямейнай пары некалькі месяцаў таму прызналі маючымі патрэбу ў дзяржаўнай абароне. За гэты час муж і жонка, якія раней злоўжывалі алкаголем, паспелі прайсці курс лячэння, яны працавалі і пагашалі расходы на ўтрыманне непаўналетніх. Прадстаўнікі адказных службаў пацвердзілі, што бацькі жадаюць самі выхоўваць дзяцей і стараліся выконваць усе патрабаванні плана па выхадзе сям'і з крытычнагастановішча. Члены камісіі падтрымалі рашэнне дарослых стаць на шлях выпраўлення і спадзяюцца, што яно будзе цвёрдым. Дзеці вернуцца ў сям'ю, але на працягу года дарослыя будуць пад кантролем работнікаў адказных службаў. Бацькоў папярэдзілі, што пры першых парушэннях дзяцей зноў забяруць.



ДЗЯТЛАЎСКІ "ЛЯНОК" ТАЛЕНТАЎ

Ужо чацвёрты раз Дзятлаўская дзіцячая школа мастацтваў прымала ўдзельнікаў адкрытага рэгіянальнага конкурсу беларускай творчасці “Лянок”. Калі колькасць удзельнікаў першага мерапрыемства, якое прайшло ў Гезгалах, была невялікая, то сёлета конкурс сабраў больш за 100 навучэнцаўз 13 школаў мастацтваў са Шчучынскага, Карэліцкага, Слонімскага, Навагрудскага раёнаў.

Юныя таленты дэманстравалі музычае і выяўленчае майстэрства. Поспехаў на гэтай ніве канкурсантам пажадаў намеснік начальніка аддзела ідэалагічнай работы, культуры і па справах моладзі Дзятлаўскага райвыканкама В. В. Шыцько, а творчыя здольнасці талентаў ацэньвала журы -выкладчыкі Лідскага дзяржаўнага музычнага каледжа і Гродзенскага каледжа мастацтваў.

Па выніках сёлетняга "Лянка" Гран-пры конкурсу атрымаў баяніст са Шчучына Аляксандр Валошкін.



У ВЁСКАХ ПРАЙШЛІ СУБОТНІКІ

На красавіцкае пасяджэнне выканкама Данілавіцкага сельскага Савета было вынесена для разгляду пытанне аб рабоце старастаў вёсак, арганізацый і ўстаноў, якія размешчаны на тэрыторыі сельскага Савета, па навядзенні парадку на зямлі. На пасяджэнні прысутнічалі кіраўнікі арганізацыі і ўстановаў, старасты населеных пунктаў.

Са справаздачай выступіла старшыня Данілавіцкага сельвыканкама Ганна Мікалаеўна Жых. Расказала аб тым, што ўжо зроблена па добраўпарадкаванні населеных пунктаў сельсавета, назвала праблемы, якія яшчэ існуюць, шляхі іх вырашэння.

Былі сказаны словы падзякі на адрас кіраўнікоў Круцілавіцкага дзіцячага сада-СШ, Таркачоўскага дзіцячага сада-БШ за работу, якая праводзіцца па ўпарадкаванні прышкольных тэрыторый, аказанне шэфскай дапамогі па доглядзе за помнікамі, кіраўніцтву СВК “Граніт-Агра" за дапамогу ў разборцы пустуючых, непрыдатных для продажу дамоў, старастам вёсак. Асабліва - А. У. Турчаніку за неабыякавасць, ініцыятыву і тыя намаганні, якія ён прыкладвае для добраўпарадкавання яго роднай вёскі Данілавічы.



“ВЕЛІКОДНЫ КУЛІЧ” АД МОЛАДЗІ ДЗЯТЛАЎШЧЫНЫ

Моладзевы рэспубліканскі фестываль-выстава “Велікодны куліч" сёлета у чарговы раз прайшоў у нашай краіне пад эгідай грамадскага аб'яднання "Беларускі рзспубліканскі саюз моладзі".

На Дзятлаўшчыне выстава ладзілася ў фае Дзятлаўскага раённага дома культуры. На працягу велікоднага тыдня наведаць яе мелі магчымасць усе жадаючыя. Свае работы на конкурс прадаставілі навучэнцы ўстановаў адукацыі раёна, наведвальнікі Дзятлаўскай дзіцячай школы мастацтваў, аддзялення дзённага знаходжання для інвалідаў “Праменьчык" Цэнтра сацыяльнага абслугоўвання насельніцтва Дзятлаўскага раёна, выхаванцы сацыяльна-педагагічнага цэнтра горада Дзятлава, Казлоўшчынскага псіханеўралагічнага дома-інтэрната, цэнтра творчасці дзяцей і моладзі горада Дзятлава.