№23

warning: Creating default object from empty value in /var/www/t-av/data/www/dyatlovo.info/modules/taxonomy/taxonomy.module on line 1390.


Свіслацкая драма

У Свіслачы моцны валейбол. Іхнія людзі былі і ёсць у прафесіяналах. У Свіслачы кожны можа прайграць. Прайгралі і нашы. Але як?

Жаночы "Белтэрміз" у двух першых сэтах быў слабейшы аднолькава — 15:25, 15:25. У складзе свіслацкай каманды выявіліся ажно тры забіўныя нападаючыя, і заблакіраваць іх атакі ў нас не было каму. Наталля Абрамчык, асноўны "блакіроўшчык", атрымала траўму на трэніроўцы, у Свіслач не паехала. Дзятлаўчанкам давялося перайначыць расстаноўку, што, вядома, не ў плюс. Свіслач дамінавала і панавала на пляцоўцы.

Святло ў беспрасвецці для нас успыхнула ў трэцяй партыі. I ўспыхнула асляпляльнай маланкай. Выйшла падаваць Алена Пяцэвіч. Знайшла слабую зону на палове саперніц і падала туды запар восем (!) эйсаў — восем мячоу без прыёму. Потым яшчэ два — з нашаю даігроўкаю. 10:0 павёў"Белтэрміз". Саперніцы наладзілі адпор, шмат адыгралі, але не ўсё. Нашы перамаглі ў сэце 25:20.



Тэст: Правер сваю свядомасць

Узровень злачыннасці ў апошнія гады нязменна зніжаецца. Разам з тым, стаць ахвярай злачынства дастаткова проста. Добрая навіна заключаецца ў тым, што арганізаваць бяспеку свайго жылля можна з мінімальнымі выдаткамі. Адкажыце для сябе на наступныя пытанні і вы зразумееце, у бяспецы ваша кватэра (дом) ці не:
- я заўсёды правяраю, што ўсе дзверы і вокны кватэры (дома) зачынены (нават калі выходжу на хвіліну);
- я ўстанавіў надзейныя замкі на ўваходныя дзверы (зламыснікі баяцца, каб іх ніхто не ўбачыў, таму не любяць доўга валтузіцца з замкамі);
- я ўстанавіў ахоўную сігналізацыю і не забываю яе ўключаць;
- я не пакідаю ключ ад уваходных дзвярэй на тумбачцы ў пярэднім пакоі або ў іншым лёгкадаступным месцы;



З паседжання рённага штаба

На пачатку сакавіка ў Дзятлаве прайшло пасяджэнне раённага штаба па каардынацыі работы па папярэджанні гібелі людзей на пажарах. На парадах дня было вынесена абмеркаванне дзвюх апошніх трагедый, што адбыліся на Дзятлаўшчыне: 26 лютага бягучага года ў вёсцы Пацаўшчына ва ўласным доме загінуў у пажары адзінокі інвалід другой групы, 1943 года нараджэння; 2 сакавіка ў гарпасёлку Казлоўшчына згарэў хлеў на надворку аднаго з дамоў па вуліцы 40 гадоў Кастрычніка, у агні загінуў часова непрацоўны 53-гадовы мясцовы жыхар.

Старшыня раённага Савета дэпутатаў А. Бараноўскі адзначыў, што па выніках двух месяцаў бягучага года наогул дапушчаны рост гібелі людзей на пажарах у раёне. Пры гэтым намеснік начальніка Дзятлаўскага РАНС С. Саламевіч указаў на недастатковую пажарна-прафілактычную работу, якая праводзіцца сельскімі выканкамамі ў жылым сектары раёна. Сяргей Уладзіміравіч прапанаваў увесці ў практыку пры правядзенні Адзіных дзён прафілактыкі комплексную адпрацоўку жылога сектара ў пасялковых і сельскіх Саветах з удзелам прадстаўнікоў усіх зацікаўленых службаў (не менш аднаго сельскага Савета ў месяц).



Запрашае "ИС-ЧАЙ-РА"

Зусім нядаўна магазін-чайную пад загадкавай назвай "ИС-ЧАЙ-РА" адкрыў малады чалавек Максім Ліпніцкі. Ці цяжка пачаць сваю справу? - з такім і іншымі пытаннямі карэспандэнтка газеты звярнулася да маладога прадпрымальніка.

— Чаму з'явілася менавіта такая ідэя: прадаваць чай, духмяныя рэчывы, а не, напрыклад, запчасти?

— Ідэя адкрыць чайную з'явілася ў мяне каля двух гадоў таму. Мне вельмі хацелася зрабіць у нашым горадзе штосьці новае, цікавае, карыснае для здароўя. Наогул, сам праект чайнага дома мне бачыцца крышку іншым, чым цяпер. Пакуль што зроблены першы крок на шляху да мэты, да мары. Аднак у гэтым месцы ўжо збіраюцца людзі за кубачкам гарачага і духмянага чаю. Тут пачынаюцца новыя знаёмствы і сяброўства. Мне гэта вельмі падабаецца. Радасна бачыць усмешкі на тварах людзей, чуць станоўчыя водгукі.



Каратэ: перамога над сабой

Менавіта такі сэнс мае гэтае ўсходняе баявое майстэрства з больш чым тысячагадовай гісторыяй, якое карыстаецца шырокай папулярнасцю і ў наш час. Яго навыкамі авалодваюць і юныя дзятлаўчане — наведвальнікі спартыўнай секцыі, якая ўжо другі год працуе ў сярэдняй школе №3 г. Дзятлава.

Узначальвае секцыю Максім Валер'евіч Максімаў — інструктар спартыўнага клуба "Барс". Пад яго кіраўніцтвам дзеці асвойваюць адзін з адносна маладых відаў каратэ, які з'явіўся толькі ў сярэдзіне 20 стагоддзя, — кіокушынкай каратэ-до.

Цяпер у секцыі займаюцца 35 дзяцей, двое з іх — ва ўзросце пяці гадоў.



Мы не побач, мы разам

У прэсе часта можна сустрэць выраз "сацыяльнае партнёрства". 3 просьбай патлумачыць яго сэнс мы звярнуліся да бібліятэкара Вензавецкага дзіцячага сада-сярэдняй школы Жанны Анатольеўны Свіб. Даючы
тлумачэнне, яна прывяла яркі прыклад сацыяльнага партнёрства між нашай установай адукацыі і СВК "Вензавец".

Наша школа - не проста падшэфная арганізацыя гэтага сельскагаспадарчага кааператыву. Для добрай трэці яго працаўнікоў яна з'яўляецца другім домам іх дзяцей. Таму і адносіны да ўстановы адукацыі не проста шэфскія, а бацькоўскія. Ніводнае са школьных мерапрыемстваў, ці то Дзень ведаў, ці навагодні ранішнік, ці свята апошняга званка, не абыходзяцца без удзелу нашых шэфаў, якія заўсёды прыходзяць з добрым сэрцам, добрым словам і падарункамі.



Жывём, вучымся, ствараем

У навучэнцаў Казлоўшчынскага прафесійнага сельскагаспадарчага ліцэя за спіной засталося першае паўгоддзе навучання. За гэты час адбылося шмат цікавых, важных падзеяў. Ліцэісты займаліся тэарэтычным навучаннем, наведвалі лабараторныя заняткі, праходзілі вытворчае навучанне па абраных спецыяльнасцях, ездзілі на экскурсіі, сустракаліся з цікавымі людзьмі, удзельнічалі ў валанцёрскім руху.

Пасля падвядзення вынікаў першага паўгоддзя лепшыя ліцэісты былі ўзнагароджаны паездкай у Жыровічы.
Цяпер навучэнцы ўсіх групаў ліцэя актыўна рыхтуюцца да абласной выставы дэкаратыўна-прыкладной і тэхнічнай творчасці сярод ліцэяў вобласці. У сувязі з гэтым для творчых навучэнцаў кіраўніцтва навучальнай установы арганізавала паездку ў Дом-музей да народных умельцаў — сям'і Салейка. Надзея Пятроўна правяла для гасцей майстар-клас, азнаёміла з тэхнікай лепкі з гліны, выступіла з невялікім канцэртам.



Гісторыя - любімая навука

Юнацтва, маладосць. Звычайна іх атаясамляюць з вясной душы, калі яна яшчэ толькі-толькі пачынае самастойна спазнаваць навакольны свет. Якім чынам павінен прайсці гэты шлях? Па прынцыпу: "Спяшайся спазнаць, бо маладосць адна?" Калі так, значыць — безразважліва гуляй, пакуль ёсць час, а вось аб духоўным ты падумаеш у больш сталым узросце. А, можа, на гэтым шляху варта кіравацца праверанай многімі стагоддзямі мудрасцю "Беражы гонар змоладу"? Пытанне з шэрагу вечных, і ў кожнага на яго — свой адказ.

Раман Францішчык, дзесяцікласнік першай сярэдняй школы г. Дзятлава, лічыць, што ў маладосці павінен быць закладзены "фундамент" для будучага жыцця. Яго будуць складаць звычкі, духоўныя і маральныя якасці. Менавіта яны і нададуць трываласць гэтаму "фундаменту". Інакш кажучы, маладосць — гэта той "базіс", ад якога будзе залежаць далейшая "надстройка".



Букет віншаванняў ад мужчын

Па даўняй традыцыі ў СВК "Вензавец" праводзіцца "агеньчык"-шанаванне для жанчын гаспадаркі. Не стаў выключэннем і гэты сакавік. Віншаванні ў гонар дарагіх жанчын выказвалі мужчыны сельгаскааператыву.

Першым свае віншаванні выказаў старшыня СВК "Вензавец" Мікалай Анатольевіч Бубноўскі. Да яго цёплых словаў далучыліся намеснікі старшыні СВК Ігар Баляслававіч Крывулька і Віктар Іванавіч Грыцук, спецыялісты гаспадаркі і механізатары Анатоль Афанасьевіч Сіняк, Аляксандр Мікалаевіч Баканаў і іншыя.

Мілым дамам мужчыны дасылалі не толькі свае віншаванні, але і прысвячалі серэнады. Музычныя "паштоўкі" даслалі Аляксандр Ківуля, Часлаў Свіб, а ім дапамагалі Аляксандра Маленчык, Кацярына Свіб, Настасся Лякасава.



Самыя спартыўныя - настаўніцы

Пасялковы жансавет і прафкам Казлоўшчынскай школы прапанавалі жанчынам з арганізацый гарпасёлка сустрэцца ў спартыўнай зале школы, каб пазмагацца за лідарства, памерацца сіламі, спрытам, кемлівасцю, займець добры настрой і бадзёрасць.