№20

warning: Creating default object from empty value in /var/www/t-av/data/www/dyatlovo.info/modules/taxonomy/taxonomy.module on line 1390.


АЛЕНА ЮШКЕВІЧ: “НАБЫВАЮЧЫ ТАВАР – БУДЗЬЦЕ ЎВАЖЛІВЫЯ”

15 сакавіка адзначаецца Дзень спажыўца ў Беларусі і ў свеце. На што маюць права спажыўцы, як ім сёння абараніць свае інтарэсы і да каго звяртацца па дапамогу ў сваім раёне, тлумачыць галоўны эканаміст аддзела эканомікі Дзятлаўскага раённага выканаўчага камітэта Алена Юшкевіч.

-- Алена Іосіфаўна, скажыце, калі спажывец лічыць, што яго правы парушаны, куды ў нашым раёне ён можа звярнуцца па дапамогу?
-- Калі не атрымліваецца вырашыць спрэчную сітуацыю на месцы, з прадаўцом ці асобай, якая аказала паслугі, па дапамогу звяртайцеся ў Дзятлаўскі райвыканкам. З мэтай абароны правоў спажыўцоў мы разглядаем іх звароты адпаведна з заканадаўствам аб зваротах грамадзян і юрыдычных асобаў: арганізуем тлумачэнне заканадаўства і аказанне юрыдычнай дапамогі па абароне правоў спажыўцоў.

-- На што часцей скардзяцца спажыўцы на Дзятлаўшчыне?
-- Апошнім часам пераважна паступаюць скаргі на мэблю, якая пры самастойнай зборцы выяўляе пэўныя дэфекты ці недахоп камплектуючых. А ўвогуле, звароты спажыўцоў абсалютна рознага зместу: кожная сітуацыя непадобная на іншую і патрабуе асаблівага падыходу.



АБ ПРАВЯДЗЕННІ ПАЗАЧАРГОВАЙ ПРАВЕРКІ ВЕДАЎ

У сувязі з уводам у дзеянне з 1 сакавіка 2013 года ТКП 427-2012 “Правілы тэхнікі бяспекі пры эксплуатацыі электраўстановак”, зацверджаных загадам міністра энергетыкі Рэспублікі Беларусь ад 28 лістапада 2012 года №228, ТКП 458-2012 “Правілы тэхнічнай эксплуатацыі цеплаўстановак і цеплавых сетак спажыўцоў”, зацверджаных пастановай Міністэрства энергетыкі Рэспублікі Беларусь ад 26 лістапада 2012 года №66, на падставе патрабаванняў пункта 4.2.36 ТКП 181-2009 “Правілы тэхнічнай эксплуатацыі электраўстановак спажыўцоў” і пункта 40 “Правілаў тэхнічнай эксплуатацыі цеплаўстановак і цеплавых сетак спажыўцоў” кіраўнікам прадпрыемстваў, арганізацый і гаспадарак неабходна:

1. Арганізаваць вывучэнне ТКП 427-2012 “Правілы тэхнікі бяспекі пры эксплуатацыі электраўстановак” электратэхнічным персаналам прадпрыемства (арганізацыі, гаспадаркі).
2. Арганізаваць вывучэнне ТКП 458-2012 і ТКП 459-2012 персаналам прадпрыемства (арганізацыі, гаспадаркі), які абслугоўвае цеплакарыстальныя ўстаноўкі і цеплавыя сеткі.



РАЦЫЁН ШКОЛЬНІКА

Значэнне паўнацэннага харчавання для дзяцей цяжка пераацаніць. Асабліва адказнага падыходу з боку бацькоў і школы патрабуе харчаванне школьнікаў. Вучні, якія атрымліваюць паўнацэнны рацыён, лепш пераносяць фізічныя нагрузкі, лепш вучацца і рэдка маюць лішнюю вагу.
З паўнацэннага сняданка павінен пачынацца дзень кожнага школьніка. Дэфіцыт энергіі, якую недаатрымае мозг, можа ператварыць урокі ў сапраўдны стрэс для дзіцяці.

Абавязковай умовай правільнага харчавання школьніка з’яўляецца гарманічнае спалучэнне страваў на абед. Калі ў першай страве ўтрымліваецца гародніна, то аптымальным варыянтам для другіх страваў будуць макароны або крупы.

У рацыёне школьніка павінны быць і прадукты, якія ўтрымліваюць вітамін В6 – вітамін памяці. Дастатковая колькасць яго ў бабовых, арэхах, шыпшыне, моркве, вотруб’і.



"МЫ ЖЫВЁМ ЗДОРАВА!"

Адказваюць вучні гімназіі №1 г. Дзятлава на пытанне аб іх установе. Так лічаць і тыя, хто займаецца тут толькі шэсць месяцаў, і выпускнікі-адзінаццацікласнікі, якія некалі прыйшлі ў яе сцены, здаўшы ўступныя іспыты.

Нядаўна ў гімназічным прэс-цэнтры прайшоў круглы стол з удзелам адміністрацыі і вучняў. Прысутныя мелі магчымасць выказаць свае меркаванні наконт вучобы і гімназічнага жыцця.

-- Мы любім сваю гімназію, -- расказала Яўгенія Кетка, вучаніца 8 "Б" класа. — Тут можна не толькі вучыцца, але і паспрабаваць свае сілы ў вершаскладанні, вакале, сыграць ролю казачнага персанажа на сцэне, паўдзельнічаць у конкурсе паэтычнага майстэрства, а тыя, хто добра малюе, могуць стаць удзельнікамі гімназічнай выставы, атрымаць прыз за лепшую работу. Гімназія дае магчымасць прыняць удзел у алімпіядным руху, актыўна вывучаць прадмет, рыхтавацца, заняць прызавое месца. Так, сёлета я заняла другое месца на абласной алімпіядзе па матэматыцы, рыхтуюся да яе рэспубліканскага этапу. Настаўнікі і класныя выхавальнікі ўважліва ставяцца да прыродных здольнасцяў дзяцей, стараюцца іх усебакова развіваць.



НАЙНОЎШЫЯ ЦУДЫ СВЕТУ

Усім вядомыя 7 цудаў свету – архітэктурныя збудаванні, роўных якім няма. Прадстаўляем вашай увазе цуды сучаснай архітэктуры, навукі і тэхнікі, якія могуць уразіць вока і ўяўленне сучаснага чалавека.
1. На першым месцы, вядома, ВАК – Вялікі Адронны Калайдар. Яму проста няма роўных. Ён самы-самы. Даўжыня асноўнага кальца гэтага паскаральніка складае амаль 27 кіламетраў.
2. Міжнародная касмічная станцыя. З пачатку будаўніцтва станцыі па стане на вясну 2010 года на яе борце пабывалі 189 чалавек – грамадзяне ЗША, Расіі, Канады, Італіі, Францыі, Японіі, ПАР, Бельгіі, Іспаніі, Нідэрландаў, Бразіліі, Германіі, Швецыі, Малайзіі і Рэспублікі Карэя.
3. Плаціна "Тры цясніны" ў Кітаі. Самая вялікая ў свеце канструкцыя з бетону.
4. Касмічная рэнтгенаўская абсерваторыя "Чандра" – узлётная вага складала 22753 кілаграмы. Гэта абсалютны рэкорд масы, вынесенай калі-небудзь у космас касмічным чоўнам Шатл.
5. Palm Deira – штучная выспа ў Дубаі.



НЕБЯСПЕЧНАЯ ВАДА

У час паводкі адбываецца масавае забруджванне вады ў калодзежах. Ратуючыся ад вады, у жылыя дамы і гаспадарчыя пабудовы бягуць грызуны, іншыя дробныя жывёлы, якія з'яўляюцца разносчыкамі ўзбуджальнікаў многіх інфекцыйных хваробаў. У час паводкі і пасля яе ўзрастае рызыка заражэння людзей кішэчнымі інфекцыйнымі і паразітарнымі хваробамі.

Каб пазбегнуць іх, перад паводкай трэба правесці ўборку тэрыторыі падворка ад смецця, ачысціць выграбныя ямы, упарадкаваць месцы захоўвання сена, гною, паліва, будматэрыялаў удалечыні ад дома і гаспадарчых пабудоваў. Нельга дапускаць загрувашчанасці гаспадарчых пабудоваў, падвальных памяшканняў, кладовак непатрэбнымі тарай, мэбляй, іншымі старымі рэчамі. Варта замазаць адтуліны і шчыліны ў гаспадарчых і жылых памяшканнях, а таксама пастарацца знішчыць грызуноў.

У час паводкі трэба выкарыстоўваць толькі бутыляваную або кіпячоную воду. Ужываючы сырую гародніну і садавіну, добра прамыйце іх кіпячонай вадой, ашпарвайце кіпенем.



СУСТРЭЧА З КІРАЎНІЦТВАМ РАЁНА

На пачатку сакавіка адбылася сустрэча жаночага актыву з кіраўніцтвам раёна. На ёй прысутнічалі старшыня райвыканкама І. Крахмальчык, кіраўнік спраў райвыканкама Т. Шавель, начальнік фінансавага аддзела І. Жэгала, старшыня райкама прафсаюза АПК У. Казак, старшыня раённага жансавета А. Жадзейка і яе намеснік Г. Чура, намеснік начальніка ўпраўлення па працы, занятасці і сацыяльнай абароне А. Навічэнкава, інспектар аддзела адукацыі Л. Саванец, а таксама актывісткі жаночага руху, працаўніцы раёна.

У сваіх выступленнях прамоўцы спыніліся на значнай ролі жанчын у сучасным грамадстве, на вялікім укладзе жанчын у сацыяльна-эканамічнае развіццё раёна.



ПАВОДКА: БУДЗЬЦЕ АСЦЯРОЖНЫЯ

Хутка пачнецца паводка, таму грамадзянам, якія жывуць у прыватным сектары і дзе ёсць верагоднасць падтаплення, неабходна падрыхтавацца да магчымых наступстваў. Ім неабходна ачысціць канавы ад снегу і наледзі, каб хутчэй сыходзіла вада; паклапаціцца аб месцах магчымай эвакуацыі і страхаванні маёмасці.

Пры наяўнасці лодак, камер, бярвёнаў, пустых пластыкавых бутэлек змайстраваць з іх прымітыўныя плавальныя сродкі. Да прыбыцця дапамогі варта заставацца на верхніх паверхах, паддашках, дахах, дрэвах. Таксама неабходна падаваць сігналы ратаўнікам з дапамогай флагаў, святла ліхтара, факелаў.

Калі мясцовасць вядомая і глыбіня нязначная, можна ўпэўнена дайсці да сушы. Калі вада падыходзіць хутка, неабходна даць сігнал ратаўнікам, а пры іх адсутнасці перамяшчацца па вадзе вельмі павольна, пажадана прашчупваць глыбіню палкай.



САСТУПІ ВЯСНЕ ДАРОГУ, МАТУХНА ЗІМА

У мінулую суботу на гарадскім стадыёне “Колас” дзятлаўчане адсвяткавалі Масленіцу. Нягледзячы на мароз, песнямі і гульнямі гараджане прагналі зімовы настрой, а карагодам і святочнымі блінамі заклікалі вясну. Традыцыйна, для жыхароў Дзятлаўшчыны арганізацыямі раёна былі падрыхтаваны святочныя мерапрыемствы, спартыўныя конкурсы, наладжаны гандаль.

Свята пачалося з тэатралізаванага развітання зімовых месяцаў, якія склалі свае паўнамоцтвы перад надыходзячай вясной. Затым прысутныя пачулі вясёлыя прыпеўкі ды сталі ў карагод з традыцыйнымі зімовымі персанажамі і навамоднымі дзіцячымі героямі Смяшарыкамі. Прадстаўленне прадоўжылася песнямі дзятлаўскіх выканаўцаў, пад якія была разгорнута дэгустацыя бліноў ад сельгаскааператываў раёна. Удзельнікі падышлі да пачастункаў творча: напяклі іх з рознымі начынкамі ды “гарнірамі”.



Прафсаюзная работа

АБЛАСНАЯ СУСТРЭЧА ПРАФСАЮЗНАГА АКТЫВУ

У актавай зале Гродзенскага аграрнага ўніверсітэта была арганізавана сустрэча прафсаюзных актывістак – прадстаўніц працоўных калектываў прадпрыемстваў аграпрамысловага комплексу вобласці. Дзятлаўскі раён прадстаўлялі старшыня прафсаюзнага камітэта СВК “Войневічы” Марыя Сцяпанаўна Белуш, старшыня прафкама СВК “Вензавец” Валянціна Эдуардаўна Макарэвіч, старшыня прафкама Дзятлаўскага сырзавода Людміла Вацлаваўна Лябецкая, прафсаюзныя актывісткі Дзятлаўскага сырзавода Святлана Міхайлаўна Ражко і Тамара Вікенцьеўна Малько. Арганізаваў мерапрыемства абласны камітэт прафсаюза работнікаў аграпрамысловага комплексу.

У. КАЗАК, старшыня РК прафсаюза работнікаў АПК