№19



Ад Года навукі - да Года малой радзімы

У суботу, 3 сакавіка, адбылася ўрачыстая цырымонія закрыцця Года навукі ў Дзятлаўскім раёне.



Акардэаніст Ігар Квашэвіч выступіў у Дзятлаве

"Беларусь-тур" - сумесны музычна-адукацыйны праект беларускага спевака і кампазітара, лаўрэата спецыяльнага фонду Прэзідэнта Рэспублікі Беларусь Ігара Квашэвіча, Міністэрства культуры і РГА "Белая Русь". У рамках праекта Ігар Квашэвіч наведае 120 гарадоў Беларусі.

На сцэне Цэнтра культуры і народнай творчасці горада Дзятлава прайшоў канцэрт акардэаніста Ігара Квашэвіча. Музыкант палымяна адыграў вальс, танга і самбу, затым заваражыў публіку віртуозным выкананнем кампазіцыі В. А. Моцарта "Турэцкі марш".

У наступнай частцы выступления гледачы пачулі аўтарскія песні Ігара Квашэвіча з альбома "Поры года", якія, па словах самога кампазітара, добра прыняла публіка і падпявала, пляскала ў далоні ў такт музыцы. У заключнай частцы канцэрта Ігар Квашэвіч вярнуўся да інструментальнай музыкі і сыграў шэраг кампазіцый з класікі, у ліку якіх беглае выкананне "Палёта чмяля" М. Рымскага-Корсакава. Выканаўца прадэманстраваў і сольную ігру на акардэоне, а пад выкрыкі "брава!" завяршыў канцэрт песняй пра Беларусь.



Арцём Урбановіч і Дзмітрый Шафарэвіч - чэмпіёны Мінскай вобласці па каратэ

У IX Адкрытым першынстве Мінскай вобласці па каратэ ўдзельнічалі спартсмены з Мінска, Гродна, Дзятлава, Слоніма, Навагрудка, Гомеля. На турніры былі прадстаўлены і два расійскія гарады — Смаленск і Цвер.

Паспяхова выступілі ў першынстве каратысты Беларускай рэспубліканскай федэрацыі кіакушынкай каратэ "ІКО 1". Зводная каманда Федэрацыі, прадэманстраваўшы выдатную падрыхтоўку, з вялікім адрывам ад сапернікаў заняла першае агульнакаманднае месца. На рахунку каманды 45 медалёў, у тым ліку 17 залатых, 13 сярэбраных, 15 бронзавых.



Чэмпіёны раёна — Юрый Чайкоўскі і Андрэй Лявончык

Завяршыліся чэмпіянаты раёна па шашках і шахматах.

Спаборніцтва шашыстаў прайшло прадказальна. Фаварыты турніру са старту кандыдаты ў майстры спорту Юрый Чайкоўскі і Мікалай Венславоўскі пераканаўча пацвердзілі свой узровень. Невялікую інтрыгу складала толькі пытанне, хто з іх будзе першы.

Першым стаў Юрый Чайкоўскі, які набраў 16,5 ачка. У Мікалая Венславоўскага — 13 ачкоў. Бронзавы прызёр — Мірон Шмыгіра, на яго рахунку 11,5 ачка.



Сталі прызёрамі конкурсу

Ha базе Палаца творчасці дзяцей і моладзі ў горадзе Гродне прайшоў абласны этап конкурсу знамённых груп "Раўненне на сцяг".

У конкурсе было 5 намінацый: "Лепшая знамённая группа", "Лепшы атрад барабаншчыкаў", "Лепшы гарніст", "Плац-парад", "Лепшае флаг-шоу".

Каманда піянерскай дружыны імя Дзмітрыя Лазовіка Дварэцкай сярэдняй школы абараняла гонар Дзятлаўскага раёна ў намінацыі "Лепшая знамённая трупа" і заняла ў ей 3-е месца.



ЗАХАПЛЕННЕ ТВОРЧАСЦЮ

Захапленне мастацтвам пачынаецца з юных гадоў, яшчэ ў школьны час. Удзел у конкурсах і мерапрыемствах дае магчымасць таленавітым дзецям рэалізаваць свой творчы патэнцыял. На гэта скіравана і гуртковая дзейнасць.

Алена Мацюкевіч, вучанща Дварэцкай сярэдняй школы, наведвае гурток "Мастацтва рукадзелля", дзе вучыцца ствараць дэкаратыўную прыгажосць. Яшчэ дзяўчына, любіць маляваць, захапляецца матэматыкай, прымае актыўны ўдзел у творчых конкурсах і навуковых канферэнцыях, у тым ліку і раённага ўзроўню.



ШКОЛЬНІКІ СУСТРЭЛІСЯ 3 ПАЖАРНЫМІ

Уаграгарадку Дварэц адбыўся чарговы сельскі сход па пытаннях пажарнай бяспекі і захавання грамадскага правапарадку. У сустрэчы з вяскоўцамі ўзялі ўдзел старшыня Дзятлаўскага раённага Савета дэпутатаў Аляксандр Бараноўскі, начальнік Дзятлаўскага раённага аддзела па надзвычайных сітуацыях Уладзімір Нячаеў, начальнік аддзела ўнутраных спраў Дзятлаўскага райвыканкама Аляксандр Біль, старшыня Дварэцкага сельвыканкама Тамара Перапечына. На сходзе таксама прысутнічалі намеснік дырэктара Дзятлаўскага раёна газазабеспячэння Юрый Ганчар і начальнік раённай інспекцыі энерганагляду Вячаслаў Кець.



У ДЗЯТЛАВЕ ГУКАЛІ ВЯСНУ

На плошчы 17 Верасня ў Дзятлаве прайшлі ўрачыстыя провады зімы. Суправаджаліся яны масавым гуляннем з песнямі і танцамі, прымаўкамі і прыказкамі, вясёлымі атракцыёнамі. У спартыўных спаборніцтвах свой спрыт і сілу дэманстравалі мужчыны — прадстаўнікі арганізацый і прадпрыемстваў горада.

У час свята працавалі гандлёвыя кропкі. СВК "Жукоўшчына" прапаноўваў набыць агародніну, яблыкі. Аматары ландшафтнага дызайну маглі купіць саджанцы для аздобы сваіх падворкаў у гандлёвай кропцы Дзятлаўскага лясгаса. Тут жа можна было набыць венікі для лазні, мёд.



МАСЛЕНІЦА Ў КРУЦІЛАВІЧАХ

Провады Зімы прайшлі ў аграгарадку Круцілавічы. Прыняць актыўны ўдзел у свяце жыхароў аграгарадка запрашалі скамарохі. Яны ж таксама частавалі ўсіх блінамі. А Зіма прапанавала паўдзельнічаць у спартыўных спаборніцтвах — бегу на лыжах, бліннай эстафеце, конкурсах па распілоўцы дроваў і кіданні мятлы, перацягванні каната.

На прапанову адгукнуліся мужчыны СВК "Граніт-Агра". Раздзяліўшыся на 5 камандаў - "Лесапавал", "Зорка", "Дэсант", "Тайфун", "Танкістьі", яньі спрачаліся між сабой у спрыце і сіле. Перамагла каманда будаўнікоў "Лесапавал".



"СОНЦА, МАМА I КВЕТКІ"

Кветкі. Іх чароўнасць і непаўторнасць усхвалены ў песнях і вершах, а мова кветак пакладзена ў аснову фларыстычнага дызайну. Кампазіцыі, букеты, карзіны з цюльпанамі, ружамі, гіяцынтамі — нават калі яны і дэкаратыўныя — гэта заўжды прыгожа, арыгінальна, вабіць вока.

Пераканаліся ў гэтым і гледачы раённага этапу абласнога фларыстычнага конкурсу “Сонца, мама і кветкі”, які днямі прайшоў у Дзятлаўскім гісторыка-краязнаўчым музеі.

Гэтае мерапрыемства на Дзятлаўшчыне ладзіцца ўжо некалькіх гадоў. У гісторыка-краязнаўчым музеі яно праводзілася ўпершыню. А вось патраніруе конкурс Казлоўшчынскі эколага-біялагічны цэнтр дзяцей і моладзі. Тыя, хто хаця б толькі адзін раз наведаў гэтую ўстанову дадатковай адукацыі, маглі ўпэўніцца ў майстэрстве педагогаў і навучэнцаў ствараць прыгожыя кампазіцыі з кветак, іншага прыроднага матэрыялу.