ліпень

warning: Creating default object from empty value in /var/www/t-av/data/www/dyatlovo.info/modules/taxonomy/taxonomy.module on line 1390.


ПРА ЗМЕНЫ Ў НАЗНАЧЭННІ ДАПАМОГ ПА ЧАСОВАЙ НЕПРАЦАЗДОЛЬНАСЦІ

З 11 ліпеня 2013 года ўступіла ў сілу пастанова Савета Міністраў Рэспублікі Беларусь ад 28.06.2013 №569, якая зацвердзіла Палажэнне аб парадку забеспячэння дапамогамі па часовай непрацаздольнасці і па цяжарнасці і родах (далей -- Палажэнне).

У адпаведнасці з дадзеным Палажэннем дапамога па часовай непрацаздольнасці падлічваецца ў каляндарных днях з заработку за 6 каляндарных месяцаў, што папярэднічаюць месяцу надыходу часовай непрацаздольнасці (далей – разліковы перыяд). Работнікам, якія не маюць у разліковым перыядзе заработку ў наймальніка або маюць заработак не менш, чым за каляндарны месяц, дапамога па часовай непрацаздольнасці налічваецца з тарыфнай стаўкі (аклада) без надбавак і павышэнняў.



ГАТОЎНАСЦЬ НУМАР АДЗІН

У сельскай гаспадарцы ўсе работы важныя, ад кожнай ёсць унёсак у канчатковы вынік – ураджай. А збор ураджаю, як фінальны акорд у інструментальнай п’есе. Хочацца, каб акорд гэты быў – узнёслы, мажорны.

На парадку дня – збор ураджаю рапсу і каласавых культур. Поспех жніва вызначае гатоўнасць да яго ўсяго ўборачнага комплексу. У пятніцу, 19 ліпеня, інжынерная служба СВК “Русь-Агра” здавала апошні пераджніўны экзамен – на тэхнічны агляд былі выстаўлены збожжаўборачныя камбайны.



25 ЛІПЕНЯ – ДЗЕНЬ ПАЖАРНАЙ СЛУЖБЫ

Паважаныя работнікі і ветэраны раённага аддзела па надзвычайных сітуацыях! Прыміце шчырыя віншаванні з прафесійным святам – Днём пажарнай службы!
Мужнасць, доблесць, адвага, высокі ўзровень прафесійнага майстэрства спецыялістаў супрацьпажарнай службы – залог спакою і ўпэўненасці нашых грамадзян. Жыхары раёна ўдзячны пажарным за самаадданасць, высакароднасць і бясстрашша, за мноства выратаваных жыццяў, захаваную маёмасць.

Мы цэнім нялёгкую, але такую патрэбу для ўсяго насельніцтва працу пажарных. Асаблівая ўдзячнасць – ветэранам пажарнай службы, многія з якіх і сёння ў страі.



ДЗЕНЬ ДЗЯТЛАЎСКАГА СЕЛЬСАВЕТА

Мерапрыемства з парадкам дня “Работа Дзятлаўскага сельскага выканаўчага камітэта і сельскага Савета дэпутатаў па забеспячэнні развіцця сацыяльнай сферы, добраўпарадкаванні тэрыторыі населеных пунктаў сельсавета” адбылося ў Дзятлаўскім сельскім савеце 16 ліпеня.



ЭЛЕКТРОННЫ ЛІЧБАВЫ ПОДПІС СЭКАНОМІЦЬ ВАШ ЧАС

Інспекцыя Міністэрства па падатках і зборах Рэспублікі Беларусь па Дзятлаўскім раёне дзеля развіцця электроннага ўзаемадзеяння з плацельшчыкамі і рэалізацыі магчымасці падачы падатковых дэкларацый (разлікаў) у выглядзе электроннага дакумента прапануе юрыдычным асобам, індывідуальным прадпрымальнікам, фізічным асобам прайсці рэгістрацыю ў якасці абанента Засведчвальнага цэнтра рэспубліканскага ўнітарнага прадпрыемства “Інфармацыйна-выдавецкі цэнтр па падатках і зборах” для атрымання сродкаў электроннага лічбавага подпісу.

Падача падатковай дэкларацыі (разлікаў) у электронным выглядзе давзволіць сэканоміць ваш час і грашовыя сродкі. Акрамя таго, з дапамогай электроннага лічбавага подпісу вы можаце перадацт у падатковыя органы ў форме электроннага дакумента заяву на выдачу даведкі, заяву пра заліу (вяртанне) залішне ўплачаных сум, заяву аб вяртанні розніцы паміж сумай падатковых вылікаў і агульнай сумай падатку на дабаўленую вартасць, іншыя паведамоенні, абавязацельствы падаваць якія прадугледжана артыкулам 22 Падатковага кодэксу Рэспублікі Беларусь.



“РАДОН-АЛЬФА” – НОВЫ САНАТОРЫЙ НА ДЗЯТЛАЎШЧЫНЕ

“Радон-Альфа” – лячэбна-аздараўленчы цэнтр, будаўніцтва якога поўным ходам ідзе ў Дзятлаўскім раёне, знаходзіцца ў непасрэднай блізкасці ад санаторыя “Радон”. У назве ўстановы невыпадкова фігуруе першая літара грэцкага алфавіта, Альфа, як пачатак нечага асаблівага: з цягам часу санаторый будзе прэтэндаваць на атрыманне статусу першага беларускага курорта. Пра сам праект, ход будаўніцтва на Дзятлаўшчыне і новыя задумкі карэспандэнт гутарыць з намеснiкам генеральнага дырэктара фірмы-забудоўшчыка, ТАА “ТОРВЛАД”, Уладзімірам Бокіем.

-- Уладзімір Вікенцьевіч, з чаго пачынаўся “Радон-Альфа”?
-- З ідэі, якую два гады таму прапанавала санаторна-курортнае ўнітарнае прадпрыемства “Белагроздравница”, зыходзячы з паспяховага вопыту ўжо працуючага на Дзятлаўшчыне санаторыя “Радон”. Праект быў падтрыманы, дапоўнены ў Гродзенскім аблвыканкаме і атрымаў ход. Мы, ТАА “ТОРВЛАД”, выступілі забудоўшчыкамі. Адразу ж пачалі праектаваць у сваім праектным бюро і ўзгадняць праект.



ПРЫЕХАЛІ Ў БЕЛАРУСЬ - ЗАРЭГІСТРУЙЦЕСЯ

Лета -- час адпачынку, сустрэчаў, далёкіх паездак. Найчасцей менавіта ў гэты сезон беларусы прымаюць у сябе родных і сяброў з іншых краін. Што, згодна з законам нашай рэспублікі, павінны памятаць гаспадары і іх госці, каб пазбегнуць непрыемнасцяў, карэспандэнтцы расказала В. І. Ламака, старшы інспектар групы па грамадзянстве і міграцыі АУС Дзятлаўскага райвыканкама.

-- Вольга Іванаўна, як доўга грамадзяне іншых краін могуць знаходзіцца ў Беларусі?
-- Замежныя грамадзяне, якія не збіраюцца доўгі час жыць у нашай рэспубліцы, а гэта звычайна турысты, госці, тыя, хто прыехаў на дзелавую сустрэчу, знаходзяцца тут часова. Тэрмін часовага знаходжання вызначаецца тэрмінам дзеяння візы і не можа перавышаць 90 сутак за каляндарны год з дня першага ўезду ў Беларусь, калі іншае не абумоўлена заканадаўствам.



АБ ВЫНІКАХ ПРАВЕРАЧНЫХ МЕРАПРЫЕМСТВАЎ

Камітэтам дзяржаўнага кантролю Гродзенскай вобласці працягнута практыка абмеркавання вынікаў праверачных мерапрыемстваў і пытання аб памеры штрафных санкцый, якія выносяцца па іх з удзелам працоўнага калектыву.

У ходзе разгляду, куды былі запрошаны члены працоўнага калектыву СВК “Алекшыцы” Бераставіцкага раёна і яго кіраўнік, прадстаўнікі Камітэта вобласці падрабязна расказалі аб выяўленых парушэннях і прадугледжанай адміністрацыйнай адказнасці, а таксама праінфарміравалі калектыў аб рабоце Камітэта дзяржаўнага кантролю, задачах, якія стаяць перад імі.



АПЕРАЦЫЯ “МАК” - 2013

Штогадовае правядзенне на тэрыторыі Рэспублікі Беларусь з 1 чэрвеня па 31 жніўня спецыяльнай праграмы “Мак” з’яўляецца абгрунтаванай мерай, каб знішчыць наркатычную сыравінную базу, ліквідаваць умовы, якія стымулююць незаконны абарот наркотыкаў расліннага паходжання.

У сваёй большасці ўчасткі вырастання наркаўтрымліваючых раслін невялікія. Аднак ёсць выпадкі выяўлення мініплантацый. У асноўным выяўленыя пасевы з’яўляюцца “безгаспадарчымі”, іншымі словамі -- дзікарослымі, але падобныя “зялёныя пасадкі” не варта недаацэньваць, бо ў вызначаны час яны становяцца месцамі масавага паломніцтва наркаспажыўцоў, бо служаць крыніцай бясплатнага атрымання дурману.



МЕСЦА СУСТРЭЧЫ - МІНСК

Беларускаму таварыству інвалідаў - 25 гадоў

На працягу чэрвеня ў Беларусі вялася падрыхтоўка да ўрачыстасцяў, прымеркаваных да 25-годдзя Беларускага таварыства інвалідаў. У кожнай вобласці нашай краіны адбываліся культурна-масавыя мерапрыемствы з удзелам людзей з абмежаванымі магчымасцямі, выставы дэкаратыўна-прыкладной творчасці. Усё гэта праходзіла ў атмасферы душэўнага цяпла, дарыла радасныя сустрэчы і новыя знаёмствы.

Урачыстыя мерапрыемствы да 25-годдзя Беларускага таварыства інвалідаў прайшлі на пачатку ліпеня ў Мінску.

4 ліпеня пачала работу Міжнародная канферэнцыя, на якой абмяркоўвалася Канцвенцыя ААН аб правах інвалідаў. Галоўнае пытанне, якое разглядалася ў час мерапрыемства, -- далучэнне Беларусі да гэтай Канвенцыі ААН.