ліпень

warning: Creating default object from empty value in /var/www/t-av/data/www/dyatlovo.info/modules/taxonomy/taxonomy.module on line 1390.


Міжабласны шахматна-шашачны турнір

Арыгінальны шахматна-шашачны турнір адбыўся 3 — 4 ліпеня ў Дзятлаве. Чатыры каманды з трох абласцей Беларусі — Гродзенскай, Брэсцкай, Мінскай — спаборнічалі адначасова ў двух відах барацьбы на клеткавых дошках — у шахматах і шашках. Гульні праходзілі на пяці дошках адпаведна колькасці спартсменаў у кожнай камандзе. Адну партыю кожная пара сапернікаў гуляла ў шахматы, другую — у шашкі. У складзе камандаў выступілі майстры спорту, кандыдаты ў майстры і першаразраднікі.

Вынікам гібрыднага саперніцтва стала перамога гаспадароў турніру. Дзятлаўчане набралі 16,5 ачка і на адно ачко апярэдзілі сярэбранага прызёра каманду з горада Стаўбцы (Мінская вобласць). Па 14 ачкоў набралі каманды са Слоніма (Гродзенская вобласць) і Баранавічаў (Брэсцкая вобласць) і падзялілі трэцяе месца. Такім чынам усе каманды сталі прызёрамі турніру.



НА АСП "ДЗЯТЛАЎСКІ ВІННА-ГАРЭЛАЧНЫ ЗАВОД" ПАБУДАВАЛІ НОВЫ СКЛАД

Ha Дзятлаўскім вінна-гарэлачным заводзе ўведзены ў эксплуатацыю яшчэ адзін гаспадарчы аб'ект — новы складскі будынак. 3 гэтай нагоды на прадпрыемстве сустракалі гасцей, якія прынялі ўдзел ва ўрачыстым адкрыцці.

Дзятлаўшчыну наведалі выконваючы абавязкі генеральнага дырэктара УП "Гроднахарчпрам" I. Б. Марцінеўскі, калегі па галіне з Навагрудка і Слоніма, а таксама дырэктары Боркаўскага, Рагознінскага, Гальшанскага крухмальных заводаў. Сярод гасцей былі прадстаўнікі раённай і мясцовай улады і тыя, хто дапамагаў у будаўніцтве — генеральны падрадчык ТАА "Полымя", Дзятлаўскае прадпрыемства меліярацыйных сістэм.



БАЦЬКІ П'ЮЦЬ - ПАКУТУЮЦЬ ДЗЕЦІ

HE СТРАЦІЦЬ АПОШНІ ШАНЦ

У сям'і гадуюцца чацвёра дзяцей, але бацькі больш клапоцяцца аб тым, дзе знайсці спіртное, чым аб іх выхаванні. Сын жонкі, наогул, жыве з бабуляй, дзе чыста, спакойна, ёсць харчовыя прадукты і ўпэўненасць у заўтрашнім дні. Дзецям мужа даводзіцца цярпець неналаджаны быт.

На падворку і ў хаце, дзе жыве сям'я, брудна і няўтульна. Работнікі раённага аддзела па надзвычайных сітуацыях папярэджвалі гора-бацькоў, што трэба прыбраць смецце, адрамантаваць дымаход і печ. Медыкі скардзіліся, што дарослыя мала ўвагі надаюць здароўю непаўналетніх: не прыходзілі на ФАП па лекі, не набылі вітаміны. Патрабаванні адказных службаў бацькі выконваюць часткова. Іх неаднаразова выклікалі на школьны савет прафілактыкі, прасілі добраахвотна прайсці лячэнне ад алкагольнай залежнасці, аднак просьбы ігнараваліся.



"СЯРЭБРАНАЯ" ГАРМОНЬ ВАСІЛЯ ШПІГАНОВІЧА

У Паставах прайшоў штогадовы Міжнародны фестываль народнай музыкі "Звіняць цымбалы і гармонь". Удзел у ім прыняў і дзятлаўчанін Васіль Шпігановіч — віртуоз ігры на гармоні. На фестывалі яго майстэрства адзначана дыпломам другой ступені. Таксама Васіль Мікалаевіч прывёз з пастаўскай зямлі памятны сувенір, а яшчэ шэраг эмоцый і ўражанняў ад мерапрыемства.

— Уражанні ад фестывалю толькі добрыя, — расказвае Васіль Мікалаевіч. — Ён сабраў музыкантаў з Беларусі, Літвы, Латвіі, Эстоніі, Украіны, Расіі. Адным словам, геаграфія гасцей фестывалю вялікая, усе — рускамоўныя людзі, што дало магчымасць пагутарыць, абмяняцца вопытам. Аб'яднала нас і музыка, якая не мае межаў і нацыянальнасці. Яна — вечная.
Фестываль доўжыўся два дні. Прыемна было паслухаць выкананне іншых канкурсантаў, чамусьці павучыцца. А таксама паглядзець на выступленні самадзейных артыстаў. Вельмі ўразіла танцавальнае майстэрства калектываў з Расіі. Увогуле, фестываль у Паставах — гэта мерапрыемства, якое трэба пабачыць, адчуць душой і сэрцам.



ВОПЫТ РАЁННЫХ "ДАЖЫНАК": РАКЛЕВІЧЫ

У раёне поўным ходам вядзецца падрыхтоўка да абласнога свята шанавання хлебаробаў, якое адбудзецца сёлета ў Дзятлаве. У гэтай сувязі дарэчы будзе згадаць, што немалы досвед правядзення "Дажынак" мае і сама Дзятлаўшчына. Свята работнікаў нівы, якое раней праводзілася ў райцэнтры, не так даўно перакачавала на раён — тры гады запар яго па чарзе прымалі Раклевічы, Жукоўшчына, Хвінявічы. Сёння варта пацікавіцца, як жывуць гэтыя аграгарадкі цяпер, і ўлічыць карысны вопыт падрыхтоўкі да свята "Дажынак" , які стане эфектыўным для развіцця раёна.

НАГОДА ДЛЯ СВЯТА - ПРАЦА СЕЛЬСКАЙ ГАСПАДАРКІ

Раённыя "Дажынкі-2012" праходзілі на базе аграгарадка Раклевічы Дзятлаўскага сельсавета і СВК "Русь-Агра", адной з буйных гаспадарак раёна. На сёння ў СВК 8,2 тысячы гектараў сельгасземляў, з іх 3,5 тысячы гектараў — ралля. У 2013 годзе быў узведзены новы збожжасушыльны комплекс "ЛідАрай" (кошт будаўніцтеа склаў 6,9 мільярда рублёў). У 2014 годзе валавы збор (у бункернай вазе) збожжа і кукурузы склаў 10,4 тысячы тон (пры ўраджайнасці 49,9 ц/га), бульбы — 2,5 тысячы тон (ураджайнасць — 194 ц/га), цукровых буракоў — 19,3 тысячы тон (ураджайнасць — 551 ц/га), рапсу — 805 тон (ураджайнасць — 25,2 ц/га), ільновалакна — 79 тон (ураджайнасць — 13,2 ц/га). Выручка ад рэалізацыі прадукцыі раслінаводства за 2014 год — больш за 21 мільярд рублёў.



КІРЫЛ КЕДУК. Яго творчы дзённік

Кірыл Кедук—беларускі піяніст з сусветным імем, лаўрэат больш чым 15 міжнародных конкурсаў. Артыст выступаў на самых прэстыжных канцэртных пляцоўках. У ліку іх — Steinway Hall у Нью-Ёрку, Mozarteum у Зальцбургу, Sala Verdi ў Мілане, Bridgewater Hall у Манчэстэры, Teatro Politeama Garibaldi ў Палерма, Hamarikyu Asahi Hall у Токіа. I гэта — за няпоўныя 28 гадоў.

На дасягнутым вядомы музыкант не спыняецца: сёлета аматары класічнай музыкі змогуць пабачыць на адной сцэне выступление Кірыла Кедука і вядомага беларускага віяланчэліста Івана Карызны, дарэчы, ураджэнца Дзятлаўшчыны. Іх сумесны еўрапеўскі тур пройдзе ў жніўні-верасні. Як узнікла яго ідэя, карэспандэнтка газеты пацікавілася непасрэдна ў Кірыла Кедука. Ён таксама адказаў на пытанні, якія датычацца жыцця і творчасці ўвогуле, а таксама захапленняў.



ЗОРНАЕ НЕБА НАТХНЯЕ НА ТВОРЧАСЦЬ

Зазірнуць у начное зорнае неба, палюбавацца ім, адлюстраваць у фарбах сваё ўяўленне пра космас і намаляваць свае прыгоды ў ім запрасілі юных мастакоў арганізатары 13-га Міжнароднага мастацкага конкурсу "Іншым noглядам", які праходзіў у польскім горадзе Саснавец. Ганаровымі папячыцелямі праекта былі Польскі нацыянаяьны камітэт ЮНІСЕФ і мэр горада Саснавец Аркадзюш Хенчынскі.

Сёлета на конкурс былі дасланы больш за 8 тысяч работ з розных краінаў свету. Два гады гэта лічба складала толькі 1500 работ. У гэтым ліку была і работа Паліны Лайло, выхаванкі Дзятлаўскай дзіцячай школы мастацтваў. Па выніках конкурсу дзяўчынка атрымала дыплом. Як і Анастасія Дарашкевіч —мінулагодняя ўдзельніца.



УСЁ ПАЧЫНАЕЦЦА з СЯМ'І

Хтосьці, жартуючы, сказаў, што чалавеку важна нарадзіцца ў патрэбны час у патрэбнай сям'і. Наша калега падгадала і час, і сям'ю. Яе бацькі — настаўнікі. Няўжо ў дзяцей акцёраў і педагогаў няма шанцаў на іншы выбар? Аказваецца, у спадчыну могуць перадавацца не толькі хваробы, але і прафесіі. як гэта здарылася з Наталляй Аркадзьеўнай Бойка.

Яе тата — Аркадзь Канстанцінавіч — працаваў настаўнікам гісторыі, матуля — Раіса Міхайлаўна — загадчыцай Лявонавіцкага дзіцячага сада. 3 самага дзяцінства Наталля Аркадзьеўна ведала, што таксама стане педагогам.

1994 год — за спінай 11 гадоў навучання ў школе. 1995-ы — перед Наталляй гасцінна расчыніліся дзверы Гродзенскага педагагічнага вучылішча. 1997-ы — яна, поуная творчай энергіі і спадзяванняў, стаіць перад малымі: цяпер яна — выхавальнік.



ЯКІЯ ПЫТАНHI ХВАЛЮЮЦЬ МОЛАДЗЬ

Доўжыцца раённы марафон па правядзенні сустрэчаў дэпутатаў раённага Савета дэпутатаў з моладдзю "Зрабі свой выбар!". На гэты раз рабочая група ў складзе старшыні раённага Савета дэпутатаў А. С. Бараноўскага, першага сакратара РК ГА "БРСМ" А. С. Чурай, інспектара інспекцыі па справах непаўналетніх А. А. Маціевіча ў фармаце адкрытага дыялогу гутарыла з моладдзю Дзятлаўскага і Дварэцкага сельскіх Саветаў.

Сустрэча прайшла ў аграгарадку Раклевічы. 3 асноўным дакладам аб рэалізацыі дзяржаўнай моладзевай палітыкі на Дзятлаўшчыне выступіла першы сакратар РК ГА "БРСМ" Анастасія Чурай. Старшыня раённага Савета дэпутатаў А. С. Бараноўскі расказаў мясцовай моладзі аб магчымасцях зваротаў да дэпутатаў. Аб правілах паводзінаў на вадзе ў летні перыяд і правілах супрацьпажарнай бяспекі нагадаў інспектар інспекцыі па справах непаўналетніх А. А. Маціевіч. Таксама ён расказаў аб пагрозе, якую тояць у сабе спайсы.



"РУБІНАВАЯ" ТАЙНА ОРДЭНА "ПЕРАМОГА"

Любая баявая ўзнагарода — салдацкая медаль "За адвагу" або ордэны, якімі адзначаліся толькі афіцэры вышэйшых званняў, — вартая павагі і шанавання. Аднак ордэн "Перамога" ў іх шэрагу займае асаблівае месца.

Падобных узнагародаў у свеце вельмі мала, да таго ж у гэтага ордэна ёсць свая адмысловая таямніца — з яго вырабам звязана вельмі драматычная гісторыя.

У 1943 годзе, калі ўжо была атрымана вялікая перамога, на Маскоўскую ювелірна-гадзіннікавую фабрыку паступіў сакрэтны заказ-загад на выраб ордэна "Перамога", падпісаны Вярхоўным Галоўнакамандуючым Іосіфам Сталіным. У катэгарычнай форме ён патрабаваў выкарыстоўваць для стварэння ордэна выключна айчынныя прыродныя мінералы і матэрыялы. Адных толькі каштоўных металаў — золата, плаціны, алмазаў, брыльянтаў і рубінаў — зрасходавалі на суму больш за 6,5 мільёна рублёў. У гады ваеннага ліхалецця гэта былі вельмі вялікія грошы.