Зінчанка І.

warning: Creating default object from empty value in /var/www/t-av/data/www/dyatlovo.info/modules/taxonomy/taxonomy.module on line 1390.


Навіны духоўнага жыцця - (29)

У ВЕНЗАЎЦЫ І РУДЗЕ ЯВАРСКАЙ – СВОЙ СВЯТАР

У Дзятлаўскім благачынні адбыліся чарговыя перамяшчэнні духавенства. У аграгарадку Вензавец і вёсцы Руда Яварская з’явіўся свой святар.
Святар Іаан Кісель згодна з указам №9 ад 26 сакавіка 2014 года, падпісаным архіепіскапам Навагрудскім і Лідскім Гурыем, накіраваны на служэнне ў храм святых апосталаў Пятра і Паўла аграгарадка Вензавец і храм святога Архістраціга Міхаіла вёскі Руда Яварская. Таксама айцу Іаану даручана ўзнаўленне храма на месцы разбуранай царквы святога вялікапакутніка Георгія Пабеданосца ў вёсцы Вялікая Воля, якое пачаў яго папярэднік іерэй Алексій Лаўнік.
Варта зазначыць, што ў іерэя Іаана Кісяля гэта не першыя храмы. У Слонімскім благачынні ён з’яўляецца настаяцелем храма святога вялікапакутніка Георгія Пабеданосца ў вёсцы Пасінічы і сумяшчае з пастырскімі абавязкамі вучобу на першым курсе Мінскай духоўнай акадэміі.
Іерэй Алексій Лаўнік, які раней служыў у храмах Вензаўца і Руды Яварскай, вызвалены ад служэння ў сельскіх храмах і прызначаны дапамагаць ажыццяўляць святарскае служэнне протаіерэю Мікалаю Пінчуку, настаяцелю храма Прэабражэння Гасподня горада Дзятлава.



ДЗЕЙНІЧАЕ СТУДЭНЦКАЕ НАВУКОВАЕ ТАВАРЫСТВА

У Жыровічах на базе Мінскай духоўнай акадэміі і семінарыі арганізавана студэнцкае навуковае таварыства.

Ініцыятыву стварыць навуковае таварыства сярод студэнтаў падтрымалі на аб’яднаным пасяджэнні кафедраў Мінскай духоўнай семінарыі яшчэ ў снежні мінулага года. Некаторы час спатрэбіўся для таго, каб зацвердзіць кіраўніцтва, палажэнне, вызначыць мэты і задачы таварыства. На пачатку лютага арганізацыя, якая аб’ядноўвае студэнцтва вышэйшых навучальных установаў, афіцыйна пачала працаваць.



ПАЧАЎСЯ ВЯЛІКІ ПОСТ

У праваслаўных хрысціян з панядзелка, 3 сакавіка, пачаўся асаблівы перыяд – Вялікі пост. У каталікоў ён пачынаецца двумя днямі пазней, з Попельнай серады, якраз 5 сакавіка.

Неабходнасць захоўваць Вялікі пост – патрабаванне адно са старажытнейшых. Яшчэ хрысціяне першых стагоддзяў прытрымліваліся святой Чатырохдзясятніцы (па ліку дзён, якія ўваходзяць у гэты перыяд), каб найбольш яскрава паказаць сваю любоў да пацярпелага за кожнага чалавека Выратавальніка, а таксама маральна ачысціцца, лепш падрыхтавацца да ўрачыстых успамінаў пра пакуты Хрыста і яго велічнага ўваскрэсення.



У ЖЫРОВІЧАХ ПРОЙДЗЕ СЕМІНАР “АНАСТАСІС”

З благаславення правячага архірэя Навагрудскай епархіі архіепіскапа Навагрудскага і Лідскага Гурыя з 28 лютага па 2 сакавіка ў Жыровічах пройдзе семінар “Анастасіс”.

Ён праводзіцца з 1994 года ў Жыровіцкім дзяржаўным аграрна-тэхнічным каледжы і збірае з розных краін святароў, дактароў-псіхатэрапетаўтаў, псіхолагаў. Запрашаюцца алкаголе- і нарказалежныя грамадзяне, іх родныя. Удзельнікі дзеляцца вопытам, напрацоўкамі, сіламі і надзеямі, з дапамогай якіх можна было б аказаць падтрымку тым, хто прыехаў са спадзяваннямі пазбавіцца ад згубнай залежнасці. Тэма гэтага семінара “Бог, як мы Яго разумеем (Духоўныя падмены)”.



Падзеі духоўнага жыцця

ПЕРШАЕ МЕСЦА – У КАЛЕКТЫВУ З НАГАРОДАВІЧАЎ

8 лютага ў Лідскім раённым доме культуры адбыўся фінальны канцэрт IX епархіяльнага фестывалю духоўных песнапенняў “Слава ў вышніх Богу”. З 36 гарадскіх, пасялковых і сельскіх харавых калектываў, якія ўдзельнічалі ў фестывалі, вызначылі лепшых.

Сёлета ад Дзятлаўскага благачыння прадставілі свае кампазіцыі два калектывы. У намінацыі “Гарадскі царкоўны ансамбль” журы падзяліла трэцяе месца паміж храмам Прэабражэння Гасподня горада Дзятлава (рэгент Святлана Пінчук) і Свята-Прэабражэнскім саборам горада Слоніма (рэгент Марыя Ляцецкая). Таксама сёлета ў фестывалі прымаў удзел дзіцячы царкоўны сельскі калектыў. Ён прадстаўляў храм свяціцеля Мікалая Цудатворцы вёскі Нагародавічы (рэгент Наталля Жданук) і па выніках выступленняў заняў першае месца.



НОВЫ ГОД – ЧАС ЦУДАЎ

Новы год – гэта свята, якое аб’ядноўвае ўсе пакаленні. Упрыгожаны горад пераліваецца ў начы дзясяткамі рознакаляровых агеньчыкаў. Пах елкі і мандарынаў кружыць галаву. Вясёлым смехам дзяцей, зніжэннем цэнаў на тавары ў магазінах, турботамі ў выбары падаркаў напоўнены дні. І не бяда, што няма снегу. Але кожны чалавек – і малады, і стары з нецярпеннем і хваляваннем чакае прыемных падарункаў, спаўнення запаветных мараў, свежых уражанняў, і, безумоўна, чакае больш шчаслівага і плённага года.

У гэтым няма нічога дрэннага. Любоў, клопат, увагу адзін да аднаго праяўляем мы нячаста. Добра, што ёсць такія дні, якія вырываюць нас з паўсядзённасці, мітусні і прымушаюць падумаць пра больш высокае і каштоўнае ў жыцці – нашых блізкіх. Аднак ва ўсяго гэтага ёсць і зваротны бок.
Пасля прыгатаванняў да свята пачынаецца, як казаў свяціцель Іаан Златавуст, прапаведнік хрысціянскага вучэння, “дьявольские всенощные гулянья, шутки, бранныя крики, ночные пляски и смешные забавы”.



СНЕЖАНЬ – ЗАВЯРШАЛЬНІК ГОДА

Ступаючы на вяршыню гары, чалавек адчувае гонар за пройдзены шлях і адначасова ціхую журботнасць, што ўсё завяршылася, мэта дасягнутая. Завяршаючы год, адчуваеш шчасце ад таго, што здолеў набыць досвед пераадолення цяжкасцяў, адкрыў для сябе нешта новае, сустрэў новых цікавых людзей.

Снежань – апошні, завяршальны адрэзак гадавога цыклу. Разам з тым, ён адчыняе дзверы беласнежнай марознай зіме, засумавалым з мінулай вясны санкам і лыжам. Назва апошняга месяца года – “снежань” – нагадвае аб тым, што зіма ўжо канчаткова ўступае ў свае правы: выпадае першы снег – галоўны атрыбут гэтай пары, ад моцных маразоў перахапляе дыханне, ночы становяцца святлейшымі ад беласнежнага покрыва.



СВЯТА-ЕЛІСЕЕЎСКІЯ АДУКАЦЫЙНЫЯ ЧЫТАННІ

7 снежня ў Навагрудку адбыліся ХІ Свята-Елісееўскія адукацыйныя чытанні. Яны былі прымеркаваны да 700-годдзя з дня нараджэння прападобнага Сергія Раданежскага і мелі назву “Прападобны Сергій. Русь. Спадчына, сучаснасць, будучыня”.

Пачаліся чытанні з малебна на пачатак любой добрай справы ў Свята-Нікольскім кафедральным храме горада Навагрудка.

На пленарным пасяджэнні чытанняў, якое праходзіла ў раённым Доме культуры, удзельнікі пазнаёміліся з дакладам архіепіскапа Гурыя, рэктара Мінскіх духоўных акадэміі і семінарыі, старшыні арганізацыйнага камітэта чытанняў “Значэнне абіцелі прападобнага Сергія Раданежскага ў духоўным і культурным жыцці Белай Русі”.



МОЛАДЗЬ НЕПАКОІЦЦА ПРА ЭКАЛОГІЮ

У Мінскай духоўнай семінарыі і акадэміі 30 лістапада і 1 снежня праходзіў ХІІ семінар студэнтаў вышэйшых навучальных установаў Беларусі.

Семінар наведалі больш за сотню студэнтаў з 45 вышэйшых навучальных установаў. Сярод іх -- прадстаўнікі Беларускага дзяржаўнага ўніверсітэта, Ваеннай акадэміі Рэспублікі Беларусь, Камандна-інжынернага інстытута МНС Рэспублікі Беларусь, Міжнароднага дзяржаўнага экалагічнага ўніверсітэта імя А. Д. Сахарава, Вышэйшага дзяржаўнага каледжа сувязі і іншых установаў.

Адкрываючы пасяджэнне секцый. правячы архіерэй Навагрудскай епархіі архіепіскап Навагрудскі і Лідскі Гурый адзначыў: “Усе мы сведкі таго, што дадзеныя Богам у карыстанне людзям прыродныя багацці і дары па-драпежніцку знішчаюцца дзеля атрымання прыбытку і задавальнення ненаеднага імкнення да набыцця самых разнастайных матэрыяльных выгодаў. Не задумваючыся пра лёс будучых пакаленняў, жывучы адным днём, сучасны чалавек на нашых вачах разбурае свой уласны дом -- планету Зямля і адначасова з гэтым губіць сваю ўласную душу, прыгнятаючы яе грахоўнымі запалам і заганамі. Аднак, захоўваючы ў сабе прыстойнасць вобраза Божага, чалавек застаецца той істотай, у якой, згодна з задумай Творцы, матэрыяльны сусвет атрымлівае значэнне і сэнс свайго існавання”.



СВЯТАР АЖЫЦЦЯЎЛЯЕ МАЛЕБНЫ ЗА ЦЯЖАРНЫХ

У храме пакутніка Іаана Воіна 28 лістапада прайшоў першы малебен аб цяжарных жанчынах. Яго здзейсніў святар храма іерэй Пётр Ткачэнка, кіраўнік Праваслаўнага Цэнтра ў абарону жыцця і сямейных каштоўнасцяў Навагрудскай епархіі ў гонар Жыровіцкай іконы Божай Маці.

Кожны месяц такія малебны праходзяць у гінекалагічным аддзяленні Слонімскай цэнтральнай раённай бальніцы. Але паколькі доступ на іх абмежаваны, з благаславення архіепіскапа Навагрудскага і Лідскага Гурыя, кіраўніка Навагрудскай епархіі, прынята рашэнне праводзіць такія богаслужэнні і ў прыходскім храме. Разам з цяжарнымі жанчынамі на малебен запрашаюцца і будучыя таты.