Васько В.

warning: Creating default object from empty value in /var/www/t-av/data/www/dyatlovo.info/modules/taxonomy/taxonomy.module on line 1390.


УСЁ ПАЧЫНАЕЦЦА З КАХАННЯ…

Дзень усіх закаханых, які адзначаецца 14 лютага, існуе ўжо больш за 16 стагоддзяў.

Гэта свята прысвечана перамозе святла Сонца над цёмнымі днямі зімы. Таксама гэта час для вянчанняў і выдатны час для вяселляў. У гэты дзень закаханыя абменьваюцца прызнаннямі ў каханні, дораць адзін аднаму падарункі з сімваламі кахання, сустракаюцца ў рамантычнай абстаноўцы і ўсімі спосабамі праяўляюць свае пачуцці.

Існуе павер'е, што першы мужчына, які спаткаўся дзяўчыне 14 лютага, павінен стаць яе Валянцінам.

Другая прыкмета гаворыць, што калі ў Дзень святога Валянціна дзяўчына бачыць малінаўку, то выйдзе замуж за марака, калі бачыць вераб'я, то выйдзе замуж за бедняка і будзе з ім шчаслівая, калі шчыгла -- за мільянера.

Існуе таксама традыцыя, па якой маленькія сімвалы хаваюць у торце. Калі, напрыклад, у сваім кавалачку торта знайсці манетку, гэта азначае, што той, хто знайшоў, паспяхова жэніцца або выйдзе замуж, зярняткі рысу прадказваюць вяселле.

Трэба адзначыць, што Дзень святога Валянціна папулярны ўсё ж такі не ўсюды. Напрыклад, у Саудаўскай Аравіі гэта свята наогул забаронена. У краіне нават існуе спецыяльная камісія, якая строга сочыць за тым, каб Дзень закаханых ніхто не адзначаў.

У пачатку XIX стагоддзя ў амерыканцаў з'явіўся звычай -- у Дзень святога Валянціна дарыць закаханым фігуркі з марцыпану. А дзеці ў гэты дзень дораць падарункі хворым і адзінокім людзям.



ЯК ЗАХАВАЦЬ ЗДАРОЎЕ ШКОЛЬНІКА

Медыкі склалі рэйтынг школьных напасцяў і суправадзілі парадамі, як гэтых напасцяў пазбегнуць.

НАПАСЦЬ ПЕРШАЯ. ГАСТРАНАМІЧНАЯ

“Школьная ежа вінаватая”, — думаюць бацькі, гледзячы, як іх дзіця мучыцца жыватом. Хранічныя гастрыты (гэта значыць, запаленне слізістай абалонкі страўніка) выклікае не сапсаваная ежа дрэнных сталовых, а цэлы комплекс розных фактараў: стрэсы, якіх у школьнікаў звышдастаткова, нерэгулярнае харчаванне, нездаровая ежа (любімыя дзецьмі газаваныя напоі, прадукты з кансервантамі, фарбавальнікамі, рознымі харчовымі дабаўкамі).
Часцей за ўсё гастрыты ўзнікаюць у дзяцей у той час, калі яны пачынаюць хадзіць у школу, і ў 14—15 гадоў, у перыяд гарманальнай перабудовы, якая “збівае” работу многіх сістэм арганізма: можа прывесці да парушэння кіслотнасці ў страўніку або да функцыянальных парушэнняў страўнікава-кішачнага тракту.



ШТО ВАШ ВЫГЛЯД КАЖА ПРА ЗДАРОЎЕ?

Ацёклыя ступні — гэта можа быць сігнал не толькі таго, што ў вас цесныя чаравікі, але і пачатку сардэчнай недастатковасці.

Мяшкі пад вачыма — не толькі ад недахопу сну, але і знак таго, што ў вашай дыеце зашмат солі.

Сухая скура — у вас магчымы дыябет, зніжэнне актыўнасці шчытападобнай залозы або атэрасклероз.

Зморшчыны — могуць быць не толькі ад старасці, але і ад порыстасці касцей.

Выпаданне валасоў — у жанчын гэта можа быць звязана з недахопам або празмернасцю гармону шчытападобнай залозы.



СВЕЧКА ГАРЭЛА НА СТАЛЕ...

З чаго пачынаецца ароматэрапія? Калі спытаць аб гэтым спецыяліста, ён скажа -- з аромасвечак. Аромасвечкі -- гэта гатовы прадукт, з разлічанай дозай эфірных масел і гарманічна падабраным складам. Вось чаму ўсе, хто пачынае займацца такой прывабнай справай, як ароматэрапія, пачынаюць сваё знаёмства са светам водараў менавіта са свечак.

Працуе аромасвечка вельмі проста. Агонь у свечцы разагравае эфірнае масла, якое ўваходзіць у склад свечкі, і прастора напаўняецца гамай дзіўных водараў. Аромасвечкі дапамагаюць зняць стрэс, павысіць канцэнтрацыю ўвагі, расслабіць цела, супакоіць душу. Яны ствараюць утульную атмасферу, якая падтрымліваецца цяплом і святлом агню.



Апавяданні

ДЗЁННАЯ ЗОРКА

Аля з мамай ішла ў дзіцячы сад.
Дзяўчынка – кемлівая і дапытлівая, любіць прыдумваць розныя небыліцы. Для яе феі і гномы такія ж рэальныя, як і людзі ў родным горадзе.



БЯСПЕЧНАЕ ХАРЧАВАННЕ

Чай разам з садавінай можна ўнесцi ў спiс прадуктаў, якiя складаюць аснову здаровага харчавання. Гэты напой валодае бактэрыцыдным дзеяннем, прычым, чым вышэй гатунак чаю, тым вышэй антыбактэрыяльная актыўнасць. Гэты напой нармалiзуе работу кiшэчнiка i карысны для жанчын у клiмактэрычны перыяд.

Што датычыцца, напрыклад, зялёнага чаю, то варта мець на ўвазе адну акалiчнасць: яго колер з’яўляецца ледзь цi не асноўным наглядным паказчыкам якасцi. Чым больш светлае зялёнае адценне мае лiст, тым вышэйшы гатунак.

Iснуе неверагодна вялiкая колькасць гатункаў чорнага чаю. Яго можна назваць яшчэ “спелым”: лiсце паступова налiваецца сокам i чарнее на паветры накшталт разрэзанага яблыка.



ПРА РЫЗЫКУ ІНФАРКТУ…

Лічыцца, што кардыехваробы – незайздросная доля моцнай паловы чалавецтва. Ці так гэта?

Сапраўды, ішэмічная хвароба сэрца і гіпертанія больш распаўсюджаны сярод мужчын ва ўзросце да сарака гадоў. У жанчын да пары да часу ёсць магутны ахоўны фактар – палавыя гармоны эстрагены, якія падтрымліваюць тонус крывяносных сасудаў і звычайны ўзровень халестэрыну.

Але настае менапаўза, утрыманне эстрагенаў у крыві змяншаецца, і па частаце сардэчных недамаганняў жаночыя сэрцы хутка даганяюць мужчынскія.

Да 59 гадоў сэрца сваволіць у абодвух палоў прыкладна аднолькава, а пасля 60-ці жанчыны вырываюцца ў лідары.



ПРАФІЛАКТЫКА ГРЫПУ I ПРАСТУДЫ

1. Будзьце дрэнным носьбітам вipyca
Гэта значыць, не дазваляйце імуннай сістэме аслабнуць настолькі, што яна ўжо не зможа справіцца з вipycaм. Мы ж не “падхопліваем” хваробу, а дазваляем ёй актывізавацца ў арганізме. Каб умацаваць імунную сістэму, трэба есці больш сырой гародніны, абмежаваць выкарыстанне цукру i кафеіну, адмовіцца ад алкаголю. Рэгулярна займайцеся фізкультурай, старайцеся не злавацца i не нервавацца.

2. Піце імунатанізуючыя адвары
Жменю хвoi (канцавыя галінкі 20-30 см) заліце ў эмаліраванай каструлі двума літрамі вады, дадайце лыжку здробненага цыбульнага шалупіння i маленькую лыжачку кораня салодкі (можна парашку). Кіпяціце ўсё 20 хвілін на слабым aгнi. Пасля гэтага дадайце 2 лыжкі здробненых пладоў шыпшыны i кіпяціце яшчэ паўхвіліны. Наліце ў тэрмас i патрымайце там 10-12 гадзін, затым працадзіце, давядзіце да кіпення i астудзіце. Адвар захоўвайце ў халадзільніку, але перад выкарыстаннем абавязкова падагравайце да хатняй тэмпературы або трошкі цяплей. Піць можна без асаблівай нормы. Такі сродак ад прастуды i грыпу выводзіць з арганізма шлакі, дае моцны эфект вітамінізацыі, папярэджвае многія хваробы.



КУРАГА, РАЗЫНКІ, АРЭХІ, МЁД -- У ЧЫМ ІХ КАРЫСЦЬ?

Устойлівасць нашага арганізма да розных хваробаў народныя дактары раяць умацоўваць пры дапамозе нескладанага, але вельмі смачнага рэцэпта -- курага, разынкі, арэхі, мёд. Вам трэба будзе толькі прыгатаваць такую страву, і зарад здароўя будзе забяспечаны. Карыснай гэта страва будзе і для дарослых людзей, якія маюць сардэчныя хваробы, схільныя да арытміі, паколькі курага -- багатая крыніца калію.

Прыгатаваўшы гэты вітамінны кактэйль: курага, разынкі, арэхі, мёд -- можна павысіць узровень гемаглабіну, прывесці ў норму ціск. Дзеці павінны ацаніць гэта як ласунак і як лекі адначасова. Прымаць яго неабходна раніцай да ежы -- па 1 чайнай лыжцы.

Асцярожнымі трэба быць тым, у каго ёсць алергія на любы з прадуктаў, якія ўваходзяць у склад стравы, і дзецям да трох гадоў.



ЯК ДАПАМАГЧЫ ДЗІЦЯЦІ ВУЧЫЦЦА

Старайцеся больш размаўляць са сваім дзіцём. У аснове ўсяго ляжыць наша мова. Чым лепш развіта ўменне правільна і зразумела фармуляваць свае ідэі і думкі, адстойваць і выказваць пункт гледжання, дыскутаваць і выкладаць матэрыял, тым больш паспяховым будзе чалавек ва ўсіх сферах сваёй дзейнасці, асабліва, калі гэтыя навыкі развіваліся з дзяцінства.

Старайцеся часцей размаўляць з дзіцём, пытацца, што здарылася ў дзіцячым садзе, што яму спадабалася на прагулцы, якія героі з мультфільмаў яму падабаюцца і г.д. Чым больш дарослае дзіця, тым часцей варта закранаць у размовах яго перажыванні, пачуцці, новы вопыт. Падштурхоўвайце дзіця да выказвання думкі пра навакольны свет, да падрабязнага аналізу таго, што адбываецца вакол: у свеце, у краіне, у горадзе.