Муха А.

warning: Creating default object from empty value in /var/www/t-av/data/www/dyatlovo.info/modules/taxonomy/taxonomy.module on line 1390.


Памятайце пра флікеры

Нягледзячы на прымаемыя меры бяспекі, расце колькасць аварый, учыненых па віне пешых удзельнікаў дарожнага руху. Сёлета на дарогах Гродзеншчыны за 9 месяцаў учынены 83 такія аварыі (у 2010 — 74), загінулі 26 (26) і паранены 62 (49) пешаходы, з іх смяротна траўмаваны 18 чалавек, што склала 69%. У 38 выпадках пешаходы знаходзіліся ў стане алкагольнага ап'янення (у 2010 годзе — толькі ў 18), у выніку загінулі 14 (5) і паранены 26 (13) чалавек.

73 наезды на пешаходаў адбыліся ў цёмны час сутак, толькі 24 пешаходы былі абазначаны флікерамі (у 2010 годзе ў 74 наездах — 36). Пачасціліся наезды на п'яных пешаходаў, якія сядзяць або ляжаць на дарозе. Сёлета зарэгістраваны ўжо 6 такіх здарэнняў.



У якім тэхнічным стане ваш аўтамабіль?

3 10 па 20 лістапада на тэрыторыі Рэспублікі Беларусь, у тым ліку і Дзятлаўскага раёна, дзяржаўтаінспекцыяй сумесна з УП "Белтэхагляд" праводзіцца прафілактычная дэкада пад назвай "Дзяржтэхагляд".

Мэта названага мерапрыемства — прафілактыка дарожна-транспартных здарэнняў, прычынай якіх стала тэхнічная няспраўнасць транспартных сродкаў.

Дзяржаўтаінспектары будуць адсочваць на дарогах і спыняць транспарт з нездавальняючым знешнім выглядам і яўнымі прыкметамі тэхнічнай няспраўнасці, а таксама транспартныя сродкі, якія не прайшлі дзяржтэхагляд.



Рыхтуемся да зімы

Пагаршаецца надвор'е, а з ім і ўмовы дарожнага руху. Істотна ўскладняюць эксплуатацыю транспартных сродкаў і павышаюць верагоднасць аварый дажджы, снегапады, галалёд і галаледзіца.

Сярод асноўных прычын аварый у час непагадзі — няправільны выбар бяспечнай хуткасці руху з улікам метэаралагічных і дарожных умоваў, а таксама летнія пакрышкі, якія аўтааматары не заўжды паспяваюць памяняць на зімовыя.

Значную ролю іграе і чалавечы фактар: за кароткі прамежак часу цяжка настроіць сябе псіхалагічна, памяняць манеру кіравання ў новых дарожных умовах і пры кепскім надвор'і. Такая язда патрабуе асаблівай увагі і добрых навыкаў кіравання.



"Дзіця - галоўны пасажыр"

У 2011 годзе ў 438 дарожна-транспартных здарэннях на тэрыторыі Беларусі загінулі 32 (+14,3%) і атрымалі траўмы 444 (+8,6%) дзіцяці. Сёлета на дарогах Гродзеншчыны за 9 месяцаў у 55 аварыях загінулі 3 і траўмаваны 54 дзіцяці. У 26 дарожнатранспартных здарэннях загінулі 2 і паранены 25 дзяцей-пасажыраў. За адпаведны перыяд мінулага года ДТЗ з гібеллю дзяцей не зарэгістравана.

У мэтах прафілактыкі дзіцячага траўматызму з 20 па 30 кастрычніка праходзіла дэкада па бяспечнай перавозцы дзяцей "Дзіця — галоўны пасажыр". Узмоцнены кантроль за захаваннем правілаў перавозкі дзяцей.



Як і дзе захоўваць свой аўтамабіль

3годна з палажэннем Указа Прэзідэнта Рэспублікі Беларусь №348 ад 9.08.2011 года, забараняецца пакідаць у неахоўваемых, непрызначаных для захоўвання месцах транспартныя сродкі, у якіх адсутнічаюць шкло, колы, элементы кузава або іншыя часткі, прадугледжаныя канструкцыяй, маецца дэфармацыя, знешнія пашкоджанні, з-за якіх забараняецца удзел у дарожным руху, або немагчыма эксплуатацыя.

Да гэтай жа катэгорыі адносяцца транспартныя сродкі, якія не эксплуатуюцца больш за 6 месяцаў з дня заканчэння тэрміну дзеяння дазволу на іх допуск да ўдзелу ў дарожным руху, калі ўласнік не падтрымлівае належны стан такога транспартнага сродка з намерам яго далейшай эксплуатацыі.



Дзень без аўтамабіля

Чарговая сусветная акцыя пад такой назвай пройдзе ў Беларусі 22 верасня 2011 года. Яна скіравана на прыцягненне ўвагі насельніцтва краіны да вырашэння экалагічных праблем па зніжэнні ўзроўню забруджвання атмасфернага паветра адпрацаванымі газамі аўтамабіляў.

Нягледзячы на тое, што аўтатранспартны комплекс з'яўляецца важнейшай галіной эканомікі, якая задавальняе патрэбы грамадства ў перевозках, ён у той жа час — крыніца буйнейшага забруджвання навакольнага асяроддзя. У маштабах краіны на долю транспарта даводзіцца 72% (у гарадах — 65-80%) ад агульнай колькасці выкідаў забруджваючых рэчываў у паветра.



П'янаму за рулем - не месца

За 7 месяцаў 2011 года на тэрыторыі Гродзенскай вобласці па віне п'яных вадзіцеляў адбыліся 38 дарожна-транспартных здарэнняў, у якіх 7 чалавек загінулі, 48 атрымалі раненні. На тэрыторыі нашага раёна за названы перыяд такімі вадзіцелямі ўчынены 2 аварыі, у якіх загінуў адзін чалавек і яшчэ адзін быў паранены.

У большасці выпадкаў дарожныя здарэнні з удзелам нецвярозых вадзіцеляў маюць цяжкія наступствы. Бо п'янага за рулём не хвалююць ні дзеці, якія пераходзяць дарогу, ні забараняючыя знакі. Нават самага вопытнага вадзіцеля алкаголь здольны ператварыць у "ліхача" і нават зрабіць злачынцам. Не выпадкова сёння абмяркоўваюцца і разглядаюцца розныя варыянты ўзмацнення адказнасці за кіраванне транспартам "пад градусам".



Абсталюем павозкі

Практыка мінулых гадоў сведчыць, што са скарачэннем працягласці светлавога дня рэзка ўзрастае колькасць дарожна-транспартных здарэнняў з удзелам пешаходаў, веласіпедыстаў і гужавога транспарту, у якіх часта гінуць людзі. У асноўным такія аварыі адбываюцца ў цёмны час сутак.

Як правіла, асноўнай прычынай здарэнняў з'яўляецца тое, што вышэйназваная катэгорыя ўдзельнікаў дарожнага руху найчасцей грэбуе патрабаваннямі правіл дарожнага руху — не абазначаюць транспарт і сябе святлоадлюстроўваючымі элементамі.



Цішэй едзеш - далей будзеш

Ігнараванне хуткасці дарожнага руху — адна з самых частых прычын аварый. Сёлета з-за няправільна выбранай хуткасці руху на тэрыторыі раёна адбылося 7 дарожна-транспартных здарэнняў, у якіх 2 чалавекі загінулі, 7 — атрымалі раненні.

Так, 17 ліпеня, каля 4 гадзін раніцы, жыхар горада Слоніма, які рухаўся на аўтамабілі "ВАЗ", у вёсцы Падвялікае Дзятлаўскага раёна на закругленні дарогі не справіўся з кіраваннем, з'ехаў у кювет і перакуліўся. Пасажыр, які знаходзіўся ў салоне машыны, загінуў.

Дзяржаўтаінспекцыя ўзмацніла кантроль за захаваннем хуткаснага рэжыму. У большасці выпадкаў — гэта скрыты кантроль за дарожным рухам, які дазваляе дакладна выявіць парушальнікаў.



У аварыі пацярпела дзіця

Раніцай 1 жніўня ў пасёлку Казлоўшчына жыхар горада Дзятлава, які кіраваў машынай "Фольксваген" і спрабаваў аб'ехаць прыпаркаваны аўтамабіль, наехаў на сямігадовае дзіця. Яно нечакана выбегла на праезную частку дарогі з-за прыпаркаванай машыны і трапіла пад колы "Фольксвагена". 3 атрыманымі цялеснымі пашкоджаннямі малое дастаўлена ў бальніцу.

У сувязі са здарэннем, Дзятлауская дзяржаўтаінспекцыя просіць бацькоў непаўналетніх дзяцей паклапаціцца пра іх бяспеку. Навучыце дзяцей правільна паводзіць сябе на дарозе, каб іх дзеянні былі прадказальнымі для астатніх удзельнікаў руху.