Лазоўская Л.

warning: Creating default object from empty value in /var/www/t-av/data/www/dyatlovo.info/modules/taxonomy/taxonomy.module on line 1390.


САНІТАРНЫЯ ПРАВІЛЫ ДЛЯ ЦЫРУЛЬНЯЎ

Наведваючы цырульню, кожны хоча атрымаць станоўчыя эмоцыі і ўнесці што-небудзь новае ў свой вобраз. Аднак наведвальніку цырульні варта ведаць і некаторыя моманты, якія датычацца яго здароўя.

Па-першае, звярнуць увагу на тое, якім чынам апрацоўваюцца інструменты цырульніка. Кожнае працоўнае месца цырульніка і майстра па манікюры павінна быць забяспечана не менш як трыма наборамі інструментаў. Апрацаваныя інструменты павінны захоўвацца ў ёмістасцях з накрыўкамі, якія забяспечваюць ахову ад магчымага забруджвання.

Пры аказанні паслугаў павінна выкарыстоўвацца толькі індывідуальная для кожнага кліента бялізна або аднаразовыя ручнікі.



КАБ АДЧУВАЦЬ СЯБЕ Ў НОРМЕ

Калі вы адчуваеце, што вам або вашаму дзіцяці хочацца ўвесь час спаць, з’яўляецца слабасць, часта баліць галава, хутчэй за ўсё, гэта авітаміноз. Недахоп любога вітаміну ў арганізме прыводзіць да парушэння асноўных біяхімічных працэсаў.

Бледнасць і стомленасць могуць сведчыць аб недахопе вітаміну С. Папоўніць яго дапамогуць адвар шыпшыны, цытрусавыя, чорныя парэчкі. Трэшчынкі на вуснах, валасы і пазногці, якія сякуцца і слаяцца, гавораць пра дэфіцыт вітаміну А. Яго шмат у моркве, сметанковым масле, яйках. Калі дзіця стала капрызнае, дрэнна спіць ноччу – тут відавочны недахоп вітамінаў групы В. Паспрабуйце разнастаіць рацыён грэцкімі арэхамі, жытнім хлебам і рысам.



АБ ВЫНІКАХ МАНІТОРЫНГУ МАГАЗІНАЎ

Згодна з пастановай галоўнага дзяржаўнага санітарнага доктара ад 6.01.2012 года №2 “Аб актывізацыі і павышэнні эфектыўнасці выканання санітарна-эпідэміялагічнага заканадаўства гандлёвымі аб’ектамі, рыначнымі ўтварэннямі, аб’ектамі грамадскага харчавання, прыдарожнага сэрвісу” спецыялісты раённага цэнтра гігіены і эпідэміялогіі на працягу 2013 года праводзілі маніторынг і праверкі гандлёвых аб’ектаў Дзятлаўскага раёна.

Найбольш частыя парушэнні на гандлёвых аб’ектах – гэта рэалізацыя недабраякаснай прадукцыі і не надежная чысціня гандлёвага, халадзільнага абсталявання і памяшканняў аб’ектаў.



ЗІМОВЫЯ ПРАВІЛЫ ХАРЧАВАННЯ

У халодную пару года неабходна перагледзець свой штодзённы рацыён і прытрымлівацца некаторых “зімовых” правілаў харчавання.

Неабходна павялічыць каларыйнасць і “энергаёмістасць” ежы. Зімой рабіце акцэнт на так званы “цяжкі” бялок, вельмі неабходны для імунітэту – мяса, рыбу, птушку. Таксама неабходны нашаму арганізму і малочны бялок. Кожны дзень выпівайце 1-2 шклянкі малака, кефіру, ражанкі або іншых малочных прадуктаў. Абавязкова павінна прысутнічаць у меню сезонная агародніна: белакачанная капуста, брокалі, пастарнак, тапінамбур, рэпа, буракі, морква, цыбуля, бульба; а таксама злакі, зерневыя кашы і хлеб. Арганізму неабходныя “марудныя” вугляводы, якія аддаюць сваю энергію паступова і раўнамерна.

Каб ад правільнага зімовага харчавання не набраць лішнюю вагу, лепш ужываць вугляводы ў першай палове дня, а на вячэру есці нятлустае мяса, рыбу з вялікай колькасцю зяленіва або нізкакаларыйныя кісламалочныя прадукты. І як мага больш рухацца. Чым больш вы будзеце рухацца, тым больш актыўна будзе працаваць абмен рэчываў, і ў вас будзе больш энергіі для жыццядзейнасці.



ПРЫНЦЫПЫ РАЦЫЯНАЛЬНАГА ХАРЧАВАННЯ

Рацыянальнае харчаванне ўяўляе сабой максімальна збалансаванае спалучэнне ў рацыёне чалавека тлушчоў, вугляводаў, бялкоў, вітамінаў, амінакіслотаў, мікраэлементаў і іншых рэчываў. Правільны падыход да харчавання дазваляе пазбегнуць мноства праблемаў са здароўем (расстройства імунітэту, атэрасклероз, атлусценне, захворванні органаў стрававання і іншыя).

Асноўныя прынцыпы рацыянальнага харчавання:
1. Умеранасць. Колькасць ежы, якая паступае ў наш арганізм і ператвараецца ў энергію, павінна быць роўная энергетычным затратам.
2. Усе харчовыя рэчывы павінны быць строга збалансаваныя. Кожны дзень наш арганізм павінен атрымліваць прыкладна 70 розных інгрэдыентаў. Ідэальныя суадносіны бялкоў, тлушчоў і вугляводаў – 1:1:5.
3. Разнастайнасць у рацыёне. Старайцеся ўжываць не адныя і тыя ж прадукты, а, наадварот, -- імкніцеся максімальна пашырыць сваё меню.
4. Рэжым харчавання. Усе прыёмы ежы павінны быць у адзін і той жа час. Важна таксама граматна размеркаваць агульную колькасць калорый на ўвесь дзень (сняданак – не больш за 30% ад сутачнай каларыйнасці, абед – 40%, вячэра – 20%, падвячорак – 10%).



КАБ НЕ АТРУЦІЦЦА ГРЫБАМІ

У Дзятлаўскім раёне ў верасні бягучага года зарэгістраваны 2 выпадкі атручвання грыбамі. Верагодна, прычынай гэтага сталі сыраежкі, якія щжыли щ ежу муж і жонка. Яны былі шпіталізаваны ў рэанімацыйнае аддзяленне Дзятлаўскай раённай бальніцы. Дзякуючы своечасоваму звароту і дапамозе медыкаў, пацярпелыя засталіся жывыя.

Дзятлаўскі раённы цэнтр гігіены і эпідэміялогіі нагадвае: атруціцца можна ядавітымі грыбамі, а таксама ядомымі -- у выпадку, калі яны сапсаваныя(доўга захоўваліся, заплесневелі), калі яны няправільна прыгатаваныя.



ПРАВІЛЫ ЗДАРОВАЙ ВУЧОБЫ

Перш, чым накіраваць дзіця ў школу, варта паклапаціцца пра тое, каб наведванне ўрокаў прынесла яму веды, а не хваробы. Што трэба рабіць, каб пазбегнуць гэтага?

Па-першае, патрэбна ўстанавіць для дзіцяці рэжымы сну, вучобы і адпачынку, паколькі невыканнанне іх часцей за ўсё прыводзіць да хранічнай стомленасці. Пра тое, што яна ёсць у дзіцяці, сведчыць наступнае: яно не можа заснуць вечарам, пачынае патрабаваць дзённага сну, хаця ўжо даўно ад яго адмовілася. Узнікаюць і праблемы з апетытам: дзіця кепска есць, зусім адмаўляецца ад сняданка, нярэдка страчвае вагу да канца навучальнага года. Дзеці таксама скардзяцца на галаўны боль, у іх часта падымаецца ціск.



НАБЫВАЮЧЫ ПРАДУКТЫ ХАРЧАВАННЯ, ВЕДАЙЦЕ…

Наведваючы харчовыя магазіны і пункты грамадскага харчавання, далёка не ўсе спажыўцы ўяўляюць, па якіх правілах і нарматывах павінны адпускацца такія тавары. Вось што трэба ведаць спажыўцу пры куплі прадуктаў харчавання.
* Нельга набываць прадукты харчавання з сышоўшымі тэрмінамі захоўвання, відавочнымі прыкметамі псавання і без дакументаў, якія пацвярджаюць іх якасць і бяспечнасць.
* Сапсаваная ці падазроная па якасці прадукцыя, тавары з сышоўшымі тэрмінамі выкарыстання павінны захоўвацца ізалявана ад дабраякаснай прадукцыі.
* Патрабаваць у прадаўца (пры неабходнасці) дакументы, якія пацвярджаюць якасць і бяспечнасць прадуктаў харчавання.
* Выкарыстоўваць толькі чыстыя кошыкі пры набыцці прадуктаў харчавання.
* У халадзільным абсталяванні захоўванне сырой і гатовай прадукцыі, якая хутка псуецца, павінна ажыццяўляцца паасобку, як і водпуск яе на розных шалях.



АБ ВЫНІКАХ МАНІТОРЫНГУ ГАНДЛЁВЫХ АБ’ЕКТАЎ

На працягу студзеня-лютага 2013 года спецыялісты ДУ “Дзятлаўскі райЦГЭ” ажыццяўлялі кантроль за выкананнем пастановы Галоўнага дзяржаўнага санітарнага доктара РБ ад 06.01.2012 года №2 “Аб актывізацыі і павышэнні эфектыўнасці выканання санітарна-эпідэміялагічнага заканадаўства гандлёвымі аб’ектамі, рыначнымі ўтварэннямі, аб’ектамі грамадскага харчавання і прыдарожнага сэрвісу”.

Пры правядзенні маніторынгу выяўлены наступныя парушэнні:

  • не выконваліся тэмпературныя рэжымы пры захоўванні прадуктаў харчавання ў двух выпадках, у прыватнасці, у магазінах “Міні-маркет” ПГУП “Пасатгандаль”, “Ивушка” ў гарпасёлку Казлоўшчына;
  • адсутнічалі этыкеткі і інфармацыі на спажывецкай тары ў 5 выпадках (магазіны “Прадукты” ў гарпасёлку Казлоўшчына, “Прадукты” ў гарпасёлку Наваельня, “Верасок” у горадзе Дзятлава, “Эльза” ПГУП “Эльзапрад”, аўтамагазін у гарпасёлку Казлоўшчына);


ГРЫБЫ: ПРАВІЛЫ ЗБОРУ І ПРЫГАТАВАННЯ

У Беларусі зарэгістраваны высокі ўзровень атручвання грыбамі, восем выпадкаў -- са смяротным зыходам. Найбольшая колькасць пацярпелых ад атручэння зафіксавана ў Мінску. Такая сітуацыя -- вынік ігнаравання правілаў збору грыбоў, іх прыгатавання.

Таму іх яшчэ раз варта нагадаць. Па-першае, збіраць трэба толькі вядомыя грыбы, не спрабаваць невядомыя на смак. Нельга збіраць грыбы ўздоўж дарог. Неабходна звяртаць увагу на форму, знешнюю афарбоўку, колер мякаці да і пасля таго, як грыб зрэзалі. Гэта дапаможа распазнаць ядавітыя грыбы, сярод якіх ёсць многа падобных на ядомыя.

Не варта адкладваць і апрацоўку грыбоў, паколькі гэта прадукт, які хутка псуецца. Нарыхтоўваць лепш за ўсё толькі маладыя грыбы, пры гэтым саліць, марынаваць кожны від трэба асобна.