Балькоўскі Д.

warning: Creating default object from empty value in /var/www/t-av/data/www/dyatlovo.info/modules/taxonomy/taxonomy.module on line 1390.


СУСВЕТНЫ ДЗЕНЬ ВОДНА-БАЛОТНЫХ УГОДДЗЯЎ

Сусветны дзень водна-балотных угоддзяў штогод праводзіўся 2 лютага. У 1997 годзе ў іранскім горадзе Рамеер была падпісана канвенцыя аб водна-балотных угоддзях, маючых міжнароднае значэнне галоўным чынам у якасці месцапражывання водаплаваючых птушак (Рамсарская канвенцыя).

На 1 лютага 2013 года да Рамсарскай канвенцыі далучылася 160 краін. Больш за 1912 водна-балотных угоддзяў агульнай плошчай больш за 186 млн. га ва ўсім свеце ўключаны ў Рамерскі спіс.



ПАКІНЬЦЕ МАШЫНУ ДОМА

22 верасня - Міжнародная акцыя "Дзень без аўтамабіля"

У Беларусі 22 верасня пройдзе чарговая штогадовая міжнародная акцыя "Дзень без аўтамабіля”.

Асноўная мэта акцыі - скіраваць увагу насельніцтва да вялікай экалагічнай праблемы нашых гарадоў: якасці паветра, якім мы дыхаем. Таксама сярод мэтаў акцыі - паказаць уплыў кожнага чалавека на сваё здароўе, прапаганда здаровага ладу жыцця.

Нягледзячы на тое, што аўтатранспартны комплекс з'яўляецца важнейшай галіной эканомікі, якая задавальняе патрэбы грамадства ў перавозках, ён у той жа час з'яўляецца буйнейшым забруджвальнікам навакольнага асяроддзя. У маштабах краіны доля транспарту ў агульных выкідах забруджваючых рэчываў у атмасферу ад усіх крыніц дасягае 72%.



ПРАВІЛЫ ПАЖАРНАЙ БЯСПЕКІ Ў ЛЯСАХ

Лес – гэта адзін з важнейшых нацыянальных прыродных багаццяў Беларусі і найбольш прывабны від рэкрацыйных тэрыторый. Адным з прыродных і антрапагенных фактараў, які аказвае негатыўны ўплыў на стан лясных экасістэмаў, зяўляецца пажар. Ён наносіць дзяржаве значную матэрыяльную і экалагічную шкоду, якая ў Беларусі з 1976 года складае 900 тысяч долараў у год. Тое, што прырода і людзі стваралі дзесяцігоддзямі, можа быць знішчана ад запаленай і неасцярожна кінутай запалкі, разведзенага вогнішча за лічаныя гадзіны.

Часцей за ўсё лясныя пажары ўзнікаюць:
-- па віне людзей, якія пакідаюць непатушаныя вогнішчы ці акуркі ў месцах адпачынку ці пры правядзенні работ;
-- з-за гульні дзяцей з агнём;
-- пры спальванні смецця ўладальнікамі дач і садовых участкаў на ўзлесках;
-- ад сельскагаспадарчых выпальванняў.



ДАРАГІЯ ПЕРШАЦВЕТЫ

Па інфармацыі Міністэрства прыродных рэсурсаў і аховы навакольнага асяроддзя, у Беларусі растуць такія першацветы, як пралескі, падснежнікі, майскія ландышы. Сярод першацветаў на тэрыторыі нашай краіны ёсць і расліны з Чырвонай кнігі Беларусі. Гэта сон лугавы, сон раскрыты, анемона лясная, пярэсна еўрапейская і іншыя. Збіраць такія расліны забаронена, за невыкананне гэтага правіла чалавеку пагражае штраф. За невялічкі букет першых веснавых кветак у Беларусі трэба будзе заплаціць штраф ад 2 да 5 мільёнаў рублёў. Гэтую ж суму давядзецца аддаць і ў тым выпадку, калі вы вырашылі нарваць букецік у лесе.

Інспекцыя прыродных рэсурсаў і аховы навакольнага асяроддзя раіць не рваць першацветы і не набываць іх у гандляроў. Чым больш іх зрываюць вясной, тым менш кветак вырасце ў наступным годзе. Масавы збор дрэнна ўплывае на іх папуляцыю.

Забараняецца таксама збор і продаж такой рэдкай расліны, занесенай у Чырвоную кнігу Рэспублікі Беларусь, як чарамша -- цыбуля мядзведжая ці цыбуля пераможная.



ВЫРАТУЕМ РЫБУ РАЗАМ

Заморы рыбы выклікаюцца недахопам або адсутнасцю кіслароду ў вадзе. Яны суправаджаюцца масавай гібеллю ўсіх відаў рыб і наносяць вялікія эканамічныя страты, бо ў вадаёме ў наступныя два-тры гады значна зніжаецца рыбапрадукцыйнасць. Рыбаловы-аматары могуць аказаць вялікую дапамогу ў папярэджанні замораў рыбы.

Што садзейнічае з’яўленню замора і як яго прадухіліць? Адмоўна адбіваецца на захоўванні рыбы зімой жорсткая водная расліннасць, якая гніе і адымае ў вады вялікую колькасць кіслароду, неабходнага для дыхання рыбы. Таму ў заморных вадаёмах у прыбярэжных зонах на зіму неабходна скошваць жорсткую расліннасць.

Снежнае покрыва робіць больш цяжкім газаабмен у вадзе, і водарасці з-за слабой асвятляльнасці выдзяляюць вельмі мала кіслароду. Для паляпшэння пранікнення свету, які садзейнічае працэсам фотасінтэзу і асіміляцыі раслін, што абагачаюць ваду кіслародам, у мяркуемых месцах канцэнтрацыі рыбы на зіму рэкамендуецца перыядычна расчышчаць снег. Мінімальная колькасць святла, неабходнага для асіміляцыі раслін, трапляе ў ваду, калі таўшчыня слою снегу на лёдзе не перавышае 5-10 сантыметраў.



НЕ КІДАЙЦЕ СМЕЦЦЕ АБЫ ДЗЕ!

Рашэннем Дзятлаўскага райвыканкама №152 ад 01.04.2009 была зацверджана схема вывазу камунальных адходаў па Дзятлаўскім раёне, у якой былі абумоўлены перыядычнасць вывазу, месцы збору цвёрдых камунальных адходаў у населеных пунктах, замацаваны службовыя асобы. Так у горадзе Дзятлаве, гарпаселках Наваельня і Казлоўшчына, пасёлку Гезгалы і некаторых сельскіх населеных пунктах збор і вываз адходаў ажыццяўляецца тэхнікай РУП ЖКГ на падставе складзеных дамоваў.

Па вызначаных днях у пэўны час смеццявоз прыязджае да домаўладання, каб забраць назапашанае смецце. Аднак не ўсе жыхары ставяцца да гэтага адказна. Некаторыя забываюцца пра тое, што пакет смецця, калі яго вынеслі, абавязкова трэба кінуць у кантэйнер, а не пакідаць побач, ці кінуць у кантэйнер, прызначаны для збору другасных рэсурсаў (кардон, пластык, тэкстыль, шкло). Усяго ў раёне ўсталяваны 102 кантэйнеры для паасобнага збору смецця.



МЕСЯЧНІК ПА ЗБОРУ РТУЦІ

Згодна з планам асноўных мерапрыемстваў па арганізацыі функцыянавання дзяржаўнай сістэмы папярэджання і ліквідацыі надзвычайных сітуацый і грамадзянскай абароны Гродзенскай вобласці на 2012 год з 8 па 30 лістапада праводзіцца месячнік па прыёме ртуці ад насельніцтва і арганізацый.

У час месячніка праводзіцца бясплатны прыём ад насельніцтва ртуці і адходаў, якія яе ўтрымліваюць. Прыём люмінесцэнтных лямпаў, тэрмометраў і іншых адходаў, якія ўтрымліваюць ртуць, ад насельніцтва здзяйсняе пункт збору і часовага захавання ртуцьутрымліваючых адходаў на базе вытворчага ўчастка РУП ЖКГ па адрасе: г. Дзятлава, вуліца Навагрудская, 4. Адказны -- вядучы інжынер-энергетык Дзятлаўскай ЖКГ Аляксандр Валер'евіч Цалуеў (рабочы тэлефон 6-00-11).



22 ВЕРАСНЯ - ДЗЕНЬ БЕЗ АЎТАМАБІЛЯ

Вынікі ўздзеяння чалавека на прыроду прымушаюць задумацца: да чаго мы прыйдзем праз пару дзесяцігоддзяў, што мы пакінем нашчадкам на гэтай зямлі? Чалавек -- гэта частка прыроды, разумная яе частка, і таму мы павінны паводзіць сябе адпаведна. Экалагічная сістэма -- гэта наш агульны дом. Трэба прыкласці ўсе намаганні, каб у выніку дзейнасці чалавека было менш забруджвання. Адна з такіх праблем - забруджванне атмасферы. Галоўным фактарам, які ўплывае на яго чысціню, з'яўляюцца выхлапныя газы ад мабільных крыніц. Яны складаюць 72% ад усіх выкідаў у атмасферу ў нашай рэспубліцы, а ў свеце -- 80%. Каб звярнуць увагу на гэтую праблему, штогод у многіх краінах свету праводзіцца акцыя "Дзень без аўтамабіля". Эколагі звяртаюцца з просьбай пакінуць сваё аўто дома 22 верасня.



Без "лыжкі дзёгцю" не абышлося

Чарговы рэйд па праверцы ўтрымання палосаў ля дарог, адеодаў і месцаў для адпачынку быў праведзены Дзятлаўскай раённай інспекцыяй прыродных рэсурсаў і аховы навакольнага асяроддзя сумесна з рэдакцыяй газеты "Перамога".

У гэты раз мы накіраваліся па маршруце Савічы-Раготна-Казлоўшчына-Дзятлава. Прыемна, што смецце на нашым шляху амаль што не траплялася. Напрыклад, месца для адпачынку "Мядзвінавічы": тут устанавілі новы столік і лавы ля яго, смецце акуратна складзена ў урну. Таксама чысціню мы ўбачылі на ўсіх прыпынках, якія трапляліся на нашым шляху.



Адсвяткавалі

Чарговы рэйд па праверцы ўтрымання палосаў ля дарог і як наводзіцца парадак у рамках месячніка па ўборцы тэрыторый быў праведзены Дзятлаўскай раённай інспекцыяй прыродных рэсурсаў і аховы навакольнага асяроддзя сумесна з рэдакцыяй газеты "Перамога".

Кожны чалавек светлае свята Вялікадня ўспрымае па-свойму. Для кагосьці гэта час урачыстай малітвы, добрых справаў, а для кагосьці — нагода, каб чарговы раз "адсвяткаваць", заоыўшыся на духоўны сэнс хрысціянскіх святаў. Апошняе стала, на жаль, відавочна, як толькі мы накіраваліся на ўскраіну Дзятлава.