Багдасараў А.

warning: Creating default object from empty value in /var/www/t-av/data/www/dyatlovo.info/modules/taxonomy/taxonomy.module on line 1390.


"РУБІНАВАЯ" ТАЙНА ОРДЭНА "ПЕРАМОГА"

Любая баявая ўзнагарода — салдацкая медаль "За адвагу" або ордэны, якімі адзначаліся толькі афіцэры вышэйшых званняў, — вартая павагі і шанавання. Аднак ордэн "Перамога" ў іх шэрагу займае асаблівае месца.

Падобных узнагародаў у свеце вельмі мала, да таго ж у гэтага ордэна ёсць свая адмысловая таямніца — з яго вырабам звязана вельмі драматычная гісторыя.

У 1943 годзе, калі ўжо была атрымана вялікая перамога, на Маскоўскую ювелірна-гадзіннікавую фабрыку паступіў сакрэтны заказ-загад на выраб ордэна "Перамога", падпісаны Вярхоўным Галоўнакамандуючым Іосіфам Сталіным. У катэгарычнай форме ён патрабаваў выкарыстоўваць для стварэння ордэна выключна айчынныя прыродныя мінералы і матэрыялы. Адных толькі каштоўных металаў — золата, плаціны, алмазаў, брыльянтаў і рубінаў — зрасходавалі на суму больш за 6,5 мільёна рублёў. У гады ваеннага ліхалецця гэта былі вельмі вялікія грошы.



ЦІ НЕБЯСПЕЧНЫ РАДОН

Па дадзеных ААН, у штогадовай дозе апраменьвання, атрыманай чалавецтвам, доля ўздзеяння прадуктаў ад шкодных выпрабаванняў складае ўсяго 0,7 % , ад работы АЭС -- 0,3 % , а вось “уклад” медыцынскіх абследаванняў (рэнтген, радыетэрапія, флюараграфія, лазералячэнне) значна больш сур'ёзны -- 34% усёй гадавой дозы . На “ўзроўні” і прыродныя крыніцы радыяцыі -- натуральны фон выпраменьванняў, які залежыць ад геалагічных і планетарных фактараў -- 22%. Асноўная ж доля радыяцыі прыпадае на ўздзеянне атмасферных прадуктаў распаду радыеактыўнага газу радона -- 43%.

Атрымліваецца, што радон больш небяспечны, чым Чарнобыль і яго негатыўныя наступствы. А мы, на жаль, часам недаацэньваем небяспечны ўплыў натуральнага прыроднага апраменьвання. І, нягледзячы на гэта, радон лячэбны, асабліва радонавая вада. Пры гэтым, вада можа быць з натуральнай крыніцы (напрыклад, як у санаторыі “Радон “), і вада штучна насычаная радонам (напрыклад, як у Брэсцкай абласной бальніцы).



ЧЫРВОНЫЯ КОЛЕРЫ СТУДЗЕНЯ

Студзеню, акрамя чырвоных гранатаў, характэрны і іншыя самацветы чырвонага колеру -- ружовы кварц, александрыт і раданіт. Чырвоныя камяні -- гэта ўвасабленне асцярожнасці і разважлівасці. Вы ніколі не зробіце важнага крока без глыбокага абдумвання, калі не будзеце цалкам упэўнены ў паспяховым выніку. Для вас важней за ўсё інтэлект, і вы можаце спакойна дараваць сваім блізкім і падначаленым усё, калі яны неардынарныя і таленавітыя. З усіх чырвоных камянёў самымі шчаслівымі лічацца вогненна-чырвоны піроп і альмандзін.

Піроп -- гэта магніева-алюмініевы гранат ярка-чырвонага, вішнёвага, малінавага і чырвона-аранжавага колераў. Назва пайшла ад грэчаскага слова "пиропос" -- падобны агню. Піроп -- пастаянны спадарожнік алмазаў, ювелірны каштоўны камень, які ўпрыгожваў старажытнае адзенне, камень вельмі прыгожых таноў.



АБЕРАГАЙ МЯНЕ, МОЙ ТАЛІСМАН

Ва ўяўленнях людзей старажытных часоў, каштоўныя камяні павінны былі прыносіць іх уладальнікам шчасце і поспех ва ўсіх справах. З цягам часу людзі сталі звязваць гэтыя бліскучыя каменьчыкі з месяцам нараджэння, а ў 1968 годзе ў Лондане на Міжнародным кангрэсе мінеролагаў і астролагаў быу зацверджаны спецыяльны каляндар камянёў-самацветаў. Вось яго галоўная "старонка": студзень -- гранат, люты -- аметыст, сакавік -- аквамарын, красавік -- алмаз, май -- ізумруд, чэрвень -- жэмчуг, ліпень -- рубін, жнівень -- хрызаліт, верасень -- сапфір, кастрычнік -- апал, лістапад -- тапаз, снежань -- біруза.

У спалучэнні каменя-самацвета і месяца нараджэння чалавека назіраецца простая і лагічная тэндэнцыя: сярод камянёў вясенніх і першых летніх месяцаў пераважаюць зялёныя і светлыя адценні; сярэдзіна лета і яго спёка выклікаюць у памяці чырвоныя і жоўтыя колеры; восень прыцягвае да яркіх і сініх, а зіма -- да блакітных і фіялетавых таноў. І выключэнні, якія здаюцца нам на першы погляд, толькі пацвярджаюць агульнае правіла. Так, напрыклад, вогненна-чырвоны студзеньскі гранат быццам бы грэе, як гарачыя вуглі ў каміне, у зімовую сцюжу; зіхатлівыя красавіцкія брыльянты, вытачаныя з алмазаў, асацыіруюцца з ледзяшамі, якія растаюць; жэмчуг -- талісман гарачага чэрвеня -- нагадвае кроплі ранішняй расы на траве гэтага багатага на росы месяца.



САМАЦВЕТЫ ГОДА ЗМЯІ

24 студзеня 2013 года па японскім календары і 10 лютага – па кітайскім, на змену чорнаму вадзяному Дракону прыйдзе чорная вадзяная Змяя, а значыць, і ўпрыгажэнні года Дракона, як бы па спадчыне, пяройдуць да тых, хто так ці інакш звязаны з годам Змяі.

Паколькі Змяя ў надыходзячым годзе не толькі чорная, але і вадзяная, то і камяні-самацветы павінны быць не толькі чорнымі, але ўтварацца ў вадзе або ўтрымліваць яе ў сваім складзе. І сама прырода дала ўсім жанчынам шанц у выглядзе чорнага жэмчугу і апалу.



Невычэрпны "Родник" санаторыя "Радон"

Лячэбна-аздараўленчыя працэдуры і добра арганізаваная культурна-забаўляльная праграма ствараюць
у санаторыі "Радон" камфортную атмасферу і садзейнічаюць актыўнаму адпачынку і лячэнню.

Усю культурна-забаўляльную праграму ў санаторыі здзяйсняе эстрадны калектыў "Родник", які створаны аддзелам культуры. У склад яго ўваходзяць не толькі работнікі санаторыя, але і тыя, хто прыехаў сюды папраўляць сваё здароўе.

Сярод іх заўсёды знаходзяцца і спевакі, і чытачы, і танцоры, якія з задавальненнем выступаюць у штотыднёвай канцэртнай праграме "Песня збірае сяброў". Галоўнае, што гэта даўно стала добрай традыцыяй у санаторыі "Радон". Тут заўсёды адзначаюць "Дзень імянінніка" ў гонар тых, хто ў час адпачынку святкуе свой Дзень нараджэння.



Магнітныя буры правакуюцца радонам

Пры адхіленнях на Сонцы ў касмічную прастору выкідваецца вялікая колькасць рэчываў, частка якіх за 2-3 дні дасягае зямной атмасферы. I гэты паток парушае магнітнае поле Зямлі, мяняе яго характарыстыкі і выклікае магнітныя буры. Наступныя адмоўна ўплываюць на самаадчуванне людзей - пагаршаецца сардэчна-сасудзістая дзейнасць, "скача" крывяны ціск, павялічваецца аварыйнасць на дарогах. Але тут ёсць цікавая дэталь, якая можа сарыентаваць людзей па-іншаму ўспрымаць магнітныя буры.

Пры актыўным абурэнні магнітнага поля Зямлі папераменнаму сцісканню і расцяжэнню падвяргаюцца горныя пароды літасферы, з якіх пачынае інтэнсіўна выдзяляцца інертны радыеактыўны газ радон.



Чым карысны і шкодны радон?

Радыёактыўны газ радон з'яўляецца хімічным элементам VIII групы перыядычнай сістэмы Д. Мендзелеева і разам з геліем, неонам, аргонам, крыптонам і ксенонам адносіцца да сямейства інертных газаў.

Радон - аднаатамны газ без паху, смаку і колеру са шчыльнасцю 9,73 т/л, тэмпературай кіпення 61,9 градуса і тэмпературай плаўлення - 71 градус. Хімічна малаактыўны. Мае 25 натуральных і 16 штучных ізатопаў.



У "Радон" з радасцю?

Гэты беларускі санаторый можна без перабольшвання паставіць у адзін шэраг са знакамітымі здраўніцамі іншых краін.

Да таго ж у яго ёсць нямала перавагаў. Аб санаторыі "Радон", які знаходзіцца ў маляўнічыс сасновым лесе ў Дзятлаўскім раёне Гродзенскай вобласці, чулі нават тыя, хто ў ім ні разу не быў. Сюды даўно "пратапталі сцежку" не толькі жыхары Беларусі, але і іншых краін. Тут паспяхова лечаць хваробы апорна-рухальнага апарату, сардэчна-сасудзістай сістэмы, шчытападобнай залозы.

АСАБІСТЫ ДОСВЕД

Асабіста я праходзіў курс лячэння ў "Радоне" ўжо восем разоў і праз год абавязкова зноў прыеду ў гэты санаторый. Ва ўсялякім выпадку дактары настойліва рэкамендуюць мне падлечваць там раз у год зраненыя геалагічнымі паходамі ногі на працягу 10-12 курсаў. Аднак пачну не з хвалебных одаў экалагічна чыстай тэрыторыі, цудоўнай прыродзе і людзям, а з крытыкі таго, што перашкаджала паўнавартасна адпачываць і лячыцца.