Авярчук Н.

warning: Creating default object from empty value in /var/www/t-av/data/www/dyatlovo.info/modules/taxonomy/taxonomy.module on line 1390.


У ДОБРЫ ШЛЯХ! У ЛЁГКУЮ ПАРУ!

14 верасня была ўрачыста ўведзена ў эксплуатацыю грамадская лазня ў гарпасёлку Наваельня. Каля 3 тысяч пасялкоўцаў доўга чакалі гэтую падзею: праблемнае пытанне пастаянна гучала на “Прамых лініях”, якія праводзяцца ў раёне. А вось на адкрыцці такога значнага аб’екта, як ні дзіўна, аншлагу не было.

Будаўніцтва лазні доўжылася тры гады і, нарэшце, сёлета, пры актыўным удзеле кіраўніцтва нашага раёна, абласнога і раённага прадпрыемстваў ЖКГ, упраўлення лясной гаспадаркі і непасрэдна дзятлаўскіх будаўнікоў шматгадовы праект атрымаў рэалізацыю. Гэта падкрэсліў у прывітальным звароце да прысутных старшыня Дзятлаўскага раённага выканаўчага камітэта Іван Крахмальчык:



ЛЯСНЫ ГАСПАДАР

“Расце на лес гледзячы” – ківаюць людзі на тых, хто жыве без выхавання, без нагляду. Ды забываецца народная мудрасць пра тое, што лес – гэта лепшая школа жыцця, гартавання характару, навука гармоніі з сабой, светам і людзьмі. Каму гэта ведаць лепш, чым гаспадару лесу, лесніку Вензвецкага лясніцтва, Сяргею Бельскаму?

– Да пахвалы не імкнуся, проста выконваю сваю працу, – заўважае Сяргей Лявонавіч на віншаванне з Ганаровай граматай Міністэрства лясной гаспадаркі.

Нават крыху саромеецца. Маўляў, што простаму лесніку да ўзнагародаў? Яго звыклыя пуцявіны не праходзяць праз залы ды кабінеты. І сёння заслужанага лесніка мы засталі не ў канторы, а ў лесе. Добра, што прагрэс дайшоў і сюды: мабільная сувязь дапамагла хутка знайсці ляснога гаспадара. Штодзённы абход Сяргея Бельскага складае каля дзесяці кіламетраў: трэба ж на свае вочы ўпэўніцца, што ў лесе парадак! Клопату хапае. Гэта ахова лясных масіваў: улетку – ад пажараў, а ўвесь год – ад самавольных высечак. Лес патрабуе пастаяннага ўдзелу: і расчыстка ад буралому, і догляд за культурамі: ведама ж – жывы арганізм! Зімой разам з егерамі трэба клапаціцца пра тое, каб лясныя звяры не засталіся галоднымі. Асноўны аб’ём працы ён выконвае сам. А калі ўжо трэба – збіраюцца разам леснікі з розных лясніцтваў і дапамагаюць.



КОЖНЫ ДЗЕНЬ – У КЛОПАТАХ ПРА ЛЕС

Напярэдадні свята работнікаў лесу карэспандэнтка гутарыць з дырэктарам ДЛГУ “Дзятлаўскі лясгас” Вячаславам Ерамейчыкам.

– Вячаслаў Сільвестравіч, што сёння ўяўляе з сябе лясная гаспадарка Дзятлаўшчыны?
– ДЛГУ "Дзятлаўскі лясгас", як самастойнае лесагаспадарчае прадпрыемства, было ўтворана ў 1968 годзе, у склад лясгаса ў той час уваходзілі 7 лясніцтваў агульнай плошчай 52,7 тысячы гектараў. Сёння лясгас займае плошчу 83662 гектары і складаецца з 9 лясніцтваў (Вензавецкае, Гезгалаўскае, Дзям'янавіцкае, Казлоўшчынскае, Лявонавіцкае, Наваельнянскае, Ахонаўскае, Раготнаўскае, Рудаяварскае) і дрэваапрацоўчага цэха.



Школьны вітальны званок

1 верасня ва ўсіх навучальных установах нашай краіны прайшлі евяточныя лінейкі, прымеркаваныя да Дня ведаў і пачатку новага навучалышга года. На Дзятлаўшчыне сёлета за школьныя парты селі 2800 вучняў, 293 з якіх - зрабілі гэта ўпершыню.

Мы скіруем свой маршрут у школу №3 горада Дзятлава, куды ўжо пацягнуліся прыгожа прыбраныя чародкі школьнікаў з букетамі кветак.

Дзень ведаў - свята, крыху сумнае для вучняў (канікулы ж скончыліся!), хвалюючае - для бацькоў, якія ў выхадны суботні дзень змаглі сустрэць яга разам з дзецьмі, адказнае - для настаўнікаў, перад якімі - здзяйсненне важных адукацыйных задач у новым навучальным годзе. Гэта апошняе такое вераснёўскае свята для выпускнікоў, якіх сёлета ў школе №3 - 62, і самае першае для 74 нядаўна яшчэ гарэзаў-дашкольнікаў, а цяпер ужо сур'ёзных людзей - першакласнікаў.



Калі гармонія ва ўсім

Дзятлаўскае ДРБУ багатае на добрых і адказных работнікаў. А ёсць сярод іх сапраўды ключавыя фігуры, ад якіх залежыць работа ўпраўлення ў цэлым. Адным з іх з'яўляецца Людвіг Скрундзь, які аддаў рабоце ў ДРБУ-119 ужо 23 гады.

Людвіг Вацлававіч пачынаў сваю працоўную дзейнасць у калгасе "Слава працы". Пасля была вучоба ў Жыровіцкім саўгас-тэхнікуме з 1972 па 1975 год, па заканчэнні якога ён ужо кваліфікаваным спецыялістам стаў загадваць рамонтнай майстэрняй у саўгасе "Горка".



Быць лепшымі сярод лепшых

Пра сёлетнюю работу прадпрыемства і дасягненні ў працы карэспандэнтка гутарыць з галоўным інжынерам ВУ "Дзятлаварайгаз" Юрыем Ганчаром.

— Юрый Іванавіч, што зроблена ўпраўленнем за гэты год?
— Ужо можна падвесці прамежкавыя вынікі. Штогод упраўленню даводзяцца планавыя паказчыкі. Мы ўсе іх выконваем. 3 пачатку года было газіфікавана 40 кватэр, у тым ліку са звадкаваным газам — 30 кватэр; заменена 170 адзінак газавага абсталявання, якое адпрацавала свой нарматыўны тэрмін. Паралельна вядзецца работа на нашых газарэгулятарных пунктах (тэрмін іх работы толькі 20 гадоў). У цяперашні час гэтыя работы практычна завершаны. Для стабільнага і бесперабойнага забеспячэння спажыўцоў газам праведзена даабсталяванне газаразмеркавальнага пункта №6 дадатковай лініяй.



Дарога жыцця для дваіх

Ёсць даты важныя, значныя, адметныя, якія праходзяцьу жыцці, пакідаючы ў ім свой след. Ёсць жа лёсавызначальныя падзеі, якія мяняюць усё жыццё, становяцца яго асновай. Для Леаніда Вікенцьевіча
і Леанілы Вікенцьеўны гэта дзень, калі назвалі адзін аднаго мужам і жонкай, калі розныя лёсы людскія спляліся ў адну долю на дваіх. Сёлета мінула 60 гадоў часам нялёгкага, але заўжды шчаслівага сямейнага жыцця ў паразуменні і згодзе. У народзе такі юбілей завецца брыльянтавым вяселлем.

За гэты час стужку жыцця зноўку маладых Леаніда і Леанілы ўпрыгожыла мноства самых дарагіх дыяментаў — іх дзёці, унукі, праўнукі, россып яскравых і радасных дзён.



Магазін "Пралеска": на старым месцы - па новых ценах

Новы працоўны тыдзень для жыхароў вуліцы Гагарина ўДзятлаве і прылеглай ваколіцы вызначыўся адкрыццём пасля мадэрнізацыі магазіна "Пралеска", які належыць Дзятлаўскаму філіялу Гродзенскага аблспажыўтаварыства. Гандлёвая кропка не толькі пераўвасобілася знешне, але і стала выгадна адрозніваццаад астатніх - гэта першы магазін-дьіскаўнтар.

Што гэта значыць і чым магазін стаў лепшым для спажыўцоў - тлумачыць у час яго адкрыцця намеснік дырэктара Дзятлаўскага філіяла Гродзенскага аблспажыў-таварыства Валянціна Уладзіміраўна Баравік:



Лепшыя педалі - у нашым ДТСААФ

"Хочаш кіраваць аўтамабілем - спытай мяне, як" - гэты слоган смела можна аднесці да работнікаў Дзятлаўскага ДТСААФ. Тут працуюць сапраўдныя "профі", і гэта пацвердзіў сёлетні конкурс прафесійнага майстэрства, дзе зноўку сярод прызераў - дзятлаўчане.

Штогадовы абласны конкурс прафесійнага майстэрства ў гэтым годзе прымала Навагрудчына. У ім бралі ўдзел лепшыя з лепшых — пераможцы адборачнага этапу конкурсу па кожным з раёнаў вобласці.

Дзятлаўскае ДТСААФ упершыню прадставіў Аляксандр Мілевіч, малады майстар навучання.



Аляксандр Кійко: "Хто хоча зарабіць - той працуе"

Хіба што вялікім цудам у малым маштабе можна назваць вяртанне ў строй Дзятлаўскай МПМК-147. Яшчэ ў мінулым годзе прадпрыемства знаходзілася ў складаным становішчы, а сёлета яно ўпэўнена трымае курс на пленную працу са стабільным прыбыткам. У чым сакрэт такіх глабальных пераменаў, дзеліцца дырэктар прадпрыемства А. Кійко.

— Аляксандр Дзмітрыевіч, як спрацавала прадпрыемства ў гэтым годзе?
— Апошні год складваецца для арганізацыі няблага. Калі ў мінулым годзе мне давялося выступаць у калектыве, было крыху боязна выходзіць на сцэну і рабіць прагнозы на будучыню, бо аб'ёмы будаўнічых работ складалі 150-300 мільёнаў рублёў за год. Сёння арганізацыя выконвае аб'ёмы ў раёне 1 мільярда 400 тысяч рублёў за кошт выканання будаўніча-мантажных работ і працы падсобнай гаспадаркі. Калі ў мінулым годзе мы працавалі ў стратах, то сёлета маем стабільны прыбытак, у тым ліку, чысты прыбытак ад рэалізацыі.